❤أسمي الناس بسمك وإنته ناسيني
وإعله گلمن يشبهك دمعت عيني ❤
.....
دخل على غرفتة ودخل بغرفه بنص غرفته بيها ملابسة واحذيتة وساعاتة وكل غراضة
سحب چاكيت اسود جلد وبنطرون كابوي وفانيلة بيضة لبسهن وجر ساعة سودة وحذاء اسود ولبس نضاراته الشمسية وجمع ملابسة بجنطة ليسافر حطها على صفحة طلع من البيت ركب سيارته الرياضية وطلع بيها متوجه عالشركه ليسلم الشغل لاحد لما يروح للعراق ويرجع
٠ بيت الشيخ صگر ٠
ليان: يلا حسام خل نروح ما ضل وقت
حسام: يلا
محمد: يلا الله وياكم و بالتوفيق ليان.
ليان: مشكور
طلع حسام وليان من البيت باتجاه السيارة
ليان : حسام عود مر على بيت نازك ناخذها ويانه ماكو احد بالبيت يوصلها
حسام
هي گالت نازك احس گلبي يريد يطلع من صدري ذكرت اسم البنت الي استحلت گلبي وعقلي وروحي وتفكيري شحچي لحچي عن حبي الها بس اني ماگدر اگللها عن حقيقة مشاعري لان اكو خوف بگلبي يجوز ترفضني وماتقبل بية هذا الهم الي مرافقني من عشگتها لليوم
ليان: الو وين صافن
حسام: ها.... لا مو شي بس چنت افكر بشغلة
ليان :شنو ما سمعت شگتلك مر على بيت نازك
حسام: ترى والله مو اطرش
ليان:لا حشاك من الطرش
حسام: لا تضل تمزقين
ليان: وانت لا تضل تنرفزني بتصرفاتك شبيك اكو شي اني ما اعرفة گول يجوز اگدر اساعدك
حسام
ليان بيدها تساعدني بمشكلتي اگللها وهي تتأكد اذا چانت راح تقبل نازك بية لو لا بس لا هاي تلوص كلشي خلي اني افكر والگة حل ثاني
ليان: لو بس اعرف شبي صافن لك بابا اصحى شنو شارب شي انت
حسام: انچبي لچ شنو شارب شي مابية شي الموضوع كلة انو الشيخ وكلني بشغلة ودفكر بيها
ليان : وشنو الشغلة الماخذة تفكيرك لدرجه انو ما تسمع شگول
حسام: ماخصچ انتي
ليان: مو صوچك صوچي اني الاريد اساعدك
حسام: مشكورا مو محتاج مساعدة
