فـقرات العنـايه مـع نبـوو 💅❤

نصـائح لشَـعرج 💇🔥

هـلاو عمـري..❤

قـبل لـا تقـرون البـارت اقـروا المـلاحظه الـ بالـوصـف حـته مـن هـسا متـصير مـشاكل ولـي عدهـه مـعلومات او تصـحيح للـكلام المنـشور يـاريت تـكول حتـه الكـل يـستفاد اوك حبايـب..؟ ♥

نـكول بسم الله ..💗🌚

#أول شـي تساقط_الشعر️

نـسبة جبـيرة مـن العـراقيين عدهـم تسـاقط بالشـعر فـ خـل نتـعرف بالبـداية عـن اسـبابة بعـدين نـعرف طـرق علاجـة 😐👍

🔴 اسـباب تسـاقط الـشعر

١_ فـقر الـدم
٢_ عدم ايصـال الـدم بشـكل كافـي للبصـيلات
٣_ نقـص فيـتامين D والزنـك وبعـض الـفيتامينات المهـمه
٤_ استـعمال اصبـاغ الشـعر والميـش وغـيرها
٥_ اسبـاب وراثيـة واخـرى هرمونـية ..

🔴 طرق العلاج

١_ الرياضة كلش مهمه لكل الجسم مو بس للشعر ف الالتزام بالرياضة #يومية حتلو بالبيت هاي التمارين البيتية حتى تتسرع الدورة الدموية ويوصل الدم لاخر بصيلة من الشعر
٢_ اللي عدهم نقص من الزنك والفيتامينات ف تجيبوها من الصيدلية وتاخذوها على شكل كبسول
٣_ الامتناع من المشروبات_الغازية والشرابت المعلبة بشكل تام والتقليل من الاكل الغير صحي ( التمن والثريد والتشريب ) والاكثار من الفواكة لان كلش تفيد الجسم
٤_ اللي عندة امكانية يسوي جلسات بلازما ف كلش مفيدة للشعر
٥_ الثوم وزيت الحية الباكستاني الاصلي كلش مفيد

🔴 ملاحظات

1_ لتمشطون شعركم وهوه مبلل خلو ينشف شويه ومشطو
2_ الحنه والصبغ ترة نفس الشي وكلها تأذي الشعر وعبارة عن اصباغ ف لتضلن تصبغن يومية 😒
3_ لتشدون شعركم بشكل قوي خلو على راحته
4_ لتستخدمون الشسوار وهو حار كلش حاولو تقللون الحرارة حتلو تطولون بالتمشيط ميخالف
5_ من تغسلون الشعر بالشتاء لتغسلو بمي حار وبالصيف لتغسلو بمي كلش بارد خلو المي طبيعي بكل وقت
6-من تبدون تمشطون ابدو من الاطراف بعدين صعدو لفوك لان من تبدون من فوك والشعر معكد راح ينجر حيل ويتلف البصيلات ويأدي للتساقط

#نصائح_لشعرج 💇💜️

شعرج متقصف من جوه بس حطيله فازلين اربع ساعات وخلص

_______________________________

شعرج ميطول وخفيف بصله خلطيها وصفيها واخذي مايها وزعي على فروه راسج واذا عندج مناطق بيها قله شعر بفص ثوم فركي كل جمعه سوي هاي الخطوه لمده ٥ ساعات وغسلي وغسلي شعرج بنسكافيه علمود الريحه اذا مراحت ..

_______________________________

شعرج مبي لمعه السبب ماء الي تغسلي بي مو نقي ومالح اخذي وياج بطل ماء شرب وغسلي بي من تخلصين وراح تلاحظين المعه

_______________________________

ضعيف ويساقط مجرد بخاخ خل تفاح رشي على فروه راسج ومراح يساقط ولتجففي وهوا مبلل اكبر مسببات التساقط تركي يجف شوي تالي مشطي وسوي ماسك البيضه مره بالاسبوع حتى يتغذه لان غني بالبروتين
________________________________

استخدمي حمام زيت للشعرج وسيروم يطي لمعه ويغذي وينعم ومجموعه من شامبو وبلسم وبديل زيت نوعيه تناسب شعرج مو اي مجموعه

تقصف الشعر..🤭💔

وشلون تتخلص منه فـ جهزت هذا الموضوع واتمنى كل اللي عدها استفسار تقرإه وتتطلع عليه وتستفاد ..

          علاج تقصف وتلف الشعر

من اكثر المشاكل اللي يتعرض الها الشعر هو تقصف الشعر وتلفها وحتى نقدر نعالج المشكله لابد من معرفه الاسباب والابتعاد عنها او على الاقل التقليل منها :

اسباب تقصف وتلف الشعر :

1⃣ جفاف الشعر من اكثر الاسباب اللي تؤدي الى ضعف وتلف الشعره وخصوصا الشعر الطويل فكلما تكون الشعره اطول يقل وصول الترطيب للاطراف .

2⃣ نقص التغذيه الجيده من فيتامينات ومعادن وغيرها وهالشي اله دور كبير في كثافه وصحه الشعر .

3⃣ الاهمال في العنايه بالشعر وكثره عمل صبغات للشعر اللي تضر بالشعر بشكل قوي ، بالاضافه الى المبالغه في استخدام المصففات الحراريه .

معالجه الشعر التالف :

تبدين بعمل جدول خاص بشعرج ويكون جدول عنايه مكثف يكون باستخدام زيوت طبيعيه قبل الاستحمام "مثل زيت جوز الهند " او عمل ماسكات قبل غسل الشعر "مثل ماسك البابايا ، او ماسك الافوكادو ، او ماسك العسل".

اثناء الاستحمام استخدام شامبوهات يفضل تكون خاليه من السيلكون الباربين والفوسفات يفضل شامبوهات عضويه .

استخدام زيت حمام مثل "بانويل" وبعد الانتهاء من الاستحمام يفضل ترطيب الشعر بسيروم ترطيب عالي مثل ( سيروم زيت الحيه ، او زيت الارقان ، او زيت الجوجوبا )

الحرص من فتره لفتره قص الاطراف  جزء صغير مو شرط تقصي كثير لو قدر انمله المهم ان تهتمي بهالنقطه 👌🏼.

-----+++++++------

لـهنا وخـلصنه اول بـارت ادري طـويل بـس حـاولت انـشر اكـثر مـعلومات مـفيده ، بـعد مـوجود معـلومات هـواي بـس كـلت اخـليهه عالـبارت الثـاني..👍

بـالنـسبه للنـشر راح انـشر بكـل وكـت فـراغ وراح ابـدي بـسره من الشـعر للـوجه ...الـخ

أي وحـده عدهـه طلـب او شـي تكـدر تحـجي اهنـا او خـاص ..🌚❤

لـوڤ يـو ومـااوصيـكم بالـتفـاعل 🤤💕

بيباي 💙