فصلية شيوخ

البارت السابع

هلو حبايب لا تنسون التصويت وتنطوني رأيكم
حبايب هذا البارت نص حقيقه ونص خيال مااشي
قرائه ممتعه ♡♡♡♡♡♡♡♡♡♡♡
☆☆☆☆☆☆☆☆☆☆☆☆☆☆☆
⊙⊙⊙⊙⊙⊙⊙⊙⊙⊙⊙⊙⊙⊙⊙
《فصلية شيوخ》

غسق:  مرة من المرات صادف الساعا ( 2ونص م) خلصت شغلي وصعدت للغرفه 《 ملاحضة.... المخزن بعد ح أسمي الغرفه 》 وشفت البزونه نايمه واني هم نمت شوي اليوم البيت كله طالع .
يعني بس اني والشيخ قيصر شكد اكرهه 😒 المهم نمت وكل عادة أكعد ع دفرات ال شيخ قيصر .
فتحت عيوني ب كسل واني افرك بعين اليمنه  واتثاوب كتله .... خير خير شكوو من الصباحيات مكعدني.
قيصر: كووومي (بصياح)  اني مو كتلج أكوي الهدوم هااا ولج ليش بت الخ....*^ انع.....^* انتي .
تحبين الغلط والرزايل والكتل اليوم اموتج
غسق: أاااخ اااااخ عووفني دعوفني اووووووي عفية وخر والله بعد ماعيدهه😭😭 والله حتى جسمي
بعدة ماطاب  عووفني
قيصر: اكلي خ.... ولج اليوم عندي كعدة واجي تعبان حتى غدا ماصابه لج اني حجيت اني مو كلت
تخدميني هاا
غسق: لزمت دشداشته وكتله بس عوفني هاي شبيك ماتصدكلك حجه حتى تكتلني كافي تراا تعبت والله
تعبت كاافي عاد😢 مللليت عفت دشداشته وكعدت ابجي بصوت عااالي ابجي وابجي ع حضي وع روحي
وع كل شي وياي اشوي وهو لزم اجتافي وكال....
قيصر: كاافي ولج كطعتي كلبي اني
غسق: هه ماتكدر مووو ماتكدر دكول أسف هاا 😢😢 وضليت ارافس عووفني لتلمسني
قيصر: اني اسف
غسق: 😰 هااا
قيصر: أول شي سدي حلكج وثاني شي ليش ماكاويه الملابس
غسق: ضليت ابجي كتله .... والله مادري ما تذكرت ونمت ومادري بروحي والله 😭😭
قيصر: اااشششششش ( وهو حاط اصبعه ع شفايف غسق) ااشششش  اسكتي لتبجين
غسق: من سوة هيج انصدمت أول مرة هو هيج يتعامل وياي ممتعودة ع أسلوبه اتفاجئت كتله هاا
قيصر: لج انتي شكد غبيه وثوله (ببتسامه) ها شبيج بعدج فاكه حلكج
غسق: يالله من ضحك طلعت الغمازة ع جهة ال يمنى اني ابتسمت من وحدي ومادري شنو السبب
ألي ضحكني بس شوي وانتبهت وذكرت كلشي وراحت الابتسامه من شفايفي وكتله.... واني عاقدة
حواجبي  كتله ... اني مو غبية ولا ثوله مااشي
قيصر: لا انتي غبية وثوله وحلوة ببتسامه حجيتهه
غسق: هااا هذا ياهو ألي يحجي
قيصر: وهو رفافع حاجبه ليش يمه انتي شايفه مني حتى تحجين هيج
غسق: لا خطية اااااابد كللشي مشايفه منك اني اصلا شايفه بس الحنان وطيبه الكلب والحضن
قيصر: تقربت من يمهه وهية رجعت راسهه ليورة وكتلهه يعني انتي تردين الحضن وطيبه الكلب
مووو
غسق: هااا لا مو هيج قص.. بعدني ممكمله ولكيت نفسي بحضنه هو حاضني اني من دون وعي حطيت
أدي ع ضهرة وبادلته الحضنه اشوي وانتبهت ال نفسي ودفعته وكتله ..... انته شلون تتجرأ وتحضني
هااا اني مو كتلك لا تلمسني
قيصر: رفعت حاجبي لا والله ومنو ألي حضني لزمت أيدهاا شنو أريج انصير  مثل الزوج والزوجه
غسق: هاا
قيصر: أحم شوفي ح الخليج فد يومين تفكرين
غسق: هااا
قيصر: شوفي اني اشجان جوابج هذا قرارج وانتي حرة
غسق: حجه بس هيج وراح واني  مصدووومه من يمه وأول مرة يحجي وياي بلطف هاي شسصايرر بل
دنيه😞 معقوله حن علية وهيج حجه معقوله حبني لا لا اني شجاي احجي وي حبني اشوي ودخت
ولعبت نفسي ركضت للحمام وتقيئت وتذكرت كلام سارة وكمت ابجي بس ماعرف شنو السبب بس
ما عندي غير هل حل هو البجي 😭 يعني معقوله اني حامل لا لا اني شجاي احجي اوووف ياربي
والله دماغي تشتت رحت للغرفه مالتي وطلعت هدوم صدك نسيت اكللكم  انو اخذت غراضي من غرفة
الشيخ قيصر وحطيتهه بغرفتي 《المهم》 اخذت هدوم ورحت للحمام .... الحمام يصير يم غرفتي
بس مو كلش لا شوي بعيد يعني يمكن 6او8 خطوات حتى أوصله 《المهم》 سبحت وكملت ورحت
مشطت شعري اني شعري يوصل جوة خصري لونه بني كللش حلوو وبي كسرة خفيفه كلللش
نزلت جوة اني صار لي يمهم 3أو7 أيأم يعني اليوم ال7 المهم نزلت جوة لكيت البيت صنننننننطه
يعني محد موجود😈 اني بعدني مشايفه بيتهم يعني اني طول النهار انضف المطبخ وبس يعني
ماطب للبيت بس المطبخ واصعد فاااا  هاي فرصتي حتى شوي افتر أول شي طبيت للمطبخ شربت
كلاصين2 مي وطلعت تفاحه أكل بيهه وافتر أول شي طبيت الاستقبال كلللش حلوة بيهه قنفه 2 واحد
مقابيل الثاني وبي بلازمه مرفوعه وبيهه طاوله اتصير طويله وشوي عريضه وبيهه كراسي وبيهه
اضويه معلكه ع السقف يعني الديكور واو انوب طبيت للصاله بسسسيط شغلهه بيهه طاوله كزاز
بس صغيرة شوي وبيهه قنفه اتصير مال كعدوة وع جهة اليمنه أكو بخور يعني واو انوب اكو
يم الصاله 4 غرف وحدة مقابل الثانيه رحت للاولى 1 فتحت الباب ع كييف لكيت ضوة  طافي
واكو ضوة أصفر خفيف شغلت الاضويه ولكيت عجوز نايمه ويمهه البنيه ألي ذبت  علي الجلافه
اللي هية (رحمه) هم نايمه طفيت الضوة واني خايفه تكعد وسديت  الباب ورحت للغرفه ألي
مقابيلهه لكيت بيهه رجرابي 3 أم النفر سديتهه ورحت للغرفه البصفهه وهم نفس التصميم
والغرفه  ألي بصفه ردة افتحهه بس منفتحت ضليت افتح  وحاولت شكد بس منفتح مادري
شنو ألي بداخلهه المهم صعدت فوك اتصير غرفة الشيخ قيصر ع جهة اليسرى مقابيل
الدرج واكو غرفه يم الغرفه مال شيخ قيصر فتحتهه هم متنفتح اووف ضجت رحت ع الغرفه
ألي بصفهه فتحتهه انفتحت ولكيت بيهه جربايه ام النفرين يمكن مال واحد متزوج عفتهه
ورحت ع الغرفه المقابيلهه هم فس الشي وتذكرت نسيت أكوي ملابس الشيخ قيصر
غميت كصتي وركضت للغرفه مالته وفتحت الباب الحمد الله محد بيهه رحت ركض ع الكنتور
وطلعت دشداشه لون رصاصي وغترة لون بيضة كويتهن وعطرتهن وطلعت محابس 3 وسبحه
بصراحه أول مرة اسوي هيج بس مادري ليش يمكن كلام سارة أثر بية كملت وباوعت ع الغرفه
نضيفه بس الجربايه شوي خربطه والكاع رايدلهه كنس المهم نضفتهه وكنستهه ومسحتهه
وعطرتهه وحطيت سله ب الحمام صغيرة لونهه سمائي حتى يحط ملابسة الوصخه واخذت
الملابس الوصخه حطيتهم ب الغساله وفريتهه نضفت الطابق الأول ألي الغرفه مالتي بي
نضفته وعطرته ونزلت ع الجوة هم نضتفه ونضفت الحمامات خليته يلمع لمع وعطرته هم وردت اسوي
عشى بس بصراحه ماعرف اووف ضليت ألوب  وافكر شعرف  حتى اسوي اشوي وطب ولد صغير
وبيدة تليفون اني كيفت كتله حبيبي انته ابنمن كال اني أبن رحمه كتله شكد عمرك كال.... عمري
9 كتله انطيني التليفون شوي هو مد أيدة كال انطيني ربع كتله بس يجي الشيخ قيصر اني أخلي
يطيك كال أييي اخذت التليفون وطبيت ع اليوتيوب وكتبت (كيفيت طبخ البرياني) طلعلي هوواي
دست ع أي وحدة وكتبت الوصفات ب ورقه وانطيت التليفون للولد وراح اني بديت اسوي وكثرت
شوي لأن خاف عائله جبيرة خلصت وضكته طيب وحطيت علي شعريه صار يخبل وسويت مركه
بيضه ودجاج هم المهم صعدت وشطفت وغيرت دشداشتي  لأن صار بيهه ريحه بصل و بهارات
فاا غيرتهه صارت الساعا ب (8:30م) نزلت واول مرة انزل لكيت البيت هووسه طبيت للمطبخ
ولكيت كوومه نسوان طبيت وكلت.... مساء الخير نص البنات ردن من ورة خشومتهن واكو بنات لا
فاااا رحت ع الطباخ ولكيت نصه ماكو 😱 لكيت بنيه يمي كتلهه شنو تعشيتو كالت
هدى: لا بس صبوا للولد
غسق: اها وانتو شوكت تتعشون
هدى: هسة شوي ونصب
غسق: ماعرفتج انتي منو
هدى: اني هدى اصير بت خال الشيخ قيصر وانتي الفصلية موو
غسق: دنكت راسي وهزيته بمعنى أي
هدى: لزمت جتفهه لاتضوجين حبيبتي اني هم مريت مثل موقفج
غسق: شنوو يعني انتي هم
هدى: اي اني هم جنت فصلية يله بعدين انسولف خل نشتغل
غسق: اممممم انصدمت من كالت اني هم رحت فصلية اوووف المهم شفت السنك كوومه امواعين
واني دا اغسل اجن بنات يمي وكفن كامن يسولفن البنيه الاولى كالت .... هههههه لج بااعي الحالهه
شبيج أكيد مو شريفه وذبوهه ع الشيخ... من حجت هيج عصرت الاسفنجه بيدي والثانيه كالت ....
هسة هية أكيد ح تسوي سحر للشيخ وتخلي يحبهه شبيج أكيد مامتربايه .... اني هنا بعد طكن الفيوزات
درت عليهن وردت احجي بس هدى أشرت براسهه لا تحجين اني سكتت ودرت وجهي وكمت اغسل ع سريع خلصت غسل امواعين شفت البنات دا يصبن ب الاكل رحت يمهن وكتلهن محتاجات مساعدة وحدة منهن كالت.... أي والله اني اضافري صارلي سبوع  اربي بيهن يله تعاي صبي بدالي والثانية كالت اني تعبت وكلمن طلعتلهه حجه وراحن اني ماهتميت بس همزين كثرت 《 المهم》 اصب وانطي ال هدى
تنكل بل أكل خلصت من الصب لكيت الطرشي مصبوب كمت أخذ واودي ب السفرة بس واني دا احط ب
السفرة ادور بعيوني ع سارة شو ماكو المهم خلصت الصب وكلهم التمو  ع السفرة ردت أكعد بس ماكو
مجال ضليت اباوع ماكوو شوي وصاحتلي سارة كالت تعاي يمي وبتسمت اني فرحت لأن لكيتهه هزيت راسي ورحتلهه وكعدت يمهه كتلهه وين جنتي جنت ادور عليج
سارة: جنت يم الحجية
غسق: بتفاجئ الحجية منو
سارة: اتصير أمي احنا انسميهه الحجيه
غسق: اها
سارة: اي ،،، اكلج
غسق: كولي
سارة: هم حاجنج هم سمنعج حجابه
غسق: ها أي
سارة: شنوو منو ألي سمعتج
غسق: سارة عفية ماريد مشاكل وصياح  عوفينه من المشاكل
سارة: أي هاي الخاطرج زين بس كليلي منوو
غسق: ما أكلج أحسن
سارة: هذنيج ألي حاجنج موو
غسق: 😱 شمدريج
سارة : اعرفهن حقيرات شوفي شراح اسوي بيهن بسسسيطه
غسق: عليج الله ماريد مشاكل والله ما بيه حيل انكتل
سارة: انتي معليج
غسق: بس هذن منوو
سارة: هااي  ( وهية تأشر بحواجبهه) تريد اختها تزوج الشيخ قيصر
غسق: عززززا. .. زين وين اختهاا
سارة: أللي بصفهه اسمهه فرح وهاي أسماء ايصيرن بنات عمتي وهذيج بت خالي اسمهه نرجس .....
غسق: وضلت تعرف مشالله هوواي خلصنا أكل لملمنا السفرة وطاحن الماعين علي واني دا اغسل
طبت سارة .....
سارة: تعاي غسق حبيبتي بس أريد منج فد شغله
غسق: بس اخلص ألماعين
سارة: عضيت اصبعي وغمزتلي ولج تعاي غسيقه
غسق: أي اجيت عفت ال ماعين ورحتلهه كتلهه هاا شو هاي كرصتني  من زندي كتلهه أااي شبيج
سارة: وعلي انتي الشبيج خليهن هنة ألي يغسلن  الماعين
غسق: يااا
ساة: روحي قيصر يصيحج 
غسق: هاا شيريد
سارة: اشم  أيدي يله ولي
غسق: اوك  بس مو ترحين اريدج ب شغله
سارة : خووش يله رووحي
غسق: اوك رحت من يمهه  صعدت فووك ورحت للغرفه واني ميته  خووف دكيت الباب .... تفضل ....
طبيت وكفختني ريحته لكيته مدد ع الجرباية واني واكفه يم الباب كتله... محتاج شي كال..
قيصر: أي أريد ............................................................................................................................
.
.
..
.
.
أالى هنا ويتوقف البارت اتمنى يعجبكم وقرأئة ممتعه
لاتنسون التصويت وتنطوني رأيكم ♡♡♡♡♡♡
♡♡♡♡♡♡♡♡♡♡♡♡♡♡♡ وأسف جدا
ع التأخير والله جان عندي ضرف وباااااي
《 وياكم اخوكم وصديقكم...♡ أحمد ..القريشي☆》^*
(فصلية شيوخ)
.
.

         يتبع♡.