🌟احببت🌟 نقيب🌟

part/28/

- Singing another taste of life.
____
للكاتبه .. Aya mohammed
🌟احببت🌟نقيب🌟
______/________/__________/

كرار .. بس قرارك اتخذته وراح تتندم علي وكول كرار مكال
حازم .. لارد
كرار .. اي حسام شون ابو الحسنين
حسام .. بخير
كرار .. ليش مجبته
حسام .. بويه يظل يبجي ف نام
كرار .. ها
المهم صار العشى وراحن يسون ظلينا نتعلل وصبو كعدنه ناكل

اية ..باوعت على السفره اكول ناسين شي ماجايبينه
اية .. همت لزهراء .. اكلج اكو شي ناقص خرب مااذكره
زهراء .. باوعت على السفره .. عزاا اي صدك الخضره واللبن
اية .. مو اكولناقص شي *كمت بسرعه همزين بعدني ما ماكله شي ركضت للمطبخ والكل يسئل شبيج*

اية .. جبت اللبن والخضره
اية .. وفف
كرار .. شبيج بويه؟!
اية .. نسيت هذني
كرار .. كل هل ركض عمودهن
اية .. اي طبعا شون يعني
كرار .. اكعدي لو واكعه من راكضه شنسوي
اية .. ميصير ميصير متعوده بالجامعة *بدون وعي*
ام اية .. شنو تركضين بالجامعه ولج
اية .. عضيت شفتي .. ها لا لالا
ام اية .. شوفي كم مره ناهيتج من هاي  السالفه ولج
اية .. لارد  وتباوع على كرار
كرار .. اباوعلها برود .. اي عمه احجي وياها شيبت راسي بالله حتى قبل لا تجون جنت اتعارك وياها عمود الليمون تاكل
ام اية .. عمه شسوي ماتوب من سوالفها
اية .. جدييي
الجد .. عوفوها بويه عوفوها هذا كله دلالكم
اية .. ردتك عون طلعتلي فرعون
كرار .. اية عدلي كلامج*بصياح وعصبيه*
الجد .. شبيك عوفها دا تشاقه
كرار .. لا جدي اذا شافت واحد ضحكلها تظل تجر
اية .. اسفه جدي بس اشاقه والله* بهضم ورحت للمطبخ اسوي جاي*
حسام .. ليش هيج شبيك انت
كرار .. لارد
حسام .. استغفرالله *كمت ورحت الها*
حسام .. ايوش
اية

مسحت دموعي بسرعه .. نعم حسام محتاج شي
حسام .. وففف تبجي تبجي الحلوه ليش يعمري خلاص لا تبجين تعرفين بي هيج حتى مره اني كلت لجدي بطران عاقبني 👌😂 هل الحقير هذا منعني من كلشي بس بعدين اصاحبنا *حجيته وحضنتها*"طبعا هسه دكولون شون احضنها ومايصير اية مثل اختي وصديقتي اصلا يعني فرق بينا بس سنتين او ثلاث سنين من الصغر اصدقاء الطفوله وجانت طلعاتنا ولعباتنه سوه حتى جنا نخبث سوه ف يعني عادي الكل يعرف انو احنه اصدقاء حتى مرات احضنها واشاقيها كدام رقيه عادي "
اية .. لارد بس حضنته
حسام .. يله بويه كافي يامه ويامه شبعنا صياح وضرب من وراه من جنتي بغداد انتي
اية .. اي
حسام .. يله اريد جاي من ايدج اليوم ماشربت احس راسي طك والله
اية .. ههه هسه اسويلك روح كمل عشى
حسام .. ماشي يا بطيخه
اية .. عساس مرتك مجانت سلحفاه
حسام .. ههه والله اثنينجن سلاحف
اية .. يله يل المعلم روح كمل
حسام .. ماشي يا مايكيل*سلاحف النينجا*
اية .. خايب دروح
حسام .. لا تحجين مثل حجينا احجي باللهجه البغداديه تموتين 👌😂 اكو شغله لو اكولها كرار يبطلج من الجامعه بالله
اية .. شنيه ولك
حسام .. اتصل بيج واكوللجياه خاف كرار يسمعنا
اية .. ماشي
حسام .. يله سوي باي
اية
. باي
كملت الجاي واجني البنات جايبات الصحون وديت الجاي لكيتهم يسولفون قدمتلهم الجاي وظلو يحجون واحنه نغسل اني غسلت نص الصحون بس عمتي كالت روحي لا تشتغلين
ورحت كعدت يم بيبي جانت كاعده يم الولد وتسولف كعدت يمها حضنتني ونمت بحضنها خليت راسي على رجليها ومقرفصه شون الجنين عليهم اسمع كلامهم وهي تلعب بكصيبتي لان جانت طالع من الشال