تمشي بزربة و خايفة صوت الرعد و الشتاء☁❄⚡ فعز اكتوبر. يمشي وراها و يقول متحلبيناش؟؟ و هي تسرع و دموعها يهبوط و حدهم.... اسناوووو اسناوووو عمبالي ماكومش فاهمين والو. قبل يوم : نضت صباح 7:00 رايحة نجري لفاك راح يبداو الاختبارات على سمانة. اهه نسيت معرفتكمش على روحي انا صونيا عمري 20سنة . عينيا نوازات و سمره و شعري خليط بين الاسود و البني معمرة مليح فصدري و عندي اللور يعني لاطاي تاعي شابة نقرا 1 جامعي حقوق منحبش نخالط الدراري و معنديش صحابات و حلمي اني ننجح فقرايتي و نعيش قصة حب حقيقية مع شخص انحبو عايشة مع ماما مليكة و هي بزاف عاقلة و شخصيتها ضعيفة شوية و بابا سليمان وليد عم ماما و بنفس الوقت راجلها مزير بزاف واعر بزاف عندو عقلية تاع بكري في بالو المرة لازم تقعد فدار و متخرجش و عيب لوكان تقرا و دير صحابات. عليها ماما ضعيفة و تخاف منو بزاف . اختي ملاك متزوجة و ختي صغيرة نور 8 سنوات.
لبست هكا .
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
لحقت و جوزت نهار كامل و انا من الكور لتيدي. كي خرجت على 5:00 و انا خارجا خبطت في واحد ماشي بلعاني. انا. اه سمحلي و الله ماشفتك. سماح انا لي مشفتكش. .... قعدنا ساكتين واحد باهت في لوخر اومبعد فطنا على روحنا 😂 هو : اه المهم اه.. ايه.سمحلي باي. انا :... 😍ياربي خلاص هو راح و انا باهت فيه و الله بزاف يهبل فطنت على روحي و جيت رايحة الشعرة و الكوس جا رايح 😂. رد لحقت لدار نسيت كامل وش صرا. عاونت ماما بلعشا و كي تلمينا فوق طابلة و بابا قلب وجهو كي شافني و انا منحبش ندارب معاه. حتى نطق. بابا. رانا اكتوبر و اختباراتك قربو تكملي اختبار الاخير متزيديش تروحي. تبلوكي العام و تحبي نهائيا. انا لتم جاني صدمة مام كان عمبالي بلي راح حاب يحبني ملقرايا مضنيتش دوك حسبتلي كي يخلص العام و قلت نيبس راسي و نقنعو. انا : بابا راك منيتك؟ ولا.؟ . مفهم.. مفهمتش؟ بابا : (خبط الطابلة) . راكي حابا واقيل تهبطيلي راسي قدام الناس. قولي راكي حابا يقولو بنت السليمان بنت الزنق. انا (نودت بديت نعيط) هادي ماشي عيب راني نقرا باش ندمن مستقبل مليح. بابا. تعيطي عليا ربك. ماما : لالا ماهيش تعيط انا. بركاي متبرري ماما. بابا. ربك باش ديري مستقبل مليح لازم ديري دار و راجلك هو لي يسترك. انا. نتا متخلف انا برك حبيت نحقق الحلم التاعي. بلا نفيق لقيت بابا دربني كف و رعفت و بدا يدرب فيا ماما تبكي و تحبس فيه و نور تبكي كي شفتها تبكي نور انا بقيت نقول سمحلي سمحلي مبعد طلقنيو قلب الطابلة وقال. إيدا راكي حابا نولي طحان نقسملك بربي غير تندمي على نهار لي حليتي فيه عينيك. بديت نبكي على زهري و روحت لبيتي جات ليا نور قاتلي. مام انا كي نكبر بابا يديرلي هكدا . اجتني الدمعة عنقتها و رقدنا.
