ملك قلبي ولم اشعر

البارت الثالث

🌺 #لحن الحياة
#سحر العيون
#ملك قلبي ولم اشعر...واقعيه%

ملاحظة مهمممة
القصه هاي بالذات ما احلل نشرها بأي موقع تواصل عدا الواتباد ...ذمة #

♥***********♡******♡**********♥

مديت ايدي جوه.المخده ورجعلي كلبي من.لزمت التلفون بيدي

باوعت ماشفت المسج.يجوز انمسح واني اتكلب بالفراش..😞بس شلون صار جوه المخده معقوله حذفت المسج وضميت التلفون قبل لا انام..

وماادري بروحي.ياربي والله حيرة

رفعت الجرجف عني ورحت كعدت امي اخذها وياي للصحيات لان ليل واحنه غرفتنه ع السطح والبزازين تفتر واني اخاف و اطلع من الغرفه وحدي ..

كعدت امي ع صوتي وكالت ونظراتها ابد ما عجبتني

- رييييم

-هااا يمه

-😒شجنتي كاتبه بالموبايل

-انصدمت وتصنعت الثقه 😓 ...شكاتبه"

-منوو هذاا جهاد!! ...

-ها..احس كلبي وكع من كالت اسمه...شعرفها امي اني كاتبة اسم جهاد بتلفوني 😦...

- جاوبييييني منو هذا جهاااااد .

-رجف كلبي وكلت.. ..جهاد ابن .........

-ها 😒وليش كاتبه اسمه..

-سكتتت ..بس كلبي انغسل حظه

-احجي ..معجبه بي ولجج

ليش ما كلتيلي ..تره اني امج..واني كايله قبل اذا عندج شي بكلبج تجين وتحجي اليه....مو هاي اخواتج..كلشي يسولفلي شفتيني حجيت عليهن ..

..بربج لو ابوج شايف الرساله شيسوي بيج😡

-همم..😔 "ايي والله ليش غبيه اني "

.....اباوعلها وكفت ولمت شعرها وكالت يلا امششي..

رحت للصحيات ورجعت ..واطمأنيت لان امي ما حجت ولا سوتلي شي..

..

...غفيت واني اتذكر شكل جهاد الي سلب النوم من عيوني ...

راحت ايام واجت ايام ......واني افكر بجهاد كل ليله وكل مسيه وكل لحظه تمر عليه..

بس ..خليت شروط لحبي اله..انو ما اتعلق بي اكثر من اللازم

واتوقعه يخطب بأي لحظه ويروح مني..حتى اواجه الامر بكل قوة و ما اتدمر ..واتعذب وراه..

صعدت فوك ع السطح اعاين يمنه ويسره ..وسمعت صوت خطوات ع الدرج التفتت شفت ريام..

اجت كعدت يمي..وكالت ربم شبيج احسج مو طبيعيه..هواي تضربين صفنات وتضحكين بلا سبب لوحدج..وتضوجين راسا..