بنواجه الفشل يجى منه اليأس وعزيمة
ما دام مبطلناش نحاول مسمهاش هزيمة
مش نادمنين على حاجة ودة عشان إتعلمنا حاجة
مفيش حاجة ببلاش والدنيا مش ماشية بمزاجك
قادرين نحس بدفا الشمس من ورا الغيوم
قادرين نحس كتافنا بتقوى من شيل الهموم
بنشوف الميزة الواحدة رغم كل عيوب الصورة
قادرين نحمل ع العضمة إللى لسة مش مكسورة
وعشان بشر سعات كتير بنقول شكلها إتسدت
تقع كام طوبة وإحنا مجهدين نقول إتهدت
ويكون جوانا صراع هنقدر ولا مش هنقدر
نسيب نفسنا نلاقى أصوات الإحباط بتكتر
نفتكر أول حب وأد إيه إتمسكنا بيه
والوقت إللى ضاع فى وهم إن الحياة إنتهت بعديه
نضحك على أد إيه إحنا كنا صغيرين وقتها
أد الحياة كانت سهلة وبرضو قلنا مش قدها
El Joker
