معاناتي بسبب يتيم

18

#معاناتي_بسبب_يتيم
باااااارت  ١٨  مفاااااجئ
صباح الخير ﻣﺘﺎﺑﻌﻴﻨﻲ ﺍﻻﻋﺰﺍﺀ ﺍﺗﻤﻨﻪ ﻟﻜﻢ ﻗﺮﺍءﻩ ﻣﻤﺘﻌﻪ
#ﺍﻟﺒﺎﺭﺕ_ﺍﻟﺜﺎﻣﻦ_ﻋﺸﺮ
🌺 ﻣﻌﺎﻧﺎﺗﻲ ﺑﺴﺒﺐ ﻳﺘﻴﻢ 🌺
🌹 ﻟﻠﻜﺎﺗﺒﻪ ﺭﻭﻧﻖ 🌹
ﻭﺭﻩ ﻣﺎﺭﺍﺡ
ﺣﺎﻭﻟﺖ ﺍﻧﺎﻡ ﻣﺎﻛﺪﺭ ﻋﻴﻨﻲ ﻣﺎﺧﺬﺕ ﻧﻮﻡ
ﻭﺑﺎﻟﻲ ﻳﻢ ﺍﻟﻄﻔﻞ ﺣﺎﺭﻩ ﺍﻟﺪﻧﻴﺎ ﻭﺍﺯﺩﺣﺎﻡ
ﺻﺢ ﺍﺑﻮﻩ ﻳﻌﺘﻨﻲ ﺑﻲ ﺑﺲ ﻣﺎﻋﺮﻑ ﺑﺎﻟﻲ ﻳﻤﻪ
ﺻﺎﺭﺕ ﺍﻟﺴﺎﻋﻪ ﺏ 6 ﻛﻌﺪﺕ ﻛﻤﺖ ﻋﺠﻨﺖ
ﻭﺧﺒﺰﺕ ﻛﻌﺪ ﻋﻤﻮ ﻭﺧﺎﻟﺘﻲ ﻋﺎﻳﺪﺗﻬﻢ
ﺍﺟﻪ ﻏﻴﻮﺛﻲ ﻫﻢ ﻋﺎﻳﺪﻧﻲ ﺻﻌﺪ ﻟﻠﺒﻨﺎﺕ ﺧﺒﺚ
ﻋﻠﻴﻬﻦ ﻛﻌﺪﻫﻦ ﺗﻌﺎﻳﺪﻧﻪ ﺳﻮﻳﻨﻪ ﺭﻳﻮﻙ
ﻛﻠﻤﻦ ﻣﺸﺘﻬﻲ ﺷﻲ ﺳﻮﻳﺘﻠﻬﻢ ﻭﺍﺗﺮﻳﻜﻨﻪ
ﻭﺭﺍﻩ ﺧﺎﺑﺮﺕ ﺍﻫﻠﻲ ﻋﺎﻳﺪﺗﻬﻢ
ﺧﺎﺑﺮﺕ ﻣﺎﻣﺎ ﻭﺳﺎﻣﺮ ﻭﺍﻣﻮﺭﻱ ﻭﺧﺎﺑﺮﺕ
ﺧﻮﺍﺗﻲ ﻭﺧﻼﺗﻲ ﻭﻋﻤﺎﺗﻲ ﺍﻟﻜﻞ ﻋﺎﻳﺪﺗﻬﻢ
ﻭﻛﺘﻠﻬﻢ ﺑﺎﺟﺮ ﺍﺟﻲ
ﺻﺎﺭﺕ ﺏ 8 ﻭﻧﺺ ﺍﺟﻪ ﺻﻔﺎﻭﻱ
ﻳﻤﻪ ﺭﺩﺕ ﺭﻭﺣﻲ ﺍﺣﺲ ﻳﺘﻴﻤﻪ ﺑﺪﻭﻧﻪ
ﻋﺎﻳﺪ ﺍﻫﻠﻪ ﺍﻧﻲ ﺑﺎﻟﻤﻄﺒﺦ ﺍﺟﻪ ﻋﺎﻳﺪﻧﻲ
ﻛﺘﻠﻪ ﺍﺳﻮﻳﻠﻚ ﺭﻳﻮﻙ ﻛﺎﻝ ﺍﻱ ﻭﺍﻟﻠﻪ ﺍﺯﺩﺣﺎﻡ
ﻣﺎﻛﺪﺭﺕ ﺍﺗﺮﻳﻚ ﻭﻃﻠﻊ ﺻﻔﺎﻭﻱ ﺭﺍﻳﺢ
ﻭﺟﺎﻱ ﻧﺎﻳﻢ ﺳﻮﻳﺘﻠﻪ ﺭﻳﻮﻙ ﺍﺗﺮﻳﻚ
ﻭﻛﻌﺪﻭ ﻳﺘﻨﺎﻗﺸﻮﻥ ﻉ ﺍﻟﺮﻭﺣﻪ ﺑﺲ
ﺧﺎﺑﺮﻭ ﻋﻤﺎﻣﻬﻢ ﻳﺠﻮﻥ ﻳﺴﻠﻤﻮﻥ ﻋﻠﻴﻬﻢ
ﺭﺣﺖ ﺍﻧﻲ ﺑﺪﻟﺖ ﻟﺼﻔﺎﻭﻱ ﻣﻼﺑﺴﻪ
ﻭﺍﻧﻲ ﺑﺪﻟﺖ ﻭﺗﻤﻜﻴﺠﺖ ﻣﻜﻴﺎﺝ
ﺧﻔﻴﻒ ﻣﺎﺣﺐ ﺍﻛﺜﺮ ﻛﻠﻤﺎ ﻣﻜﻴﺎﺝ ﺑﺴﻴﻂ
ﺍﺣﻠﻪ ﻭﺭﻩ ﺷﻮﻱ ﺍﺟﻮ ﺍﻋﻤﺎﻣﻬﻢ ﻭﺻﺎﺭ ﺍﻟﺒﻴﺖ
ﻫﻮﺳﻪ ﻫﻤﻪ ﻭﻟﺪﻫﻢ ﻭﺑﻨﺎﺗﻬﻢ ﻭﺟﻨﺎﻳﻨﻬﻢ
ﻋﻤﻲ ﻋﻨﺪﻩ 2 ﺍﺧﻮﺍﻥ ﻭ 2 ﺧﻮﺍﺕ ﻭﺣﺪﻩ ﺑﻐﻴﺮ
ﻣﺤﺎﻓﻀﻪ ﻭﺣﺪﻩ ﻳﻤﻬﻢ ﻫﻢ ﺍﺟﺖ ﻻﻥ ﻋﻤﻮ
ﺍﻟﺠﺒﻴﺮ ﻣﺘﻌﻮﺩﻳﻦ ﻏﺪﺍﻫﻢ ﻫﻨﺎ ﻭﺳﻤﺞ
ﺟﺎﺏ ﺍﻟﺴﻤﺞ ﻫﻤﺰﻳﻦ ﺷﺎﻛﻴﻨﻪ ﺍﻋﺮﻑ ﻛﻠﺸﻲ
ﻭﺗﻌﻠﻤﺖ ﻟﻠﺸﻲ ﺑﺲ ﻣﺎﻋﺮﻑ ﺷﻠﻮﻥ
ﺍﺷﻚ ﺍﻟﺴﻤﺠﻪ ﺷﻜﺪ ﺣﺎﻭﻟﺖ ﻭﺍﻓﺸﻞ
ﻗﺴﻢ ﺳﻮﻳﺘﻪ ﺷﻮﻱ ﻧﻜﻌﺘﻪ ﺑﻠﻴﻤﻮﻥ ﻭﺧﻞ
ﻭﻗﺴﻢ ﺳﻮﻳﺘﻪ ﻣﻄﺒﻚ ﺍﺳﻮﻱ ﺍﻟﺤﺸﻮ
ﺑﻲ ﻛﺸﻤﺶ ﻭﺑﺼﻞ ﻭﻧﻮﻣﻲ ﺑﺼﺮﻩ
ﻣﻄﺤﻮﻥ ﻓﻘﻂ ﻳﺼﻴﺮ ﻓﺪ ﺷﻲ ﻗﺴﻢ ﺍﺧﻠﻲ
ﻉ ﺍﻟﺘﻤﻦ ﻭﻗﺴﻢ ﺑﻨﺺ ﺍﻟﺴﻤﺠﻪ ﺑﺲ
ﺳﻤﺞ ﻫﻮﺍﻱ ﺷﻠﻊ ﻛﻠﺒﻲ ﺍﻟﺒﻨﺎﺕ ﻭﻳﺎﻱ
ﺑﺲ ﺍﻟﺘﻌﺐ ﺍﻟﻬﻮﺍﻱ ﻋﻠﻴﻪ ﺳﻮﻳﺖ ﺟﺎﺟﻴﻚ
ﻭﺛﺮﻣﺖ ﺑﺼﻞ ﻧﺎﻋﻢ ﻧﻜﻌﺘﻪ ﺑﻤﻲ ﻭﻣﻠﺢ
ﻭﺻﻔﻴﺘﻪ ﻭﺭﺷﻴﺘﻠﻪ ﻧﻮﻣﻲ ﺑﺼﺮﻩ ﻣﻄﺤﻮﻥ
ﻃﻌﻢ ﻓﺪ ﺷﻲ ﻭﺳﻮﻳﺖ ﻟﺒﻦ ﻋﻠﻴﻪ ﻧﻌﻨﺎﻉ ﻭﻟﻴﻤﻮﻥ
ﻭﻃﺮﺷﻲ ﻭﺭﻭﺑﻪ ﻓﺮﺷﻨﻪ ﺍﻟﺴﻔﺮﻩ ﻭﺍﺧﺬﻭ
ﺍﻻﻛﻞ ﺍﻧﻲ ﻣﺎﻛﻠﺖ ﻣﺎﺷﺘﻬﻲ ﻭﺗﺸﺒﻌﺖ
ﺑﺎﻟﺮﻳﺤﻪ ﺑﻘﻴﺖ ﻋﺰﻟﺖ ﺍﻟﻤﻄﺒﺦ ﻭﺳﻮﻳﺖ
ﺟﺎﻱ ﻭﺣﻀﺮﺗﻪ ﺍﻟﻬﻢ ﺟﺎﺑﻮ ﻟﻤﺎﻋﻴﻦ
ﺍﻃﻴﺘﻬﻢ ﺍﻟﺠﺎﻱ ﻭﻛﺎﻟﻦ ﺍﻟﺒﻨﺎﺕ ﻋﻴﻔﻴﻬﻢ ﻟﻤﺎﻋﻴﻦ
ﻏﺴﻠﺘﻬﻦ ﻣﺎﺿﻞ ﺍﻧﺘﻀﺮ ﺻﻔﺎﻭﻱ ﺟﺎﻥ ﻧﺎﻳﻢ
ﺳﻤﻌﺖ ﺻﻮﺗﻪ ﻛﻌﺪ ﺭﺣﺖ ﺟﺒﺘﻪ ﻭﻏﺪﻳﺘﻪ
ﻭﺍﺧﺬﻩ ﺍﺑﻮﻩ ﺻﺎﺭﺕ ﺏ .2 ﺗﺮﺧﺼﻮﺭ ﻭﺭﺍﺣﻮ
ﻭﺭﺍﻩ ﺍﺗﻔﻘﻮ ﻳﺮﺣﻮﻥ ﻟﺨﺎﻻﺗﻬﻢ ﻳﺴﻠﻤﻮﻥ
ﻋﻠﻴﻬﻢ ﺑﻠﻴﻞ ﻳﺮﺟﻌﻮﻥ ﻛﺎﻟﻮﻟﻲ ﻛﻮﻣﻲ ﺑﺪﻟﻲ
ﺗﻌﺬﺭﺕ ﻣﺎﻛﺪﺭﺕ ﺍﻃﻠﻊ ﺗﻌﺒﺎﻧﻪ ﺣﻴﻞ ﻭﻧﻌﺴﺎﻧﻪ
ﻣﻦ ﺻﻼﻩ ﻟﺼﺒﺢ ﻛﺎﻋﺪﻩ ﻭﺗﻌﺒﺖ ﺣﻴﻞ
ﻛﺘﻠﻬﻢ ﺍﺑﻘﻪ ﺍﻧﺎﻡ ﻣﺎﻛﺪﺭ ﺍﺭﻭﺡ ﺗﻌﺒﺎﻧﻪ ﻟﻜﻞ
ﻗﺪﺭ ﻭﺿﻌﻲ ﻟﻴﺚ ﻛﻮﻩ ﺭﺍﺡ ﻛﺎﻟﻬﻢ ﺗﻌﺒﺎﻥ
ﻛﺎﻟﻮﻟﻪ ﻓﺸﻠﻪ ﻻﺍﻧﺖ ﻭﻻﻣﺮﺗﻚ
ﺭﺍﺡ ﻛﻠﻬﻢ ﺣﺘﻪ ﺻﻔﺎﻭﻱ ﺑﺪﻟﺘﻠﻪ ﺍﺧﺬﻭ
ﺑﻘﻴﺖ ﺑﺲ ﺍﻧﻲ ﺑﺎﻟﺒﻴﺖ ﺍﻭﻝ ﻣﺮﻩ ﺍﺑﻘﻪ ﻭﺣﺪﻱ
ﺭﺣﺖ ﻟﻠﻐﺮﻓﻪ ﻃﺒﻴﻌﺘﻲ ﻣﻦ ﺍﻧﺎﻡ ﺍﻟﺒﺲ ﺩﺷﺪﺍﺷﻪ
ﻗﺼﻴﺮﻩ ﺣﺘﻪ ﺍﺧﺬ ﺭﺍﺣﺘﻲ
ﻧﻤﺖ ﺑﺴﺮﻋﻪ ﺑﺪﻭﻥ ﺗﻔﻜﻴﺮ ﻻﻥ ﺗﻌﺒﺎﻧﻪ ﺣﻴﻞ
ﻛﻌﺪﺕ ﻟﻜﻠﻴﺖ ﺍﻟﻐﺮﻓﻪ ﺿﻠﻤﻪ ﻓﺘﺤﺖ ﻋﻴﻮﻧﻲ
ﺷﻔﺖ ﺍﻟﻮﻗﺖ ﺑﻠﻤﻮﺑﺎﻳﻞ ﻋﺎﺑﺮ ﻭﻛﺖ ﺍﻟﺼﻼ
ﻛﻤﺖ ﺍﺭﻳﺪ ﺍﺗﻮﺿﻪ ﻭﺍﺻﻠﻲ ﻓﺘﺤﺖ ﺍﻟﺒﺎﺏ
ﻣﺎﻣﻨﻪ ﻣﺤﺪ ﻫﻨﺎ ﻛﺎﻟﻮ ﻭﺭﻩ ﺍﻟﻌﺸﺎ ﻧﺠﻲ
ﺭﺣﺖ ﻟﻠﻤﻄﺒﺦ ﻭﺟﺎﻥ ﺍﺷﻮﻑ
ﻟﻴﺚ ﻛﺒﺎﻟﻲ ﻳﻤﻪ ﺷﺼﺎﺭ ﺑﻴﻪ ﻭﺍﻧﻲ
ﺭﻛﺾ 🏃 ﻟﻠﻐﺮﻓﻪ ﺍﻭﻝ ﻣﺮﻩ ﻫﻴﺞ ﻳﺸﻮﻓﻨﻲ
ﻛﻠﻪ ﺑﺤﺠﺎﺏ ﻭﺩﺷﺪﺍﺷﻪ ﻃﻮﻳﻠﻪ
ﺍﻟﻤﺸﻜﻠﻪ ﺍﺳﺘﺤﻲ ﺑﻌﺪ ﺍﻃﻠﻊ
ﺑﺪﻟﺖ ﺩﺷﺪﺍﺷﺘﻲ ﻭﻟﺒﺴﺖ ﺣﺠﺎﺑﻲ
ﻛﻮﻩ ﻗﻨﻌﺖ ﻧﻔﺴﻲ ﻭﻃﻠﻌﺖ ﻟﻜﻴﺘﻪ ﻳﺼﻠﻲ
ﻭﺍﻧﻲ ﻫﻢ ﺗﻮﺿﻴﺖ ﻭﺻﻠﻴﺖ ﻭﺭﺍﻩ
ﺳﺎﻟﺘﻪ ﻧﺮﻳﺪ ﻋﺸﺎ . ﻛﺎﻝ ﺍﻱ ﻭﺍﻟﻠﻪ ﺟﻮﻋﺎﻥ
ﻃﻠﻌﺖ ﻟﺤﻢ ﻣﺜﺮﻭﻡ ﻣﻦ ﺍﻟﻤﺠﻤﺪﻩ ﻣﻮﻋﺘﻪ
ﻭﺣﻤﺴﺘﻪ ﻫﻮﻭﻭﺑﺼﻞ ﻭﺭﻩ ﺛﺮﻣﺖ ﻃﻤﺎﻃﻪ
ﻧﺎﻋﻤﻪ ﻭﺣﻤﺴﺘﻪ ﻭﺭﺍﻩ ﻭﺧﻠﻴﺖ ﺳﻮﻳﻪ ﻛﺮﻛﻢ
ﻃﻠﻊ ﺍﻟﻄﻌﻢ ﻓﺪ ﺷﻲ ﺳﻮﻳﺘﻠﻪ ﺑﻤﺎﻋﻮﻥ
ﺧﻴﺎﺭ ﻭﻟﻴﻤﻮﻥ ﻭﺧﻠﻴﺘﻠﻪ ﻓﻠﻔﻼﻳﻪ ﺣﻤﺮﻩ
ﻻﻥ ﻳﺤﺐ ﺍﻟﻔﻠﻔﻞ ﺍﻻﺣﻤﺮ ﺍﻟﺒﺎﺭﺩ
ﻭﺧﻠﻴﺘﻠﻪ ﺧﻀﺮﻩ ﻭﻟﺒﻦ ﻭﻃﺮﺷﻲ
ﺩﺯﻳﺘﻪ ﺍﻟﻪ ﻛﺎﺩ ﺑﺎﻟﺼﺎﻟﻪ ﻉ ﺍﻟﺘﻠﻔﺰﻳﻮﻥ
ﻳﺘﺎﺑﻊ ﻣﺴﺮﺣﻴﻪ ﻋﺎﺩﻝ ﺍﻣﺎﻡ
ﺣﻄﻴﺘﻠﻪ ﺍﻻﻛﻞ ﺭﺩﺕ ﺍﺭﻭﺡ ﻛﺎﻝ
ﻣﺘﺠﻴﻦ ﺗﺘﻌﺸﻴﻦ ﺷﻨﻮ ﻣﻴﻌﺠﺒﺞ ﺗﻜﻌﺪﻳﻦ
ﻭﻳﺎﻱ ﻟﻮ ﻣﻮﻛﺪ ﺍﻟﻤﻘﺎﻡ
ﻛﺘﻠﻪ ﺑﺎﻟﻌﻜﺲ ﺑﺲ ﻣﺎﺷﺘﻬﻲ ﺟﺬﺏ ﻣﻴﺘﻪ
ﺟﻮﻉ 🤣 ﺣﺘﻪ ﻏﺪﻩ ﻣﺎﻣﺘﻐﺪﻳﻪ
ﻋﺰﻟﺖ ﻋﺸﺎ ﺷﻮﻱ ﺑﻌﺪ ﺍﻛﻞ
ﻛﺎﻝ ﺗﻌﺎﻱ ﺍﻛﻌﺪ ﻻﺗﺎﻛﻠﻴﻦ ﻣﺴﺮﺣﻴﻪ ﺣﻠﻮﻩ
ﻛﻌﺪﺕ ﻫﻮ ﻣﻨﺪﻣﺞ ﻳﺎﻛﻞ ﻭﻳﺒﺎﻭﻉ
ﻉ ﺍﻟﻤﺴﺮﺣﻴﻪ ﻭﻳﻀﺤﻚ ﺍﻭﻝ ﻣﺮﻩ
ﺍﺷﻮﻓﻪ ﻳﻀﺤﻚ ﻫﻴﺞ ﺿﺤﻜﻪ
ﺻﻔﻨﺖ ﻋﻠﻴﻪ ﻣﻦ ﺿﺤﻚ ﻣﻼﻣﺤﻪ
ﺣﻠﻮﻩ ﻭﺿﺤﻜﻪ ﺯﻳﺪﺕ ﺣﻼﺗﻪ
ﺗﺼﺪﻛﻮﻥ ﺍﻭﻝ ﻣﺮﻩ ﻫﻴﺞ ﺍﻧﺘﺒﻬﻠﻪ ﻟﺴﻪ
ﻣﺎﺷﺎﻳﻔﺘﻪ ﺯﻳﻦ ﺻﻔﻨﺖ ﻋﻠﻴﻪ
ﻓﺰﻳﺖ ﻉ ﺻﻮﺗﻪ ﻳﻜﻠﻲ ﺷﻴﻠﻲ ﺍﻟﺼﻴﻨﻴﻪ
ﺳﺘﺤﻴﺖ ﻣﻨﻪ ﻫﺴﻪ ﺷﻴﻜﻮﻝ ﺻﺎﻓﻨﻪ ﻋﻠﻴﻪ
ﻛﺎﻝ ﺳﻮﻳﻠﻲ ﺟﺎﻱ
ﺭﺣﺖ ﻟﻠﻤﻄﺒﺦ ﻏﺴﻠﺖ ﻣﺎﻋﻴﻦ
ﺟﻌﺖ ﻛﻠﺶ ﺣﻤﻴﺖ ﺍﻻﻛﻞ ﻭﻛﻌﺪﺕ ﺍﻛﻞ
ﻉ ﺍﻟﻄﺒﻠﻪ ﺩﺍ ﺍﻛﻞ ﻭﺩﺧﻞ ﻟﻠﻤﻄﺒﺦ
ﻛﻠﻲ ﻣﻮﻛﻠﺘﻲ ﻣﺎﺷﺘﻬﻲ ﺷﺒﺴﺮﻋﻪ ﺟﻌﺘﻲ
ﻛﺘﻠﻪ ﻫﺎﻱ ﺑﻌﺪ ﺟﻌﺖ ﻫﺴﻪ ﺭﺍﺩ ﺟﺎﻱ
ﺍﻟﺜﻮﻟﻪ ﻧﺴﻴﺖ ﺍﻭﺩﻳﻠﻪ ﺟﺎﻱ ﻭﻫﻮ
ﻣﺘﻌﻮﺩ ﻭﺭﻩ ﺍﻻﻛﻞ ﻻﺯﻡ ﺟﺎﻱ
. ﻭﺍﻟﺘﻬﻴﺖ ﺑﻄﻨﻲ ﻭﻧﺴﻴﺘﻪ 🤣😂
ﺭﺩﺕ ﺍﻛﻮﻡ ﺍﺻﺒﻠﻪ ﻣﺎﻗﺒﻞ ﻛﺎﻝ ﻛﻤﻠﻲ
ﻋﺸﺎﺝ ﺣﻤﻪ ﺍﻟﺠﺎﻱ ﻻﻥ ﺳﺘﻮﻧﻲ ﻣﺴﻮﻳﺘﻪ
ﺻﺒﻠﻪ ﻛﻼﺹ ﻭﺍﺧﺬﻩ ﻭﻳﺎﻩ ﻛﻤﻠﺖ ﻋﺸﺎﻱ
ﻭﻋﺰﻟﺖ ﻟﻤﻄﺒﺦ ﺩﺧﻠﺖ ﻟﻐﺮﻓﺘﻲ
ﻓﺘﺤﺖ ﻣﻮﺑﺎﻳﻠﻲ ﻣﻦ ﻟﺼﺒﺢ ﻟﺴﻪ ﻣﺎﺩﺭﻱ ﺑﻲ
ﻟﻜﻴﺖ ﻫﻮﺍﻱ ﻣﻜﺎﻟﻤﺎﺕ ﻭﺭﺳﺎﺋﻞ ﺑﻨﺎﺕ
ﺧﺎﻟﻲ ﻭﺧﺎﻟﺘﻲ ﻣﺨﺎﺑﺮﺍﺗﻨﻲ ﻭﻳﺴﻠﻦ ﺷﻮﻛﺖ
ﺗﺠﻴﻦ ﺧﺎﺑﺮﺗﻬﻢ ﻭﺭﻩ ﺷﻮﻱ ﺳﻤﻌﺖ
ﺻﻮﺕ ﺻﻔﺎﻭﻱ ﺭﺣﺖ ﻋﺒﺎﻟﻲ ﺍﺟﻮ ﻃﻠﻊ
ﺑﺲ ﻣﺼﻄﻔﺊ ﺍﺑﻮﻩ ﺟﺎﻳﺒﻪ ﻣﻀﻮﺟﻬﻢ ﻭﺩﺯﻭ
ﻻﻥ ﺑﻌﺪﻫﻢ ﻳﺘﺎﺧﺮﻭﻥ ﻏﺴﻠﺘﻠﻪ ﻭﺑﺪﻟﺘﻠﻪ ﻭﺟﺒﺘﻪ
ﻳﻤﻲ ﻧﺎﻡ ﺧﻄﻴﻪ ﻧﻈﺎﻣﻪ ﻣﺘﻐﻴﺮ ﺩﺧﻠﺖ
ﻉ ﺍﻟﻔﻴﺲ ﻟﻜﻴﺖ ﻃﻠﺐ ﺻﺪﺍﻗﻪ ﻣﻦ
ﺑﻨﻴﻪ ﺑﺎﺳﻢ ﻧﺴﻴﻢ ﺍﻟﺼﺒﺢ
ﻭﺍﻓﻘﺖ ﻭﺭﻩ ﺷﻮﻱ ﺭﺍﺳﻠﺘﻨﻲ ﺧﺎﺹ
ﺑﻘﺖ ﺗﺤﺠﻲ ﻭﻳﺎﻱ ﺣﺴﻴﺘﻪ ﻣﻮﻃﺒﻴﻌﻴﻪ
ﻣﺎﻛﻮ ﻭﺣﺪﻩ ﺗﻨﻄﻲ ﻃﻠﺐ ﺻﺪﺍﻗﻪ
ﻭﺑﺴﺎﻉ ﺗﺪﺧﻞ ﺧﺎﺹ ﻭﺻﻔﺤﻪ ﻣﺼﺎﺭﻟﻪ ﻫﻮﺍﻱ
ﻗﺒﻞ ﺷﻜﻢ ﻳﻮﻡ ﺭﺩﺕ ﺍﻧﻄﻲ ﺣﻀﺮ ﺑﻌﺪﻳﻦ
ﻛﻠﺖ ﺍﻓﺘﻬﻢ ﺍﻟﺴﺎﻟﻔﻪ ﺿﻠﺖ ﺗﺤﺠﻲ
ﻋﺮﻓﺘﻨﻲ ﻉ ﻧﻔﺴﻪ ﺷﻮﻱ ﻭﺍﺟﻮ
ﺍﻟﺒﻨﺎﺕ ﺻﻌﺪﻥ ﺑﺪﻟﻦ ﻭﻧﺰﻟﻦ ﻛﻌﺪﻭ ﺻﻔﺎﻭﻱ
ﻫﻤﺰﻳﻦ ﺣﺘﻪ ﻳﻀﻞ ﻟﺼﺒﺢ ﻧﺎﻳﻢ
ﺳﻮﻟﻔﺖ ﻟﻬﺪﻯ ﻉ ﻫﺎﻱ ﻟﺒﻨﻴﻪ ﺍﻟﻲ
ﺭﺍﺳﻠﺘﻨﻲ ﺧﺎﺹ ﻣﺎﻋﺮﻑ ﻟﻴﺶ ﺷﻜﻴﺖ ﻭﻟﺪ
ﺍﺟﻴﺖ ﻟﻜﻴﺘﻪ ﻣﺮﺍﺳﻼﺕ ﻛﺘﻠﻪ ﺗﻜﺪﺭﻳﻦ ﺗﺘﺼﻠﻴﻦ
ﻛﺎﻟﺖ ﻣﺠﺎﻧﻲ ﻣﺎﻛﺪﺭ ﻛﺘﻠﻪ ﺩﺯﻱ ﺑﺼﻤﻪ ﺩﺯﺕ
ﺑﺼﻤﻪ ﻣﻨﺘﺸﺮﻩ ﺣﺎﻟﻴﺎ ﺍﻟﻜﻞ ﻳﺪﺯﻩ
ﺗﺎﻛﺪﺕ ﻭﻟﺪ ﺑﺲ ﻣﻨﻮ ﻣﺎﻋﺮﻑ ﺑﻬﻞ ﺍﺛﻨﺎﺀ
ﺍﺟﻪ ﻏﻴﺚ ﺻﺎﺣﺘﻠﻪ ﻫﺪﻯ ﻟﺒﺴﺖ ﺷﺎﻟﻲ
ﻣﻦ ﻋﺮﻓﺘﻪ ﻭﻟﺪ ﻧﻄﻴﺘﻪ ﺣﻀﺮ ﺧﻔﺖ
ﺧﻠﻲ ﻳﻮﻟﻲ ﻃﻠﻌﻨﻪ ﺑﺎﻟﺼﺎﻟﻪ ﻋﻤﻮ ﺑﺪﻩ ﻳﻮﺯﻉ
ﻋﻴﺪﻳﺎﺕ ﻭﻧﻄﺎﻧﻲ ﻋﻴﺪﻳﺘﻲ ﻭﻏﻴﺚ ﻫﻢ ﺍﻧﻄﺎﻧﻲ
ﻛﻮﻩ ﺍﺧﺬﺕ ﻭﺧﺎﻟﺘﻲ ﻛﺬﺍﻟﻚ ﺍﻧﻄﻨﻲ ﺍﻧﻲ ﻭﺍﻟﺒﻨﺎﺕ
ﻟﻴﺚ ﺍﺟﻪ ﺍﻧﻄﻪ ﻟﻠﺒﻨﺎﺕ ﺑﺲ ﺍﻧﻲ ﻧﻄﺎﻧﻲ ﻏﻴﺮ
ﺍﻧﻄﺎﻧﻲ 100 ﺍﻧﺠﺒﺮﺕ ﺍﺧﺬﻫﻦ ﻟﺤﺪ ﻫﻞ ﻳﻮﻡ
ﻣﺎﺗﻘﺮﺏ ﻟﻔﻠﻮﺳﻪ ﻻﻥ ﻋﻤﻮ ﻭﺧﺎﻟﻪ ﻭﻏﻴﺚ ﻛﻞ
ﺷﻬﺮ ﻳﻨﻄﻮﻧﻲ ﺍﺻﺮﻑ ﻣﻦ ﻓﻠﻮﺳﻬﻢ
ﺑﺲ ﻟﻴﺚ ﻻ ﺍﺣﺴﻪ ﻏﺮﻳﺐ
ﻛﺎﻝ ﻋﻤﻮ ﻝ ﻟﻴﺚ ﺑﺎﺟﺮ ﻭﺩﻱ ﺯﻭﺟﺘﻚ
ﻟﻬﻠﻪ ﻭﻫﻢ ﻻﺯﻡ ﺗﺴﻠﻢ ﻋﻠﻴﻬﻢ
ﻛﺎﻟﻪ ﺣﺎﺿﺮ ﻳﺎﺑﻪ ﺣﺴﻴﺘﻪ ﻛﻮﻩ
ﻋﻠﻴﻪ ﺻﻔﺎﻭﻱ ﻫﻮﺍﻱ ﻣﺤﺼﻞ ﻋﻴﺪﻳﺎﺕ
ﻧﻄﻮﻧﻴﺎﻫﻦ ﺍﻧﻲ ﻣﺴﻮﻳﺘﻠﻪ ﺩﺧﻞ ﻛﻞ
ﺷﻬﺮ ﺍﻟﻜﻞ ﻳﺨﻠﻲ ﺑﻲ ﺣﺘﻪ ﺍﻧﻲ
ﺷﻔﺖ ﺍﻟﺴﺎﻋﻪ ﺏ 12 ﺍﻟﻪ ﺭﺑﻊ ﺩﺧﻠﺖ
ﻟﻐﺮﻓﺘﻲ ﺣﻀﺮﺕ ﻣﻼﺑﺴﻲ ﺍﻟﻲ ﺍﺧﺬﻫﻢ
ﺻﻔﺎﻭﻱ ﺧﺎﻟﺘﻲ ﻛﺎﻟﺖ ﺧﻠﻲ ﻳﻤﻲ ﺧﺎﻑ ﻟﺼﺒﺢ
ﺗﺮﺣﻴﻦ ﻭﺭﺍﻩ ﻧﻤﺖ ﻻﻥ ﻛﺎﻝ ﻟﻴﺚ ﺏ 8 ﻧﺮﻭﺡ
ﻛﻌﺪﺕ ﺏ 7 ﺍﻟﻪ ﺭﺑﻊ ﻟﻜﻴﺘﻪ ﺑﻌﺪﻩ ﻧﺎﻳﻢ
ﻭﺍﻟﻜﻞ ﻧﺎﻳﻢ ﺟﻨﺖ ﻣﺘﺤﻤﺴﻪ ﻟﺮﻭﺣﻪ ﺍﻫﻠﻲ
ﺭﻭﺣﺘﻲ ﺫﻳﺞ ﺑﺴﺮﻋﻪ ﺭﺟﻌﺖ .
ﻛﻌﺪ ﻋﻤﻮ ﺳﻮﻳﺘﻠﻪ ﺭﻳﻮﻙ
ﺍﺧﺬﻟﻪ ﺷﻮﻱ ﻭﻛﻌﺪ ﻛﺘﻠﻪ ﺍﺳﻮﻳﻠﻚ ﺭﻳﻮﻙ
ﻧﻄﻴﺘﻪ ﺭﻳﻮﻛﻪ ﻭﺩﺧﻠﺖ ﻟﻠﺤﻤﺎﻡ
ﺳﺒﺤﺖ ﻭﺑﺪﻟﺖ ﻭﻣﻜﻴﺎﺝ ﻃﻮﺥ
ﺣﺒﻴﺖ ﺍﻃﻮﺥ ﻭﻟﺒﺴﻲ ﺟﺎﻥ ﺑﻲ ﺿﻴﻚ
ﻛﻤﻠﺖ ﻭﻃﻠﻌﺖ ﻟﻜﻴﺖ ﻟﻴﺚ ﻣﻜﻤﻞ
ﺑﻜﺎﻣﻞ ﺍﻧﺎﻗﺘﻪ ﻭﻫﻢ ﻣﻴﻔﺎﺭﻙ ﻟﺒﺲ ﺍﻻﺳﻮﺩ
ﺑﺲ ﻻﻳﻜﻠﻪ . ﺑﺲ ﺣﺴﻴﺘﻪ ﺿﺎﺝ ﻣﻦ ﻟﺒﺴﻲ
ﺑﺲ ﻣﺎﺣﺠﻪ ﻫﻮ ﻣﻦ ﻟﺒﺎﺑﻬﻢ ﻟﺒﺎﺏ ﺍﻫﻠﻲ
ﻣﻨﻮ ﻳﺸﻮﻓﻨﻲ
ﻏﻠﺴﺖ ﺷﺎﺳﻮﻳﻠﻪ
ﻃﻠﻊ ﻛﺪﺍﻣﻲ ﺷﻐﻞ ﺍﻟﺴﻴﺎﺭﻩ
ﺍﻟﺼﺮﺍﺣﻪ ﺍﺣﺘﺎﺭﻳﺖ ﻭﻳﻦ ﺍﺻﻌﺪ ﻳﻤﻪ ﻟﻮ ﺑﺎﻟﻮﺭﻩ
ﺍﺧﺮﻩ ﻣﺮﻩ ﺻﻌﺪﺕ ﻭﻳﺎﻩ ﺛﺎﻧﻲ ﻳﻮﻡ ﺯﻭﺍﺟﻨﻪ
ﻣﻦ ﺭﺟﻌﻨﻪ ﻣﻦ ﺍﻟﻔﻨﺪﻕ ﺻﻔﻨﺖ ﻫﻮ
ﻓﺘﺤﻠﻲ ﺑﺎﺏ ﺍﻟﺼﺪﺭ ﻭﻛﺎﻝ ﺍﺻﻌﺪﻱ
ﻧﻘﺬﻧﻲ ﺟﻨﺖ ﻣﺤﺘﺎﺭﻩ
ﺻﻌﺪﺕ ﻳﻤﻪ ﺷﻐﻞ ﻗﺮﺍﻥ ﻣﺎﻋﺮﻑ ﻫﻮ ﻣﺘﻌﻮﺩ
ﻟﺼﺒﺢ ﻳﺸﻐﻞ ﻗﺮﺍﻥ ﻟﻮ ﺑﺲ ﻣﻦ ﺍﺻﻌﺪ ﻭﻳﺎﻩ
ﺩﺧﺖ ﻣﻦ ﺻﻮﺕ ﺍﻟﺴﻴﺎﺭﻩ ﻭﺿﺠﺖ
ﻣﺎﺩﺭﻱ ﺑﻨﻔﺴﻲ ﻧﻤﺖ ﻣﺎﺣﺴﻴﺖ ﺍﻟﻪ
ﻟﻴﺚ ﻳﺤﺮﻛﻨﻲ ﻳﻜﻌﺪﻧﻲ ﻛﻌﺪﺕ
ﻗﺮﻳﺒﻴﻦ ﻉ ﻣﻨﻄﻘﺘﻪ ﺍﻫﻠﻲ ﻋﺪﻟﺖ ﻧﻔﺴﻲ
ﻭﺻﺤﺼﺤﺖ ﺷﻮﻳﻪ ﻭﺻﻠﻨﻪ ﻣﻄﻴﻪ
ﺧﺒﺮ ﻟﻬﻠﻲ ﻭﻣﻨﺘﻀﺮﻳﺘﻪ ﺩﺧﻞ ﻟﻴﺚ ﻳﻢ ﺍﺧﻮﺍﻧﻲ
ﺳﻠﻤﺖ ﻉ ﺍﺧﻮﺍﻧﻲ ﻭﻃﻠﻌﺖ ﻭﺑﻘﻪ ﻟﻴﺚ
ﻳﻤﻬﻢ ﺷﻮﻱ ﺍﺟﻦ ﺧﺎﻻﺗﻲ ﻭﻋﻤﺎﺗﻲ
ﻭﺻﺎﺭﺕ ﻟﻤﻪ ﺗﺨﺒﻞ ﻣﻨﺪﻣﺠﻪ ﻛﻠﺶ
ﻭﻓﺮﺣﺎﻧﻪ ﺻﻌﺪﺕ ﺑﻐﺮﻓﺘﻲ ﻭﻱ ﺍﻟﺒﻨﺎﺕ
ﻭﻛﻠﻤﻦ ﺗﺴﻠﻨﻲ ﺳﻮﺍﻝ ﻭﺣﺪﻩ ﺗﻜﻮﻝ ﺿﻌﻔﺎﻧﻪ
ﻭﺣﺪﻩ ﺗﻜﻮﻝ ﺳﻤﻨﺎﻧﻪ ﻭﺣﺪﻩ ﺗﻜﻮﻝ ﺣﻠﻴﺎﻧﻪ
ﻛﻠﻤﻦ ﺗﺤﺠﻲ ﺑﻜﻴﻔﻪ ﻭﻛﻠﻤﻦ ﺣﺠﺖ ﺍﺧﺒﺎﺭﻩ
ﺻﺎﺭ ﻭﻛﺖ ﺍﻟﻐﺪﺍ ﺻﺎﺣﻮﻟﻨﻪ ﻧﺰﻟﻨﻪ ﺗﻐﺪﻳﻨﻪ
ﻧﺴﻴﺖ ﺍﻟﺪﻧﻴﺎ ﻟﻤﻪ ﺍﻫﻠﻲ ﺗﺨﺒﻞ . ﻭﻻﺧﻠﻮﻧﻲ
ﺍﺷﺘﻐﻞ ﺍﻱ ﺷﻲ ﺩﺯﻭ ﻏﺪﻩ ﻟﻠﻮﻟﺪ ﺑﺎﻻﺳﺘﻘﺒﺎﻝ
ﻣﺎﺷﻔﺖ ﻣﻨﻮ ﺟﺎﻱ ﺑﺲ ﺍﺳﻤﻊ ﺻﻮﺕ
ﻭﻫﻮﺳﻪ ﻭﺩﺯﻳﻨﻪ ﺟﺎﻱ
ﻭﺭﻩ ﺷﻮﻱ ﻛﺎﻟﻮ ﻟﻴﺚ ﺭﺍﺡ ﺍﺟﻮ ﺧﻮﺍﻟﻲ
ﺳﻠﻤﺖ ﻋﻠﻴﻬﻢ ﻭﺍﺑﻦ ﺧﺎﻟﻲ ﻭﻳﺎﻫﻢ ﺳﻠﻢ ﻋﻠﻲ
ﺳﻠﻤﺖ ﻋﻠﻴﻪ ﺳﻼﻡ ﻋﺎﺩﻱ
ﺑﻘﻴﻨﻪ ﺿﺤﻚ ﻭﺳﻮﺍﻟﻒ ﺑﺲ ﺍﻟﻜﻞ ﺗﺴﺎﻝ ﺷﻌﺠﺐ
ﻣﺎﺻﺎﺭ ﻋﺪﺝ ﻃﻔﻞ ﺍﻛﻠﻬﻢ ﺑﻴﺪ ﺍﻟﻠﻪ
ﻫﻪ ﻣﺤﺪ ﻳﻌﺮﻑ ﺳﺎﻟﻔﺘﻲ
ﻟﻠﻌﺼﺮ ﻗﺴﻢ ﺭﺍﺣﻮ ﻭﻗﺴﻤﻮ ﺿﻠﻮ
ﺑﻘﻦ ﺍﻟﺒﻨﺎﺕ ﺧﻄﻴﻪ ﻓﺮﺣﺎﻧﺎﺕ ﺑﻴﻪ
ﻭﺿﻠﻴﻨﻪ ﺳﻬﺮﺍﻧﻴﻦ ﻭﺿﺤﻜﻨﻪ ﻭﺳﻮﺍﻟﻔﻨﻪ
ﻟﻮﻳﻦ ﻭﺍﺻﻠﻪ ﺣﺘﻪ ﺍﺧﻮﺍﻧﻲ ﺍﻭ ﻭﻳﺎﻧﻪ
ﻟﻤﻪ ﺗﺨﺒﻞ ﺑﺲ ﻛﻠﻤﺎ ﺍﺫﻛﺮ ﺻﻔﺎﻭﻱ ﺍﺧﺘﻨﻚ
ﺑﺎﻟﻲ ﻳﻤﻪ ﻛﻠﺶ . ﻭﻛﻞ ﺷﻮﻱ ﺍﺧﺎﺑﺮ ﻫﺪﻯ
ﺗﻄﻤﻨﻲ ﻋﻠﻴﻪ ﻟﻤﻦ ﻛﺎﻟﺖ ﻧﺎﻡ ﻳﻠﻪ ﺍﺭﺗﺎﺣﻴﺖ
ﺳﺎﻟﺘﻪ ﻭﻳﻦ ﻧﺎﻡ ﺗﻮﻗﻌﺘﻪ ﻳﻢ ﺧﺎﻟﺘﻲ ﻛﺎﻟﺖ ﻳﻢ
ﺍﺑﻮﻩ ﻧﺎﻡ . ﺟﺎﻳﻪ ﻋﻤﺘﻬﻢ ﺍﻡ ﺍﺣﻤﺪ
ﺟﻌﻨﻪ ﺳﻮﻳﻨﻪ ﺍﻛﻞ ﻭﺑﻌﺪﻳﻦ
ﺣﻠﻮﻳﺎﺕ ﺗﻔﻨﻨﻪ ﺷﻨﺴﻮﻱ ﻛﻠﻤﻦ ﻃﻠﻌﺖ
ﺑﻄﻮﻻﺗﻪ ﻣﺘﻨﻪ ﺿﺤﻚ ﻟﺼﺒﺢ ﻳﻠﻪ ﻧﻤﻨﻪ
ﻣﺎﻛﻌﺪﻧﻪ ﺍﻟﻪ ﻝ 1 ﻉ ﺻﻮﺕ ﺳﺎﻣﺮ
ﻛﺎﻝ ﺟﺎﻳﺎﺕ ﻧﺸﻮﻓﻜﻢ ﻟﻮ ﺗﻨﺎﻣﻮﻥ ﻛﻮﻩ
ﻛﻌﺪﻧﻪ ﺗﻐﺪﻳﻨﻪ ﻭﻗﺮﺭﻧﻪ ﻧﻄﻠﻊ ﺿﻮﺟﻪ
ﺳﻮﻳﻨﻪ ﺟﻮﻟﻪ ﻃﻠﻌﻨﻪ ﻭﺗﻮﻧﺴﻨﻪ ﻭﺭﺟﻌﻨﻪ
ﺍﺗﺼﻠﺖ ﻉ ﻓﺮﺡ ﺳﻤﻌﺖ ﺻﻔﺎﻭﻱ ﻳﺒﺠﻲ
ﻛﺎﻟﺖ ﻳﺒﺠﻲ ﻭﺭﻩ ﺍﺑﻮﻩ ﺣﺎﺟﻴﺘﻪ
ﺿﻞ ﻳﺒﻲ ﺑﺎﻟﺰﺍﻳﺪ ﻳﻜﻠﻲ ﻣﺎﻣﺎ ﺗﻌﺎﻟﻲ
ﺿﺠﺖ ﺣﻴﻞ
ﺍﻟﻴﻮﻡ ﺍﺧﺮ ﺍﻳﺎﻡ ﺍﻟﻌﻴﺪ ﻓﻜﺮﺕ ﺍﺭﺟﻊ ﻫﺴﻪ
ﻣﺘﺮﻫﻢ ﺩﻧﻴﺎ ﻟﻴﻞ ﻣﺤﺪ ﻳﻘﺒﻞ ﺑﺎﻟﻲ ﻳﻢ
ﺻﻔﺎﻭﻱ ﻧﻘﻬﺮﺕ ﻗﺮﺭﺕ ﺑﺎﺟﺮ ﻣﻦ ﻟﺼﺒﺢ
ﺍﺭﻭﺡ ﺣﺎﺟﻴﺖ ﺳﺎﻣﺮ ﻛﺎﻝ ﻣﻴﺨﺎﻟﻒ ﺍﻧﻲ
ﺍﺧﺬﺝ ﻣﻘﺮﺭﻩ ﺍﺑﻘﻪ 3 ﺍﻳﺎﻡ ﺍﻟﺮﺍﺑﻊ ﺍﺭﺟﻊ
ﻣﻦ ﺳﻤﻌﺘﻪ ﺑﺠﻪ ﻣﺎﺗﺤﻤﻠﺖ ﺍﻟﻜﻞ ﺭﺍﺡ
ﻟﻴﻠﻪ ﻧﻤﺖ ﺑﺤﻀﻦ ﻣﺎﻣﺎ ﺷﺘﺎﻗﻴﺖ ﻟﺤﻀﻨﻪ
ﻣﻦ ﺍﻧﺎﻡ ﺑﺤﻀﻨﻪ ﺍﺭﺟﻊ ﻃﻔﻠﻪ ﻛﻞ
ﻫﻢ ﻣﻴﻀﻞ ﻋﻨﺪﻱ ﺍﺭﺗﺎﺡ ﺍﻓﻴﺶ ﺭﻳﺤﻪ ﺍﻟﺠﻨﻪ
ﺑﺤﻀﻨﻪ ﺿﻠﻴﻨﻪ ﻧﺴﻮﻟﻒ ﺗﺴﺎﻟﻨﻲ ﻋﻦ ﻭﺿﻌﻲ
ﻛﺘﻠﻪ ﻣﺮﺗﺎﺣﻪ ﺑﻨﺺ ﺍﻟﺨﻴﺮ ﻣﺎﻋﺎﻳﺰﻧﻲ ﺷﻲ
ﻭﻓﻌﻼ ﻣﺮﺗﺎﺣﻪ ﻣﺎﻋﻨﺪﻱ ﺷﻲ
ﺍﺟﻮﻱ ﺍﺧﻮﺍﻧﻲ ﺿﻠﻴﻨﻪ ﻧﺴﻮﻟﻒ ﻧﺴﻮﺍﻥ
ﺍﺧﻮﻱ ﺍﻟﻴﻮﻡ ﺛﻨﻴﻨﻬﻦ ﻳﻢ ﺍﻫﻠﻬﻦ
ﺿﻠﻴﻨﻪ ﻛﺎﻋﺪﻳﻦ ﺏ 1 ﺍﻣﻲ ﻧﺎﻣﺖ
ﻟﻮﻟﺪ ﻃﻠﻌﻮ ﺧﺎﺑﺮﺕ ﻫﺪﻯ ﺍﻭﻝ ﺩﻛﻪ
ﻭﺳﺪﻳﺘﻪ ﻋﺒﺎﻟﻲ ﻧﺎﻳﻤﻪ ﺍﻥ ﻳﻄﻠﻌﻠﻲ ﺻﻮﻓﻲ
ﺑﻌﺪ ﻛﻠﺒﻲ ﻟﺴﻪ ﻣﻨﺎﻳﻢ ﻳﻜﻠﻲ ﻣﺎﻣﺎ ﺗﻌﺎﻟﻲ
ﺣﺒﺎﺑﻪ ﺍﻭﻭﻭﻭﻭﻑ ﻃﻔﺮﺕ ﺍﻟﺪﻣﻌﻪ ﺑﻌﻴﻨﻲ
ﻧﻘﻬﺮﺕ ﻛﻠﺶ ﻛﻮﻩ ﻧﻤﺖ ﻛﻌﺪﺕ ﻟﺴﺎﻋﻪ
ﺏ 10 ﻣﺎﻗﺒﻠﻮ ﺍﻫﻠﻲ ﻛﺎﻟﻮ ﺍﺗﻐﺪﻱ ﻭﺭﻭﺣﻲ
ﺍﺗﻐﺪﻳﻨﻪ ﺣﺘﻪ ﻣﺎﺷﺘﻬﻲ ﺍﻛﻞ ﻛﻮﻩ ﻉ ﻭﺍﻫﺲ
ﺍﻫﻠﻲ ﻛﻤﻠﺖ ﺍﺧﺬﻧﻲ ﺳﺎﻣﺮ ﻣﻄﻴﻪ ﺧﺒﺮ ﻟﻬﺪﻯ
ﺭﺍﺡ ﺍﺟﻲ ﻭﺻﻠﻨﻪ ﺟﻠﺒﻮ ﺑﺴﺎﻣﺮ ﺍﻧﻲ ﻛﺒﻞ
ﻟﺼﻔﺎﻭﻱ ﻳﻤﻪ ﺑﻌﺪ ﻣﺎﻋﻮﻓﻪ ﻟﻮ ﺍﻣﻮﺕ ﻃﻚ ﻛﻠﺒﻲ
ﺧﻄﻴﻪ ﻣﺠﻠﺐ ﺑﻴﻪ ﺑﻌﺪﻳﻦ ﺳﻠﻤﺖ ﻋﻠﻴﻬﻢ
ﺷﻮﻱ ﻭﺭﺍﺡ ﺳﺎﻣﺮ ﻛﺎﻟﻮ ﻋﻤﺘﻬﻢ ﻗﺒﻞ ﻻﺍﺟﻲ
ﺑﺸﻮﻱ ﺭﺍﻳﺤﻪ ﺑﻜﻠﺒﻲ ﻛﻠﺖ ﻫﻤﺰﻳﻦ ﺧﻠﺼﺖ
ﻻﻥ ﻣﺮﺍﺡ ﺗﻔﻮﺕ ﺧﺎﻟﻲ ﻭﻻﺯﻡ ﺍﻟﻐﺜﻪ ﻳﻨﺎﻡ
ﺑﻐﺮﻓﺘﻲ ﻭﺭﺍﻩ ﺭﺣﺖ ﻟﻐﺮﻓﺘﻲ ﺷﻤﻴﺖ ﺑﻴﻪ
ﻋﻄﺮ ﺍﻟﻐﺜﻪ ﻻﻥ ﻋﻄﺮﻩ ﻣﻤﻴﺰ ﻭﻗﻮﻱ
ﺳﺘﻐﺮﺑﺖ ﺍﺟﺖ ﻫﺪﻯ ﺣﺠﺘﻠﻲ ﻛﺎﻟﺖ
ﺑﺎﺕ ﺑﻐﺮﻓﺘﺞ ﻟﻴﻠﺘﻴﻦ ﺑﺴﺒﺐ ﻋﻤﺘﻲ 🤣😂
ﻭﺗﻀﺤﻚ ﻛﺎﻟﺖ ﻫﻤﺰﻳﻦ ﻓﻠﺘﻲ ﻣﻨﻪ
ﺿﺤﻜﻨﻪ ﺧﻄﻴﻪ ﺍﻟﺒﻨﺎﺕ ﺣﺘﻪ ﻣﺎﺧﻠﻮﻧﻲ
ﺍﺳﻮﻱ ﻋﺸﺎ ﻏﻴﺚ ﻛﺎﻝ ﻭﺝ ﺷﺘﺎﻗﻴﻨﻪ
ﻟﺨﺒﺰﺝ . ﻛﺘﻠﻪ ﻳﻌﻨﻲ ﻣﺎﻣﻴﺖ ﻋﻠﻴﻪ
ﻣﺎﺑﺤﺎﻟﻲ ﻛﺎﻝ ﻻﺑﺎﻟﻌﻜﺲ ﺑﺲ
ﻛﺘﻠﻪ ﺍﻱ ﺑﺲ ﻟﺨﺒﺰﻱ ﻭﺍﻛﻠﻲ ﺍﻛﺜﺮ
ﻛﺎﻝ ﺍﻟﺼﺪﻙ ﺍﻱ ﻭﺍﻟﻠﻪ 🤣😂
ﺑﺪﺕ ﺍﻻﻳﺎﻡ ﺗﻤﺸﻲ ﻋﺎﺩﻳﻪ ﻣﺎﻛﻮ ﺷﻲ ﺟﺪﻳﺪ
ﺑﺲ ﺻﻔﺎﻭﻱ ﺑﺪﻩ ﻳﺘﻌﻠﻖ ﺑﻴﻪ ﺍﻛﺜﺮ . ﻭﺍﻛﺜﺮ
ﻳﻮﻡ ﻣﻦ ﻋﺪﻫﻢ ﺍﺟﻮﻱ ﺑﻴﺖ ﺧﺎﻟﺘﻬﻢ
ﻭﻳﺎﻫﻢ ﺍﺑﻨﻬﻢ ﻳﺒﻮﻭﻭﻭ ﺿﺠﺖ ﺣﻴﻞ
ﺍﻟﺒﻨﺎﺕ ﻻﺣﻀﻨﻲ ﺿﺠﺖ ﻛﺎﻟﻦ ﻏﻠﺴﻲ
ﻋﻨﻪ . ﺣﺎﻭﻟﻲ ﺗﻜﻮﻧﻴﻦ ﺑﻌﻴﺪﻩ ﻭﻳﻦ ﻣﺎﺍﺭﻭﺡ
ﻳﺠﻲ ﻭﺭﺍﻩ ﺿﺠﺖ ﺻﺒﻴﻨﻪ ﻋﺸﺎ
ﻭﺍﻟﻜﻞ ﻳﺘﻌﺸﺎ ﺑﻘﻴﺖ ﺑﺎﻟﻤﻄﺒﺦ ﺍﺳﻮﻱ ﺟﺎﻱ
ﻣﺎﺍﺣﺲ ﺍﻟﻪ ﻭﺍﺣﺪ ﺣﺎﺿﻨﻲ ﻣﻦ ﺧﺼﺮﻱ
ﻳﻤﻪ ﻧﺰﻳﺖ ﺍﺩﻳﺮ ﻭﺟﻬﻲ ﻭﺟﺎﻥ ﺍﺷﻮﻓﻪ
ﻫﻮ ﻭﻛﻒ ﻛﻠﺒﻲ ﺑﺴﺮﻋﻪ ﺍﺑﺘﻌﺪﺕ ﻋﻨﻪ
ﻭﺭﺯﻟﺘﻪ ﻛﺘﻠﻪ ﺷﻜﺪ ﻣﺎﺗﺴﺘﺤﻲ ﻭﻣﺎﻋﻨﺪﻙ ﻏﻴﺮﻩ
ﻛﺎﻝ ﺑﺲ ﺍﺳﻤﻌﻴﻨﻲ ﺩﻗﺎﻳﻖ . ﺍﻟﻠﻪ ﻋﻠﻴﺞ
ﻭﺍﻟﻠﻪ ﺣﺒﻴﺘﺞ ﻣﻦ ﺍﻭﻝ ﻳﻮﻡ ﺷﻔﺘﺞ
ﻣﺎﺍﻛﺪﺭ ﺍﻃﻠﻌﺞ ﻣﻦ ﺑﺎﻟﻲ ﺗﻌﺒﺖ ﻭﺍﻧﻲ
ﺍﻋﺎﻧﻲ ﻟﻴﻞ ﻣﺎﺍﻧﺎﻣﻪ ﻣﻦ ﻭﺭﺍﺝ ﻓﻬﻤﻴﻨﻲ
ﺷﺎﺳﻮﻱ ﺷﻨﻮ ﺗﺮﺩﻳﻦ ﺍﻧﻲ ﺣﺎﺿﺮ
ﺑﺲ ﻛﻠﻤﻪ ﻣﻨﺞ ﻳﻤﻪ ﻭﻛﻒ ﻛﻠﺒﻲ ﻣﻦ ﺳﻤﻌﺖ
ﻫﺬﺍ ﺍﻟﻜﻼﻡ ﺷﻠﺖ ﺍﻳﺪﻱ ﺭﺩﺕ ﺍﺿﺮﺑﻪ
ﻣﺎﺍﺣﺲ ﺍﻟﻪ ﻟﻮﻟﺪ
ﻭﺟﺎﻥ ……… ﻳﺘﺒﻊ