قوارير لا تنكسر

بارت ٢

صارت الضروف حته تجمع هذولي ال٥ بنات تحت سقف واحد
بالسنة الاولى جانن طالبات الاقسام عددهم ١٩ طالبة
من الشمال والوسط والجنوب والغربية العراق كله مصغر بهذا البيت
جان السكن متواضع جدا عبارة عن بيت ب٣ غرف كل غرفة بيهة ٨ طالبات
بحيث ماكو مجال للنوم
لان جانت اوقاتهن بالنوم تتفوات مثل وحدة تنام العصر او الضهر او الليل او وحدة الصبح وسالفة النوم والهوسة بالغرفة ياما تسببت بمشاكل لان اكو بيهن ما يحبن الضوة والهوسة مثل حور وميار واكو عسما تخليهن بالشمس وتصيح بأذنهن ما يتأثرن مثل امنية وازل 😂
حور جانت عدهة صديقة اسمهة فاطمة هاي فاطمة محبوبة الكل شكو بنية بالقسم تحبهة وتغار عليهة 🙄 شلون سالفة هاي
بداية الدوام جانت حور تقرا ويه فاطمة بالامتحانات اليومية ودرجاتهم حلوة الى ان مرة بالكيميا رسبن اثنينهن عاد حور اقترحت ينفصلون لان جاي يسختون بالقراية
جانن يخططن اكثر مما يقرن 😂 😂 ويطعلن بالشتا يكعدن بالحديقة علتراب واي بنية تمر تضحك عليهن تكللهن كاعدات بشط العرب
لان جانت الدنيا باردة كلش
وجانن يباوعن للقمر ويتخيلن اشياء ويعوفن الدراسة
فاطمة ما جانت مقتنعة بمخطط حور بس حور اصرت علساس تريد تنجح
بقت حور تقرا وحدهة وفاطمة راحت ويه وحدة من البنات
عاد من سلمو درجات الكيميا امتحان شهري طلعت راسبة وامنية هم راسبة عاد قررو يقرون سوة لان اثنينهم سريعات بالحفظ وما يسختن
ومن هنا بدت صداقتهم
ازل مخلصتهة جانت كلهة عالحاسبة ويكولولهة اقري تكوللهم ما انا فاهمة وراح اجاوب وفعلا تروح تجاوب وتنجح مما خله باقي البنات يحقدون عليهة كونهة ما تقرا وتنجح وهمه يقرون هواي
ميار تقرا قليل وتنعس وتروح تنام 😂 هيج حياتهة
مرة تريد تقنع ازل انو يقرن سوة
جانت بس تصيح عليهة ازل تقرا وكلبهة يم الحاسبة وتقرا كانما جابريهة
مرة من المرات ام ميار خابرت كالت الهة صحيح الدواعش راجعين؟
احنه مسمعنه بهيج خبر
عاد ميار وازل واجو يضحكون يمنه
وميار تكول وعادي يدخلون احنه نشرد لبغداد وازل تكول لا نبقى ونصير وياهم

اميرة ما عدهة صاحب صديق مصادقة بنات العالم هيج خوش وصف دقيق ما عدهة صديقة تضوج عليهة او متعلقة بيهة مستعدة تبدل وتصادق اي وحدة فجانت قرايتهة متنوعة ويه كل البنات