مــن نــظــرة

الجزء الرابع

#من نظرة....
الجزء الرابع.....
ريم:خلصت الحفلة ورجعنة وية خالد،،،
امي:تعالوا نزلوا يمة،،،
خالد:لا يمة تعبان كلش وهاي الجهال هم نعست،،،
امي:ديلة ماشي حبيبي،،،تصبحون ع خير،،
نزلنة اني وسونة والجهال سلمنة عليهم وراحوا،،
طبينة للبيت صنطة،،،
ريم:شنووو ماما معقولة ابوية نايم???
امي:ما ادري هسة اشوفه،،يمة سوسن شوفي رجلج اشو مدك علية بعد،،
هاي عود وصيته من يكمل يخابر ،،،
بعدنة دنحجي طب ابوية ولازم محمد ملفلفة ايده
و وجهة بيه سواد،،،
كلنة شهكنة وخطية سوسن ركضت امي وكعت
من طولهة،،، ركضت جبت مي وهو جر سوسن
وكعد يم امي،،،
محمد:صدك جذب شبيكم والله مابيه شي،،،
خطية امي بالكوة تحجي:يمة ليش هيج ملفلف???
سودة بوجهي ،،
محمد:اسم الله حبيبة مابيه شي هاي كدامج،،،
ابوية:كوم يابة للاستقبال عيب الول واكف بالباب،،،،،
ريم:رحت ارجع دولكة المي واشهك ع اخوية ،،
ليش هيج متأذية،،،جفلت لكيت رجال واكف باب الاستقبال وظهرة ع باب المطبخ،،،
ردت اصيح ع ابوية بس همزين شفت ابوية
طلع رحب بية وجرة،،،
طلعت عصير وحطيته بالصينية وخليت وياه صحن
معجنات،،،
ريم:بابا،،،بابا،،،
ابوية:اهااا عاشت ايدج،،روحي كعدي يم امج
خطية شوفي ضغطهة نزل...
ريم:ماشي،،،
جنت بطريقي داروح لامي سمعت الباب تندك
طلعت للطرمة صحت منووووو???
خالد:اني خالد ريمة،،،
ريم:خطية اكيد سمع بمحمد واجة،،،
خالد:لج شكو شبيه محمد??
ريم:طب خالد و وراها حنين والجهال،،،
خطية كب المحرك مال السيارة بوجهة وايده احتركت
خالد:صدك تحجين???
ريم:اي والله خطية،،بس الحمدلله مو حرك قوي
فوت جوة ابوية والولد بالاستقبال و وياهم
واحد ما اعرفه،،
خالد:بتعجب منووو??
ريم:ما اعرفه بس ابوية كال ساعد محمد ومطفي
السيارة وناقله للمستشفى،،،
تعالي حنون خطية الجهال مطفين،،،
اخذتهم لغرفتي فرشتلهم نيمتهم ونزلت،،
حنين:ها ريمة،،ناموا???
ريم:اي خطية من التعب،،
هااا طلع الولد،،،
امي:اي يمة راح ،،،
ريم:وانتي وين رايحة،،،
امي:يعني وين تكوم اشوف اخوج،،،
طبت امي للاستقبال جان محمد امدد ع القنفة
وخالد ديحطله قطرات لعينه،،
امي شافته تخبلت وظلت تبجي،،،
يمة كون بية ولابيك،،،
محمد:اسم الله يوم لاتخافين والله ماكو شي وهمزين الله دز هذا الولد ابن حلال وساعدني
والصدفة طلع ابن اختهة لام علي،،،
خالد:بضحك والاحلى طلع وياية بالدوام،،،
ابوية:الله يحفظه ويحميه لشبابه مبين علية خوش
ولد،،،
خالد:اي والله سمعته ذهب بالدوام والكل تحمد بيه، ،،
امي:يمة الله يحميه ويحفظه لشبابه ولاهله،،،
ابوية:سوسن كومي عمي اخذي رجلج خل يصعد
يرتاح ،،،
سوسن:اي عمي صار،،انداريت مسحت وجهي
وكام وياية وهمسلي،،،
محمد:ولج والله مابيه شي ياروحي انتي
مو راحت روحي وية دموعج،،،
سوسن:النوب خلاني اشهك،،طبينة للغرفة اباوع
علية وجهة بية حرك طفيف بس حمار وايده
ملفوفه بشاش،،،اكو شي يوجعك???
محمد:ضحكت باوعت عليهة عيونهة مورمة تعالي
ياروحي تعالي من رحت فدوة لهالعيون،،
بدلنة ونمنة والجهال نومتهم ريمة اول موصلنة،،،،
امي:شفت حسن شفت ابنك منزل ع اخوه
وشافه،،،
ابوية:يجوز نايم ميدري،،،
امي:لا كاعد سمعت صوت دمرته يلعلع،،،،
ابوية:اذا طلع كاعد صدك اني اعرف شلون
اتصرف وياية،،،وانتي شلون صرتي ظل بالي يمج،،،
امي:ضحكت يوووو حسن ترى كبرنة،،،
ابوية:وين كبرتي يا جمانة كلبي بعدج مثل
ما اخذتج اول يوم،،،،
....................................
كعدت ثاني يوم اباوع الساعة ب11اووو
شلون اخذتني نومة ،،،
باوعت الغرفة فارغة ومشيول الفراش نزلت سمعت
صوتهم بالمطبخ،،،
صباح الخير
الكل:صباح النور،،،،
لكيتهم ع ميز الطعام بيت خالد كلهم وبيت محمد
كلهم والجهال وامي،،،
زين عبالي بس اني هستوني كاعدة،،،
امي:لا وين كلهة نامت فايت وكت واخوج ماخذ
منوم،،سودة علية،،
ريم:حمادة شلون صرت،،،
محمد:الحمدلله زين،،،خطية بالكوة يحجي
ريم:ان شاءالله حبيبي،،،
سوسن:تعالي كعدي ريوم خل اصبلج جاي،،،
ريم:لا كعدي تسلمين هسة اني احميه واصب،،،
كعدت اتريك وامي حجت وياية بصوت ناصي،،
امي:يمة ريمة مالي خلك اليوم انتي سوي الغدة
خطية سونة ملتهية وية اخوج وحنين مالهة حيل
حامل،،،
ريم:صار تدللين،،بس شبيج بعده ضغطج،،
امي:لا اخذت حباية الضغط بس من ورة الهبطة
احس حيلي مهدود،،،ومابية اتحرك،،
محمد:خير يوم شبيج???
امي:لاحبيبي ماكو شي بس مابية حيل اوكف
ع الطباخ وداوصي ريمة،،،
حنين&سونة:خيرج خالة،،
محمد:مالج خلك مو هبطي روحج ع الخالي بلاش
مو كدامج ومابية شي،،،
ريم:يلة ع العموم الحمدلله عدت سلامات واليوم
كلكم اجازة ع حسابي،،،
الكل ضحك خلصنة الريوك وحنين لملمت وياية المطبخ،،،
وسوسن يم محمد امي مقبلت تتحرك كلتلهة
ظلي يمه راحوا للهول وامي طبت لغرفته،،،
وخالد راح وكف بدال ابوية بالاسواق حتى يرتاح،،
جنت داحضر الغدة وحنين يمي والجهال بالحديقة
جنت اسمع صوت سما ولا كلفت نفسهة ونزلت
وخطية البنات يريدن ينزلن ومتخليهن كلسه
كاتلة وحدة،،،
ضدك ضجت وفار دمي كلنة نحب بنات سعد
وماعدنة تفرقة هذا ولد وهذا بنية،،،
ابوية يتخبل اذا سمعهة تكتلهم او تمنعهم
من النزلة،،،
وهمزين اجة ابوية بس وجهة مبين علية
ضايج،،،
سلم علينة وطب لمحمد وشافه وسئل ع امي
كلولة نايمة جوة،،،
حنين:اكلج مو عمي كو ع بعضه لو اني غلطانة
ريم:اي والله صحيح كلامج،،،
،،،،،،،،،،،،،،،،،،،،،،،،،،،،،،،،،،،
فهد:كعدت ثاني يوم الصبح ب9 طلعت للمطبخ
شفت امي وخالتي ليفن دولمة،،،
امي&خالتي:هلة يمة صباح الخير،،،
خالتي:تعال حبيبي الجاي حار وهذا الريوك حاضر
طبت مررة علي خوش بنية ومحترمة جنت ناوي
اطلع من الفجر للبصرة علمود البنية
عيب متاخذ راحتهة بالبيت بس تأخرت بالرجعة
للبيت فمحسيت ع روحي من نمت وامي مخلتني
وخالتي حلفت علية يمين ابقى وبقيت اليوم هم،،،
خالتي:صدك سهام(ام فهد)خل نكمل الغدة
ع السريع ونمر لام خالد نتحمد لابنهة بالسلامة،،
فهد:غلما تكملون ظهرية تصير،،،
خالتي:اي يمة حتى لو اروح خمس دقايق وارجع
عيب هسة اكيد يدرون بينة سمعنة
ولاتنسى راح يجي وسام ومرته والتهي وية
الخطاطير ما الحك بعد،،،
سهام:اي والله صح عيب،،،،
فهد:بضحك اشوفج هم شكلتي ع الخط،،،
سهام:اي طبعا المرة صارت عرف شلون تروح خالتك
وحدهة وتدري بية موجودة،،،
وهم اريد اشوف هالحلوة العدهم،،،
خالتي دنجت تضحك وامي هم تضحك،،،
فهد:خيرجن اشو اشم ريحة طبيخ ع نار هادية،،،
خالتي:لج سهام هذا شنو ابنج متكوليلي بيش
توحمتي بيه????
سهام:اي والله داطبخلك طبخة بس شنو ...
فهد:يمة الله يخليج لا تخليلي بنية وزواج،،،
خالتي:فهد يمة لاتشلع كلب امك خليهة تفرح
بيك احنة شنو همنة غير نشوفكم كل واحد
لازم بيته وعائلته وترى اذا ع البنية ترى
مو كل اصابعك سوة،،،
وريمة خوش بنية وبت ناس وصغيرة،،،
فهد:منو هاي النوب،،،?/?
خالتي:بنت صديقتي وجارتي،،اخت محمد الي
سوة حادث البارحة،،،
فهد:صدك اصلا طلع الولد عرف لان اخوه الجبير
خالد وياية بالدوام ولاكيته البارحة الظهر بالمنطقة،،،،
خالتي:اي بعد شكووو البنية ما شاءالله حلوة وصغيرة،،باوعت ع سهام بس هي مطلقة،،،
فهد:شنوووو النوب مطلكة لا لخاطر الله اني
كلبي خلصان،،،
خالتي:ولك يمة البنية خوش بنية وبنت اوادم
وبالعكس هي انظلمت بزواجهة،،،
فهد:خالة ماقصدي اخلاقهة وسمعته لا الله شاهد
بس قصدي اخاف تجربتهة بالزواج فاشلة
والنوب تأثر ع مستقبلهة اكيد تعقدت لان
مثل مسمعت منج صغيرة ومجتمعنة ظالم
بهيج موضوع فمناقصني شلعان كلب،،،
سهام:شوف وليدي اني مراح اجبرك انت بس
شوفهة واذا مقتنعت اني اسكت و داعت ابوك
مراح احجي بالزواج ابد الا انت تجي وتطلب
هالشي بلسانك،،،
فهد:والله انكسر كلبي ع امي ادري بيهة شايلة
همي بالزواج اكثر من ميثم لان تكولي انت كبرت
واريد اشوف بزرك،،،،
بس شلون اكلهة اني عيني ع وحدة بس اخاف
متقبل بيه هم جبير عليهة وهم مطلك،،،
فزيت ع صوت امي:هااا يمة شكلت ،،،،
فهد:ماشي يمة ماشي،،،
شفتهة خطية كيفت وكامت تستعجل بخالتي،،،
فهد:زين يمة شلون اشوف البنية اني ما اريد اتفاشل وية اهلهة وخصوصا اخوهة وياية،،،
بلكت معحبتني البنية،،،،
خالتي:لاتخاف خليهة علية،،،
فهد:شلون بلة غير افتهم،،،
خالتي:البنية بينة وبين اهلهة ميانة وعشرة
وهي ومرة علاوي صحبة تجينة هواية فراح اتحجج
بشغلة واخليهة تجي لهنا،،،
فهد:صفكت بيدي والله انتن النسوان داهية،،،
ضحكن امي وخالتي،،،،
............................
حنين:جنت داغسل الطرمة وطبت خالة ام علي
واختهة وياها سلمت عليهم وتحمدولي ع سلامة
محمد،،،
تفضلوا خالة هسة انطي خبر لخالتي،،،
ام علي:اشووو مالهة حس،،،
حنين:والله ياخالة صبحت مالهة خلك من ورة
الهبطة مال الليل وراحت لغرفتهة تريح شوية،،،
ام علي:يااااا عيني الله يساعدهة لعد خليهة خطية،،،،
حنين:لا هسة انطيهة خبر كعدي خالة،،
ريم:سمعت خالة ام علي جاية عرفت علمود
محمد،،دكيت الباب ع امي،،،
ماما خالة ام علي جتي عليج ،،،
امي:ياخطية عافت هوستهة وجتي،،،،
طبيت عليهم:هلة بأم علي هلة بأم فهد،،ع وين
ليش واكفين،،،
ام علي:والله مردت البنات يكعدنج خطية مالج خلك
امي:لا الحمدلله احسن بس شوية ضغطي تعبني
سهام:ماعندج غير العافية ام خالد بشريني
شلون صار الولد،،،
امي:الحمدلله بس سودة علية اليوم صبح
ايده تصل علية و وجهة يحركهة،،،،
ام علي:شفتهة خطية كامت تبجي ظلينة اني
وسهام نواسيهة شوية ودخلت ريم بيدهة
صينية التقديم،،،
سهام:ياعيني شنو هالزحمة ،،،
امي:ياااا كلشي قليل بحقكم خيتي تفضلوا،،،
سهام:ما شاءالله بتج هواية ماخذة منج،،،
امي:ضحكت اي كلهم يكولولون هي الوحيدة بين
الولد والبنات طلعت تشبهني حيل،،،
سهام:ماشاءالله عدج بنات غيرهة،،،
امي:اي مريم وميسلون مزوجات وحدة جتي ورة خالد،،واللخ قبل محمد اصغر الولد،،،
سهام:الله يحفظهم الج،،يعني ريومة اخر العنكود،،،،
امي:ابتسمت ومسحت ع ظهر بنتي بحزن اي
هاي اخر بزري،،،،
ام علي:يلة ام خالد احنة نترخص ،،،
امي:توكم جيتوا،،،
ام علي:عذريني والله عفت باقي الشغل ع مرة علاوي والبنات تعرفين بعد وسام ومرته راح
يجون وحمويني كلهة تجي ع الغدة وخطية بنات
اختي ومروة وحدهن،،،
امي:ياااا شعجب نسوانكم بناتكم محد جتج،،
ام علي:لا والله بس خابروا ابو علي نطوه خبر
يجون يباركون لوسام وابو علي استحى منهم
عزمهم ع الغدة،،،
امي:الله يساعدج،،،ريمة كومي وية خالتج ساعدي
البنات ميلحكن بعد،،،
ام علي:بخجل لا يمعودة ام خالد صدك جذب
شدتحجين خليهة للبنية،،،
ريم:هاي شنو خالة لازم متريديني،،،
ام علي:لايمة والله مو هيج بس شلج بالتعب،،،
ريم:شنو هالحجي خالة احنة اهل وانتي وكفاتج الحلوة متنسي،،،،
سهام:والله يمة رحمة الله والديج ع هالتربية،،،
امي:تسلمين ام فهد والله ام علي اختي المجابتهة
امي وحبيتج وعزيتج لمعزتهة الله شاهد،،،
ام علي:الله يديم المحبة والخوة بينة ان شاءالله،،،
ريم:ترخصت خالة ام علي واختهة وامي كلتلهم
تبدل وتلحكم،،،
راحت امي ع ابوية ونطته خبر معارضهة بس
كلهة خل تكعد بس وية بناتهم وع كد الشغل
وترجع،،،
صعدت ابدل محسيت الا حنين وسونة فوك راسي
حنين:هاااا حتروحين تكابلين الصاك وتكعدين،،
سونة:اي بربج لاتصيرين فاهية وتحركي،،،
ريم:بربكم صدك تحجون انتي مو رجلج مريض
وانتي حامل وبطنج واصله لحلكج عفتوا كل هذا
ولحكتوني بنصايحكم،،،،
يلة بلة نزلوا خل ابدل ظلوا يحجون ويضحكون
واني لالبستهم بدلت لبست بنطرون كابوي مكحوت
وقميص سمائي فاتح طويل وشعري لفيته كبوبة عالية ونفشتهة ولبست بوند لفيت كذلتي بيه وشحاطة فلات،،،،،
سونة:متأكدة رايحة تشتغلين اشو شكلج مال وحدة
تجيب التايه،،،
حنين:عوفيهة هاي عوبة متعرف تصرف،،،
سمعت امي تصيح علينة،،،
شفتوا انفضحنة،،
امي:باوعت لريمة ابتسمت وكلت بكلبي الله
يسعدج يمة واذا قسمة خير ربي يجعلهة
من نصيبج،،،،
حنين:خرب لكم حتى خالتي ابتسمتلج ع هالجمال
امي:ليش هو اكو بحلاة ريمتي،،،
سونة:احم،،احم،،نحن هنا،،
امي:يلة لاتزعلين كلكم حلوات،،،يمة ريمة متحتاجين
توصاه ع كد شغلج ورجعي حبيبتي ومالج دخل
بخطارهم ماشي ،،،
ريم:تدللين يلة باااااااي،،،
حنين&سونة يأشرولي ويسوولي حركات مخابيل
والله حطيت تليفوني بجيبي وطلعت،،،
طبعا بيت ام علي جيرانة حايط ع الحايط،،،
طلعت للشارع لكيت ولد بالباب،،،
اهووووو هسة شلون راح ادخل،،،شفت علي
منتجي ع سيارته وعينه بالتليفون،،،
صحت علية،،ابو مسك،،ابو مسك،،
علي:رفعت راسي هاي ريم تمشيت ليمهة،،
هلا بريمة شلونج،،،خير خما محمد بيه شي،،
ريم:زينة الحمدلله،،الحمدلله محمد زين بس جيت
اساعد مروة والبنات ومكدرت افوت،،،
علي:بعيني تعالي وراية،،،جانوا ولد عمي
سادين الطريق،،،
صحت يولد سووة طريق،،فاتت ريم وصحت يولد اوكفوا ع صفحة سادين الطريق،،،
نط ابن عمي:لك علاوي هاي الصاكة منين??
علي:رزلته رزاله وسكته،،
...............................
فهد:جنت كاعد بالهول اكلب بتليفوني لان ماحب
اختلط بولد عموم علاوي لان بيهم كم واحد
ملطلط وخفيف وحجيهم كله فشار وبنات وعلاقات
واني ابد ما احب اكعد وية هيج نماذج،،،
المهم،جنت متمدد وسمعت صوت بنية بس
شنووووو من صوت يخبل،،،
ريم:دخلت جوة وشفت اخت خالة ام علي،،،
سهام:يمة صلوات والله هالبنية دخلت كلبي
سبحان الله ،لج ريومة شنو هالجمال،،،
ضحكت تسلمين خالة عيونج الحلوة،،
ام علي:فدوة ريمة شوفي مروة كملت الهول
والاستقبال???
ريم:صار خالة،،،اني خافضة بيتهم طبيت للهول
فارغ صحت مروة،،،مروة،،تقدمت بخطواتي
وجفلت شفت ولد ممد ع القنفة،،،
شفته نفسه الولد الي شفته بالقاعة،،،
احم،،،العفوووو ما ادري اكوو احد هنا،،،
داطلع وسمعته كال،،
فهد:ظليت امدد كلت هاي يجوز وحدة من بناتنة
بس اتصنمت شفته هي والله اي هي ظليت
بس صافن بيهة ضعت يمعانيهة،،،
اللون السمائي جان اميزهة وبارز الهدوء
والجمال البيهة وخصلات شعرهة النازلة
يبوووووو همت بكل تفاصيلهة ليش بس
وية هاي البنية يتخربط حالي اباوع عليهة تحجي
وتشبك اصابيعهة عبالك راح تكطمهن،،،
اندرات دتروح بلا وعي حجيت وياها،،،
فهد:لحظة،،انتي شسمج،،،??
ريم:اتعصبت من سؤاله،،،وانت شلك دخل بأسمي??
اعرفك ،،تعرفني???
فهد:وعيت ع روحي،،،اااامم اسف مو قصدي
والله اسف مرة ثانية ودرت وجهي وكعدت ع
القنفة ظليت افرك بوجهي شبيك يمعود شلون
تتصرف هيج هاي عود انت الحبير استغفرالله،،،
خليتك حلم وعيوني ترسم بيك،،،
وغير عيوني محد يكدر يرسمك،،،
وندهوني شكثر بأسمي وجنت ناسيه،،،
وكتلهم نعم من صاحوا بأسمك،،،،