السلام عليكم ورحمه الله وبركاته
اهلا ازيكم عاملين ايه
نبدأ بالكتاب بتاع انهارده زى ما انتوا شايفين فوق سندريلا سيكريت
يعنى اسرار سندريلا الكتاب ده نوعه تنمية بشرية
انتباه ........ انتباه
الكتاب مش للبنات ده للبنات و الاولاد
هقولكم زي اختصار عنه هو بيجبلكم حياة الاميرات بعد الجواز لأن
اغلبنا شاف افلام الاميرات وهو/ي صغير/ة واعتقدنا أن الحياة زى
قصص الاميرات هي بقي الكاتبة في الكتاب بتورينا ازاى نعيش
احسن من الاميرات وازاي أن الاميرات عندهم مشاكل
مهم.......مهم.......مهم
الكتاب من أوله لاخره هتقع علي الأرض من كتر الضحك اللهم بلغت
اللهم فاشهد عشان محدش يلمنى لو مات من الضحك وكمان عشان
محدش يعتقد أن عشان بيحل مشاكل يبقي ممل و مزعج
وبالمناسبة يا ناس يا نساية محدش سأل عن اسم الكاتبه اسمها
هبة السواح مصرية عايشة في كندا
وبالمناسبة الكتاب ممكن تنزلوه pdf عادى وتقرأوه ولو حد ميعرفش
ازاي ينزل ممكن يبقي يسأل وقريب امتحانات الثانويه بتاعتى
تخلص وانزلكم أسامى كتب مفيدة وممتعة والي عنده أسامى كتب
حلوة يقول لأن صاحبتكم مدمنة قرأة وفي كتاب لكاتبه عربيه
هنزله المرة الي جايه الي يعرف يخمنه ليه عندى مكافئة
وهحط اسم الكاتبه كتلميح ام البنين
ياله سلام عليكم
