يله نبدي احبكم
جود
اكلنا و خلصنا و طلعنا اني و كرم اب سياره و امي و ابويه اب سياره طلعنا وطول الطريق مشغلين اغاني ونغني ونركص جنينا بل مختصر الى ان وصلنا ووواووو قصر هذا مو بيت يخبل وشفت كومه زلم واكفين يم الباب و نزلنا اني و كرم اني مسكت ايد كرم الصراحه خفت من هذول الخواريف كان اكو خواريف على صفحه و كلت
جود : لك شوف هذول الخواريف كروم حباب لا تعوف ايدي
كرم : يا حياتي لا تخافين اني يمج
ابوجود :هلا بويه شلونك وحضنه
الشيخ : هلا بيك ابني اني بخير بشوفتك انت شلونك
ابو جود : الحمدلله بخير
الشيخ : هلا بنتي شلونج
ام جود : هلابيك شيخ بخير انت شلونك
الشيخ : الحمدلله بخير هلا ابني معا عرفتنا عليك
كرم : هلا بيك شيخ اني كرم
الشيخ : هلا بيك ابني حجالي عنك محمد اكيد انتي جود بس اشبيج خايفه ترى ما ناكل حلوين
الكل : هههه
جود : لا جدوووو اني ما خايفه منكم خايف من هذول الخواريف شوف جدووو شلون يباوعون علي عااااا كرومي شوف شلون اجه يمي وحضنته
كرم : هههه حبي شبيج ما راح ياكلج شو تعاي وخلها ورى
الشيخ : ههه بويه وخرو هم شويه خلي اشوف حفيتي
شويه وخروهم و طلعت من ورى كرم
جود : هلوووو جدووو شلونك وحضنته
الشيخ : هلا بيج بخير بعد شوفتج انتي شلونج
جود : والله يا جدوووو قبل خمس دقايق كنت مو زينه بس هسه تمام
الكل : ههههه
كرم : بابا شفت جود تخاف اني الى هسه ما مصدك
ابو جود : اي والله يا ابني اني هم ما مصدك
الكل : هههه
جود : ها هيج بعتوني وبرطمت
كرم : يمه فديتج ولج اني ابيع العالم كله ما ابيعج وحضنها
جود : يا حياتي اني هم فديتك
ابو جود : ولك ومسك كرم من إذنه هيج بعتني بسرعه بس بسيطه
كرم : بابا حياتي اعرف اذا انت تزعل بسرعه ترضى بس جوجو اذا زعلت منا سنه ما ترضى ويمكن تقطني وما تخلي شي ما تسوي بعد بابا انت ادرى
الكل : هههه
الشيخ : يله فوتو جوه
الكل : صار شيخ
الشيخ : شباب ذبحو الذبايح
الشباب : صار شيخ
جود
فتنا وسلمت على كومه نسوان فتت شفت مره كبير بل عمر عرفت هيا بيبي
الشيخه : هلا بيكم نورتو
ام جود : النور نورج شيخه
جود : هلوووو بيبي شلونج وحضنته
الشيخه : هلا بيج اني بخير بعد شوفتج يالغاليه انتي شلونج
جود : بخير بيبي بس اريد ابدل اذا ممكن
الشيخه : اي كلبي لج ليان لج زهراء تعالو تعرفو على بت عمكم
ليان : هاي اني ليان بنت عمج الجبير
زهراء : هاي اني زهراء بت عمتج يسرى
جود : تشرفت و اني جود بت محمد عمج وخالج
ليان زهراء : تشرفنا
جود : الي الشرف بس اريد ابدل وين
ليان : يا كلبي تعالي بس وين ملابسج
جود : ياااا نسيتهم بل سياره يله هسه اطلع اكله ال كرومي يجيبهم
زهراء : ولج لا تطلعين والله ما يقبلون
جود : لا كلبي عادي بابي مايكول شي هسا اجي دقايق
طلعت وشفت واحد يمه يخبل ينكرط اشو هذا بس شافني كلب صار واحد ثاني بعد ما كان يضحك هسا عبس و كام يخزر بيه يمه متت هذا شبي بعدين صحت
جود : كرومي حبي تعال بس شويه
كرم : اييي جاي حياتي
🏃♂️🏃♂️🏃♂️
كرم : هااا حبي اكو شي
جود : اي شي كلش مهم
كرم : شبيج احد ضوجج اخاف مرضتي اذا دايخه اكعدي لج شبيج منو مضووجج احجي
جود : ياااا حياتي شبيك ستلمتني ماكو شي بس ردت الجنطه مال ملابس من السياره
كرم : اوووو جوجو والله خوفتيني
جود : حضنته فديت الي يخاف علي لك ويسئلوني ليش احبك
كرم : يا حياتي اني هم احبج يله فوتي لان هنا مو مثل بغداد ما يصير تطلعين شوفي الولد كلهم يخزرون بيج
جود : ايي والله حبي كلامك صح خلي افوت بس لا تنسى الجنطه اني بل مطبخ انتضرك
كرم : اي ماشي
احمد
طبعا بعد ما وصلو بيت عمي و شفت بنت عمي الصراحه كلش حلووو بس من شفتها شنو لابسه اتعصبت اكثير من شفتها شلون تتخبه ورى من تخاف اني هنا ردت اروح اموتها وبعدين كلمو يضحكون عليها وهيا برطمت طبعا تصرفاتها مثل الاطفال بس من شفته شلون يحضن بيها ويتغزل بيها كلش عصبت منه وردت ادفنه بس مسكت اعصابي وبعدين فاتووو شويه وطلعت اتكله كرومي وحبي اني النار شط بيه وهو راح وحجو شويه وبعدين جود حضنته اني تعصبت كلت شو هاي بس تحضن ما خلت احد ماحضنته وشفت الولد كلهم يباوعون عليها اوووف هااي اول يوم وهيج سوت بيه
.
.
.
.
.
.
.
.
.
.
.
.
.
.
.
.
.
وووو بس خلاص البارت انتضروني باجر انشاء الله بااااي احبكم
