عند صونيا: ندت لقيت عينيا منفخين و حمورا شفت روحي فلمراياة تخلعت روحت دوشت خففت على روحي .نشوف روحي فلمراياة و الما يطيح على لحمي الزرق نبكي بسكات و نحك فلحمي مليييح و نتفكر كي كان رامي يضرب فيا و يجوز يديه و يمس فيا . خرجت ماكليت ماولو .
________________________________
علابالي كو حابين تعرفو كيفاه عامل رامي هبلتو عليه 😂 هو طويل وحد 1.80 عريض لي ميسكل يعني طول و عرض عمرو 25 . شعرو بنى فاتح م عينيه خضورة و زروقا يعني خلاوني نحكي خلوني نبكي😂 ________________________________ جازت سمانة منخرجش مبيتي ولا برا الناس كامل عرفو بابا و ماما كي يخرجو يسمعو غير مالايرضيهم كاين لي يقولو زنات كاين لي يقولو تخدم هاد لاعفاييس من بكري و كاين لي يقولو مسكينة خلاص انا فشلت ليساغن و شحوب وجهي ضعفت فسمانة وحدة نقصت 10 كيلو
ليوم قررت تبدل و نتجاوز كامل وش يقولو الناس بلي يقول زانية و لي يقول مغتصبة معلابالي بحتى عربي خرجت من بيتي و حتى لدك باش شفت بابا و بدا يرمي فلكلام و يعيط دوك يقولو بلي هكا و هكا قلبي برد نسمع كلام منحطوش كامل فراسي علابالي بلي تقولو ماشكيتو و مادرتو لابوليس لاوالو خرجت لبسك هكا
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
خرجت وناس كامل يخزرو قلبي وجعني كي نسمع يهدرو فلهداري الغالطين. مشيت فكامل لبلايص حتى جاتني نروح للبلاصة لي خسرت فيها حياتي و شرفي. روحت لهاديك الدار معلابالي ايدا دار رامي ولا دار هكاك برك تفكرت شوية الطريق منكدبش عليكم قعدلي في بالي و حبيت نشوفو و فنفس الوقت حبيت نعرف دا راهو فتأنيب ضمير ولا كلي ماصار والو . تقربت لدار و شفتو قاعد على درجة قدام الباب باسكو فيلا صغيرة يعني دار فالارض حسيت حاجا جامي حسيتها مشاعري تخلطو كره إعجاب. كان لابس سبوغتيف. عند رامي :جازت سمانة و دايمن نتفكر وش درت قد مسويت نعرف اسمها مقدرتش بصح علابالي بلي ماراهيش في راحة كل مانشوف لمطرح نتفكر صوتها و عياطها قلبي ڨراف يوجعني. عند صونيا : كنت حابا نروح بصح قلبي مخلانيش لوكان نلقا نقتلو نكرهو نكرهووو . انا جيت مولية لللور و هو دور راسو طاحت عيني فعينو انا غير هربت نجري جا موراي و يقولي :اسناي اسناي . و لحق بيا و جبدني ليه حتى لسقت فيه و حسيت نفسو سخون في وجهو انا وليت حمرا و قلبي وليت نسمع كيفاه يخبط و تاع الصح انا كي نخاف و لا نحشم نوبي حمرا و قلبي يولي يخبط و نحس بصوتو. انا: بعدني (وطبعتو.) رامي : و الله حوست عليك الدنيا متهربيش حبيت نفهمك وش صرالي هاداك النهار. انا :باينا وش صرا نتا سرقتلي حياتي هادي هيا. رامي : صحابي لعبوهالي. ... . .. انا: ييياه و قالولك تاني روح أغتاصب هاديك لي قستها فلافاك. رامي : دارولي لادروڨ فلما و ماوليتش صاحي. انا :يرحم في باباك روح نتا نسيت كامل وش صرا ديجا شوف البسة التاعك طونوبيلتك دارك تقول بلي ساهلة نغريها و تسامحني. ههه واقل حسبتلك امنت. انا روحت و هو جبدني قالي: سمحيلي وانا قوتلو: نحييي يدك و بالاك تزيد ديرها 2 خطوات باراكات. فهديك الدقيقة يماه خرجت عيطتلو و ما جاوبش عرفت راه برا. عيطتلو رامي و شافتني عرفت بلي انا هي الطفلة لي غتاصبها . وجات مالقاتش وش تقولي دمعو عينيها و حطت فمها على يدها و راحت . انا جيت رايحة و قالي رامي:اسناي. قولي اسمك برك. انا : وش دخلك. رامي: علاش راكي ديري هكا مفهمتش. انا : تمسخر بيا واقيل تغتاصبني و تقولي علاش تسنا نبوسلك راسك. رامي :انا رامي. انا : عمبالي 😑. خزر فيا وراح. كي بعد شوية قوتلو: صونيا . دار مخلوع و تبسم تبسيمة حلوة. انا شديت الدحكة و رحت. لحقت لدار بابا خلاص ماراهوش سامع و ميهدرش معايا خلاص . يما قلبها محروق. لحمي راحلو هاداك لزرق و قرايتي حبستها يعني ني راجل ني قراية ني جد اماليا . المهم قررت ندير ستاج تاع ڨاطو ولا اي حاجة نشد بيها اليد .
