قوارير لا تنكسر

بارت ١

يوم عشوائي من هالايام الروتينية
الفجر بعد الصلاة والشمس توهة تصبح على العالم والخلق
المكان كله هادئ اله غرفة وحدة
المنبه يدك ويدك ويدك بعلو صوته ونغمة افتراضية لجهاز كلكسي مزعجة نوعا ما
ويبقى الجهاز يدك ولو بيدة يصيح عليهن ويكعدهن وحدة وحدة
تكوم حور من البنات تطفي المنبه وتتولول شوية وترجع تنام
نوب من جديد يرجع يدك لان حظرتهة لميار توقته ٦٠ مرة باليوم
عاد تصيح حور بعلو صوتهة والله مليت منج ومن منباهتج لخاطر الحمزة دبطلي تنبهين
وترجع تنام ويرجع يدك وميار بسااابع نومة
عاد تقفلة حور وتنام مرتاحة😂😂
يكعدن ب٧ونص وهو الدوام ب٨ونص ومقررات يروحن للكلية بالباص الاول الي يطلع ب٨ وربع
عاد يخلصنهة ركض
ميار تكعد تصيح على حور
وحور تكعد تغني وتنطي اشعار
واميرة تكعد تشغل اغاني
وامنية تكعد مطنكرة هيه وكفشتهة
ويروحن ركض ركض
حور تحاول تلحك ع الباص الاول
بينما امنية واميرة يوكفن علة نفس المراية ويضحكن عليهة ويكولن مراح تلحكين
عاد تنزل حور للطابق الارضي علمود الباص
ويبدن امنية واميرة يعدن تنازل ١٠..٩...
الى ان يوصلن ١ يلكن حور وراهن والباص الاول عايفهة 😂😂
خو ميار تبدل اول وحدة وتكوي ملابسهة من ٣ الصبح ومتلحك عالباصين
شللووون ماعرف 🙄
عاد ينزلن للباص الثاني ركض وممكملات يدخلن للكلية لو ينطردن لو يعطفون عليهن الاستاذة ويدخلوهن للمحاضرة
...
كان يا ما كان في زمن مو بعيد من الان
اكو ٦ طالبات  نقيات مثل الذهب وكلوبهن لولو
عدهن اخطاء هواي بس بنفس الوقت عدهن انسانية جمعتهن الصدفة والقدر انو يكونن ويعيشن ببيت واحد الي هو القسم الداخلي ويوكفن مع بعض ويساندن بعض بكلشي
حور من الجنوب العقل المدبر للشلة والي ما يعجبهة العجب وبس تقلد وتعيب وتكره كلشي 😂😂 بس هيه شاعرة وكاتبة خواطر وراويات طولهة متر ونص بس هيه القائد مشيتهن بكيفهة 😁  وبيضة عيونهة جوزي طوخ بس خشمهة شوية مدبدب🙄
امنية من الوسط عقلانية بشكل متخلي عواطفها تتحكم بيهة طيبة وحبابة متوسطة الطول  حنطية وعيونهة جوزي فاتح ماعدهة مواهب😂😂
اميرة صاكة المجموعة
متوسطة الطول من الغربية عيونهة خضر وحنطية طيبة حيل حيل ومشاعرها جياشه وتسامح حته الكاتل احبابهة ورسامة
ميار من الوسط  دلوعة بس خواردة وكريمة بشكل وحبابة متوسطة الطول  وحنطية دلوعة بشكل وبس تتنعوص
ازل من الجنوب  عاطفية ومتفائلة زيادة عن اللزوم وحبابة تزعل بسرعة سمرة طويلة عيونهة كبار سود طوخ

هذولي كلهن درسو سادس اعدادي وطلعو معدلات حرجة يسموهة بوكتهم  وجان طموحهن طب فانقبلو بمعدلاتهم بمحافظة ساخنة ولمتهن الفرصة

ميار اول يوم جنت حيل ضايجة مالي خلك اي شي وتعبانة
وجنت كالبة خلقتي اجيت للقسم وي بابا وماما والمشرفة(مسؤؤولة الاقسام) خلتني بغرفة جبيرة بيهة ازل وحور جنت ضايجة منهن حيل وخايفة منهن لان جانن صديقات وانا مو وياهن الف فكرة وفكرة تجي ببالي وانا نايمة وحدي يمهن

حور
جان يوم صعب لحد ما عمري ١٨ سنة اول مرة ابات بمكان بعيد عن اهلي محافظة ساخنة ومحد من اهلي وياي بس صديقتي ازل اني وياهة نفس المحافظة ونفس المعدل والمدرسة
اجيت حته محد ضيفتني كليت بورك انا وازل حته بوكتهة نكسر الخاطر ورحنه نمنه😂😂
امنية انا جيت متاخرة صادف بوكتهة زيارة والطرق مسدودة اجيت اني وياي بنات ٢ ودخلت لكيت حور هيه بيدهة الغرفة عساس تتشاقة وياي وتكلي بعد مو ضيوف انتو كومو نضفو فد كرهتهة ودي اموتهة وانا روحي طالعة وهاي تريد تنضيف
اميرة اني اخر وحدة جيت للقسم جنت اجتماعية حيل وحبوني البنات وتاقلمت بسرعة وياهم
اني اهلي بالشمال بس كاعدة قسم لان همه مهجرين من صارت ضروف وداعش وهيج شي ....
يتبع