one day can change everything.
يوُم واحد يمكن أن يغير كل شيء ♡.
🌟 احببت 🌟 نقيب 🌟
Aya mohammed للكاتبه ..
______
كرار .. طلعت واني كاره كلشي وطلعت من البصره كلها وظليت واكف على الفاصل يلي بين البصره وذي قار اتندت وحطيت راسي على الستيرن اتنهدت
بعد مالي طاقه لكل شي اصلا بالله يعني احس مخنوك خنكه مو طبيعيه ياربي ليش هيج ليش دايصير هيج
الخنكه تزيد كل دقيقه حتى كمت اشاهك من كد الخنكه ماقوت حتى نفس بعد مااسحب
صحت ياعلي بسرعه راحت
شهكت بقوه وغسلت وجهي ومرت اليله واني اهنا ونفس الشي
عند اية
اية .. من طلع ظليت ابجي ماسكتت ماادري ليش من اشوفه وجه يتغير يصير اسود وهيج شي انوب تلعب نفسي بشكل مو طبيعي يمكن اربع مرات تقيئت
المهم صار الصبح ساعه5 اذن الفجر ورحت اصلي وكملت هو دخل وجهه مو طبيعي تعبان ومبين منايم وجكاير بيده يشرب
ماحجه شي بس كبل دخل للحمام وطلع ولبست ملابسه دشداشه جوزي ولف الغترا السودا على راسه وخلا عطر وطلع بسرغه حتى بدون كلمه
طلعت وراه شفته ينزل الدرج ونزلت كمشت ايده وصد عليه وبعد ايده وراح كمل مشيته وطلع نزلت للبنات وسويت ريوك وكعدو الكل بس هو لا واكلو اني من كعدت كظيتها صافنه همين
خلصو الاكل وكمنا شلناه وعزلنا البيت وجنت داامسح السفره ودخت وكعت
جانت يمي رقيه تنضف الارضيه
وعاطت
رقيه .. عمههههه اية وكعت
واجوي وهمين مثل كل مره همين كعدت ظلت صافنه وتقيئت عمتي كالت مااتحمل بعد نوديها لشيخ وهيج شي
واتصلت على كرار
ام كرار .. كرار تعال للبيت
كرار .. ليش
ام كرار .. تعال ومعليك
كرار .. تمام جاي
رجعت للبيت
لكيتهم متحضرين استغربت بس امي كالت انروح للشيخ اخذتهم ورحت
جانت هي وعمتي وامي وعمي كاظم
ودخلنا للشيخ طلع امي وعمتي وعمي بقينا بس احنه
مدري شسوه وصاح امي وانطاها شي كال رشو بالغرفه
طلعنه وظلت هي
وطلعت وجهها اصفر
وصلنا للبيت وكالت النا اني انصدمت حيل والاضرب كاللها شخص قريب شون الضربه واجتي على راسي
مسوينا سحر فراق وكره وحقد
وفففف اتنهدت ورحت للغرفه وراها بس دخلت جان هدؤء لكيتها نايمه باوعت عليها واتنهدت خليت راسي على كتفها ونمت يمها واني حاضنها
وبعدين كمت
طلعت بره كعدت بالحديقه ادخن والولد اجوي يمي يصبرون بيه مااهتميت ظليت بس ساكت
احمد .. والله يااخي شاك بوحده اني
كرار .. منو؟
احمد .. تعرفها
كرار .. بس لا
احمد .. اي نعم هي
كرار .. شون
احمد .. وعيونك هي اذا ما تطلع هي وراه فلا اكون احمد
كرار .. شون اتاكد
احمد .. مثل انو االسحر تغلب عليك وكمت تكره وجود اية وشوف اذا ماكامت تتودد الك
كرار .. مستحيللل
احمد .. جرب ومراح تخسر
كرار .. اتنهدت
احمد . . عرفتها اني من ورا هدؤئها وضحكها ويه اية ومن اية خلتها تدخل للغرفه
كرار .. داخله للغرفه !!!!!!
احمد .. اي من جنت بالدوام ذيج الفتره
كرار .. اتنهدت وكمت بسرعه وصعدت للغرفه دورت الغرفه كلها حتى الكنتور دخلت للغرفه الاخيره مالت القرائه والكتب والمكتب مالتي هم دورت بي وبالمكتب لكيت علاكه سوده بيها شون التراب مدري شنو فتحت العلاكه موجوده صورتها وقطعه ملابسها يلي ذيج الفتره موتتني كل يوم ماهيه وينها اريدها وتراب مدري شنو بعد
رخيت راسي على الحايط ..دمعت عيوني .. ماماذين احد بحبنا وبعلاقتنا ليش همه دا ياذونا ليش حسبي الله ونعم الوكيل حسبي الله ونعم الوكيل ربي حساب كل من كان السبب
كمت طلعت من الغرفه نزلت ل امي جانت كاعده همه وعماتي ام حسام وام اية بس هذني حطيت العلاكه كدامه
أنت تقرأ
🌟احببت🌟 نقيب🌟
General Fictionعندما يلعب القدر دوره في تغير الاقدار من كراهيه لحب ماذا سيحدث وحين تنتقل حياتك من الحريه الى التعقيد واللتزامات ونظام غير نظامك السابق الذي كنت معتاد عليه وايضا اصوات قنابل ورصاص وقاذفات بجانب اذنك تتفجر واصدقائك او بالاحرى اخوانك الذين لم تنجبهم...
