ملك قلبي ولم اشعر

البارت الرابع

#لحن الحياة
#ملك قلبي ولم اشعر..

ملاحظة مهمممة
القصه هاي بالذات ما احلل نشرها بأي موقع تواصل عدا الواتباد ...ذمة #

♥***********♡******♡**********♥

ها يمه شتردين مني ،،

كعدي خل احجي وياج

كعدت،،،

اكو ناس خطبوج البارحه من ابوج .واني جايه استفسر منج واعرف رايج بالموضوع

-نشف دمي،،،،،وكلت بصوت بي رجفه،،،،،ومنو همه،

-مرت عمي صالح الله يرحمه خطبتج لإبنها

-شنو؟؟؟

-مثل ماسمعتي

-والله مااا

-هاي شبيج اصلا اني وابوج رفضنه بس ردت اشوف ردة فعلج .خو ما الج نيه تقبلين حتى نكللهم

اليوم خابرت امي وكلتلها ماننطيهم و حجت وياهم وكالتلهم البنيه متنعز عليكم بس بعدها صغيره ،،
وتعذرت منهم،نيابة عنه ،،

واصلا اني من البدايه ما قبلت لان وصخين و كرايبنه اغلبيتهم ميطبون بيتهم وحتى اكلهم مياكلو شفتي ذاك اليوم شلون يطبن ويطلعن البزازين وهم ياريت يطفوهن ،،،

تطب البزونه تكلب البيت نكاسه وتطلع وهن ما مهتمات،،،والله اني منهم لو اموت مااخلي بزازين تسرح وتمرح ببيتي ،،

ولهذا السبب ما انطيناج ،،لان اذا تروحين يمهم تصيرين منبوذة محد يوصلج ،،وحتى الناس نفسها تكوم تلعب منج

وهسه خو ما إلج نية تقبلين ،،

-لا يمه زين سويتي واني اريد اكمل دراستي ...

-هاهي لعد .،،كومي صيحي ريام خل تغسل ملابس اخوتج.

-،،،كمت صحت ريام ورجعت كملت قراية ورحت للمدرسه ،،شفت بنات شعبتي سلمت عليهن،،جانت الدنيا باردة واني امشي سريع كلشش ،،من اسلم عليهن يكللي وجهج حار ،،وهن وجوههن مثلجه ،،اضحك واسكت .

مر شهر ع دوامي..وحولونه لمدرسه ابتدائية للولد ك ضيوف لان مدرستنه فدنوب خربانه و ع اساس يردون يصلحوها

اول سنه الي جنت اروح ويا بنت جيرانه مسجلين اني وياها.بخط .وابو الخط ما ملتزم يوم يجي يوم لا تعبنه من عنده وتركناه .وكمنه نروح مشي.

وبالسنه الثانيه

عافتني وراحت ويا بنت جيرانهم وكرايبهم ..تكلي ما دام عدتي السنه راح اروح ويا سيرين.مع العلم سيرين هم صف اول.بس لانو ابوها طاك..و ضابط وعنده نفوذ ف عافتني ومشت وياها.

كمت اروح وحدي وبمرور الايام ومن الخوف صارت ركبة رجلي.توجعني وراها زاد الالم .واني شعبتي طابق ثاني ف من اريد اصعد اشيل رجلي شيل واصعد بيها واضل اصرخ بكلبي من الوجع.
واضطر ابقى بالشعبه لحد ما ينتهي الدوام .لان ما اكدر انزل .ومن ارجع للبيت
واني بالطريق من الوجع كوه امشي بحيث اللي يشوفني لسباله عرجه.