قوارير لا تنكسر

بارت ٣

امنية وميار وحور وازل واميرة ووياهم بعد ٥ بنات ياكلون سوة فالله يعين الي بيوم عليهة الطبخ بحيث تطبخ ل١٠ نفرات
وياما صارت مشاكل ع التنضيف والاكل يتفشكل هالكروب ويرجع ينلم يتفشكل ويرجع ينلم
جانن هذولة البنات عبالهن باقي البنات كلهن مثلهن حبابات وكلوبهن مثلهن
مرة من المرات طلعو البنات لمطعم مشهور جانت اول طلعة الهن ووحدهن اول مدخلن شكلهن يضحك
واول ما اجه الكرسون اميرة طلبت فلافل وهمه ما عدهم اصلا لان اكلاتهم راقية جدا
عاد طلبو كباب وكعدو ياكلون وشكلهن يضحك حيل لا نزاكة ولا بطيخ
وميار اله شوية تبجي من الفشلة لان طلعت وياهن 🙄

من خلصن كالن للعمو عمو خلينه باقي الاكل بعلاكة😂😂
والكرسون خرب ضحك
عاد اجرن سيارة وهنه ٥ وبالكوة كفت السيارة رجعن للقسم
وجان يحين الوقت لاول نزلة للبنات
امنية نزلت وفرحانة حيل بس مطولت بعد اسبوع ورجعت
وميار اصلا اول ما اجت ثاني يوم رجعت لاهلة منغلقة حيل على نفسهة
وازل وحور نزلو من بعد شهر ونص جانن فرحانات حيل
اما اميرة متكدر تنزل فكل فترة تروح لاقاربهة هيج شكم يوم وترجع
جانت الحياة عادية وكأي بنات عايشات سوة
بعدهم ممكتشفين حقيقة العالم بعدهم خام منتضرين الدنيا تعلمهم بدروسهة الصعبة
من كملو امتحانات وكان كلشي طبيعي والامور تحت السيطرة والمخفي مخفي بعده مطالع
استلمو النتائج
ازل وامنية وحور طلعو بدرس واحد ووياهم هواي بنات هميه من ضكم ال١٩ طالبة
اميرة وميار نجحو
جان شي محلو ابد
حور وامنية يبجن محد بحالهن
وازل فرحانة لان جانت متقرا وطاعت بواحد بس
الناجحات احتفلن وكمزن ووحدة تباوس الثانية ما اهتمن لمشاعر الراسبات ولا بمقدار ذرة
قررو امنية وحور يشددون دراستهم وينجحون حته يحصلون نقل لان المكان بعد ميرهملهم
ازل مكيفة وتبارك للناجحين ومتفائلة حيل تتخيل نفسهة راح تجتاز كل الامتحانات وعادي
اميرة قررت تعزم البنات على مشواي لان جان نجاحهة شبه معجزة لان اكو استاذ محقر ويه الطلاب جان استاذ شرير وحقير اكو نسخة منه بكل جامعة عربية جان يشرح شي والاسئلة شي ثاني
والي نجحو حالفهم الحظ لا اقل ولا اكثر
وميار فرحت بس قليل لان جانت تريد تقدير واجتهة درجاتهة مو هالكد..
يتبع