فاتن زين اخذ علي ويايه ويكتب بيت باسمي وفلوس الجهاز بيدي
الخال يجرالج بس كولي اي
فاتن وفرصه افكر
خاله براحتج عدج الباجر
باليل نزلت فاتن تشرب مي سمعت خاله وزوجته يتعاركون
زوجة خاله شنو تطيه فرصه تفكر كل عقلك والله والله اذا موافقت من عين باجر اروح لهلي اني مو كليفه بجهال غيري لو بيهم حض مجان شمروهم براسنه اكل وشرب
الخال هاي شبيج مو دتشوفيه شايله البيت عنج خدامه بلاش كلشي بحياته انغصبت عليه عاد خلي تختار زوجه نطلع من خطيته
زوجة الخال اكيد انته خرفت يارجال نسيت هدية زواجه الك شنو من غير المهر بيدك شوف لو زواج فاتن لو طلاكنه وخل تفيدك سكتو فاتن نست المي رجعت لفراشه ولسان حالها يقول ٠
٠
مثل سلعه رخيصه صفيت هالحال
يبيعوني رغم وبلايه قيمه
خذت موقف حرب هالدنيه وياي
كل ذنبي صرت بيه يتيمه
كسرت بالقلب والعين عبرات
ولا واحد علي نيته سليمه
وانه الحسبتهم سند للدوم
لنهم عيشوني بنص ضليمه
٠
صفنت لازم اقبل ميخالف كبير على الاقل ماعيش بذل الصبحكعد خاله لكاها مسويه ريوك صبتله جاي وجهزت ملابسه يعاين عليه مثل البدر تذكر اخته يحجي ويه نفسه اويلي يريحة الغاليه وين راح اذبج ماغصبج شتريدين اني بضهرج
الخال فاتن تعالي كعدي يمي
فاتن تامر خالو كعدت يمه
الخال فتونه قبل كلشي احب اكلج اي قرار تاخذي بحياتج اني بضهرج وماخلي احد يغثج التفتت فاتن لمحت زوجة خاله تراقب وره الباب عاينت بعين خاله
فاتن تدري خالو من اعاين وجهك تمر بيه صورة امي كلش احبك بس اني اتخذت قرار واريدك توكف ويايه
الخال شنو قرارج
فاتن قبلت بابو هيثم
الخال متاكده
فاتن اي خالي وبدون ضغط
مسمعو الى هلاهل دخلت مرت خاله اي فرحينه بهيج اخبار تفتح النفس وره الريوك اخابرهم واني اعتبريني امج ارتب كل امورج فاتن ابتسمت بمراره بالعافيه عليكم المشتمل طلعت
زوجة الخال شوف شلون صلافه فوك مفرحانين اله تعيرنه كل هذا صوجك ناطيه عين
الخال والله صدك تاخذ شايب احسن من العيشه وياج تركه وطلع ٠
مرت الايام اجه ابو ميثم قبل العقد سلم فلوس المهر كامله الخال فاتن وعقد المشتمل سلم على فاتن وطلع
الخال فاتن تعالي خالي هذا محرج شنو يعجبج جهزي
زوجة الخال وهيه شمفهمه اني ارتبله الامور اخذت الفلوس وقفلت عليهن طلع الخال للشغل
زوجة خالها فاتن تعالي
فاتن اي مرت خالي جيت
زوجة الخال اسمعي فاتن ورانه كومه مصاريف اني ممحتاجه الذهب هايكلاده ومحبس وتراجي وحلقه صحموديلهن شويه قديم بس حلوات وهاي بدلات عرسي بس نغسلهن ونكويهن ونروح نجيبلج كم حاجه نجملهم لمت اله الجهاز من الكنتور وهيه راحت اشترت الجديد اخذت فلوس الصالون ضعف وكعدت هيه رتبته شكله ولا عروس فاتن ولا مهتمه التمو الكل مرت خاله كلشي جديد ذهب وهدوم وارقى صالون اجتي الزفه دخل ابو هيثم رغم بساطة شكله طالعه بدر ايه من الجمال تقرب منه رفع البرقع صلى على محمد وال محمد التفت كال الخاله ناخذ بس العروس لان راح اطلع للمطار كبل التفتت العلي الي يعاين وعيونه حمر من البجي حضنته حبيبي لاتبجي والله دموعك تموتني مسحت دموعه علي فاتن لاتتاخرين انتضرج التفت لابو ميثم عمو اختي امانه عندك شبعت ضيم دير بالك عليه
ابو ميثم مو تدلل باجر تجيك سياره اصعد ويه الولد صعد بس كتبك ومالك شغله
علي انشالله صعدت فاتن للسياره تعاين خوالها وعمامه الكل حاضره كل واحد سجل بحياته موقف مشين وصلت السياره المحل بي فساتين راقيه وبدلات اعراس كعد ابو ميثم ينتضر العاملات جهزوله اجمل واغلى الملابس اول مره بحياته تدخل هيج مكان كملو جهاز دخله مركز تجميل رتبوهه طلعت ملاك لبست فستان الزفاف تحجي ويه روحه عزه واني شجانو ملبسيني من شافه ابو ميثم شهك معقوله كل هالجمال الي اخذهالارقى فندق سويت فخم كعدت رغم دخل نوع من الفرح بقلبه لكنه مغصوبه كعد ابو ميثم كدامه
ابو ميثم فاتن اسمعي اني من طبيت شفتج حبيتج ومن حبي الج ردت اطلع واترك الخطبه لان عمري مو مناسب بس شفت ربعج بايعيج يعني لو غيري يدفع اكثر ينطو ايا كان اذا مقانعه بيه ابقي ويايه كم شهر لما اخوج يكمل دراسه واوضفه واطلكج بعد ما اامن على مستقبلج والج غرفه وحدج صفنت
فاتن والمقابل
ابو ميثم تضحكين وتنطيني ادويتي بوقته وتوكليني طبخ بيت واوعدج متشوفين مني الى كل خير من سمعت كلامه انقهرت عليه غريب وحست انه احسن من كل اقربائها تركه وطلع فرش بالهول كله بدلي وتعالي نتعشه راح كعد بالهول اقتربت منه اكو دمعه بعينه كعدت يمه
فاتن ابو ميثم كل السويته الخاطري شلتني من ضيم سكنتني قصر ودلال اني اعرف سالفة المشتمل
ابو ميثم جنت متاكد مراح ينطوج من المهر شي بس لاتنقهرين مهرج مضاعف من نرجع للبيت تستلمي وهالمره محد يتصرف بي غيرج حضنته كل هذا واعز نفسي عليك
ابو ميثم اني ممشتريج وماريد اغصبج على شي تبسمت بعد شريد حب ودلال وواحد يخاف عليه بقه بس العمر شسوي حضي احب شايب مرت ايام شهر العسل هذا الحصل ويه فاتن اما علي
جتي سياره علي اخذو القصر ابو ميثم دخلو بغرفه مليانه كل مايحبه الشباب ومكتبه للدراسه وملابس فاخره يوميه يودو للمدرسه ويرجعون ياخذو يلكي افخر الطعام ياكل وينام ويكعد يدرس
