تكبرت عليه وعندما أحببته وتعلقت بيه رحل

تندمت مدى حياتي

هلو اني هند
من الموصل عمري٢٢ سنه حلوة عيوني خضر وبيضه طولي زين تركمانيه 😍
عائلتي متكونه من امي وابوي واختي اصغر مني واخوي ٦سنوات عمره
من عمري ١١سنه جنت احب ابن خالتي يكبرني ١٠سنوات هو حلو يشبه لممثل لهندي شاهد كابور
جنت احبه كولش

بابا مدرس بسنجار
وامي ربة منزل
واختي بلرابع ابتدائي واخوي بلاول ابتدائي جانت حياتنا طيبه عايشين سوا بابا جان بغير محافظه يداوم جنه نخلص دوام واذا ما اجى انروح لبيت جدي وياخالاتي جنت افرح هواي لان دشوف لحب مالي 😍🤗

اجى يوم ورحنا على بيت جدي هو جان موجود
اسمه مرتضى نسيت اكول اسمه 😁
خالتي ام مرتضى تباوع عليا وتضحك وهو يعضلي بشفته ويحجي مخلي رأسه على رجل امه ويكللها يمه شوكت تخطبيلي ويباوع عليا😊

اجيت اطلع من لغرفه سمعت امي تصيحني طلعت اركض عليها شفت اخويا وكع ورأسه انفتح وهدومه دم يعني اذا هو نار يشتعل شسويله اني امي كتلتني كدامهم 😢شكد خجلت طلعت فوك ابجي دطب للغرفة شفت البنات خالاتي كلهم كلت اذا راح اطب راح يضحكون عليا كعدت ابجي علدرج 😭
اجى كعد يمي كلي لا تبجين مصار شي هيه مجرد خافت على اخوج مسح دموعي ابيديه ونزل واني سويت هيج😮
نزلنا اني ولبنات سوينا عشى وغسلنا ونظفنا صعدنا نمنا كعدت لصبح الشمس السطح سطلتني بس اني نايمه وهو شويا بعيد عني كمت رحت يمه 🙂فدوة شكد حلو نايم 😥اخذت ريشه مال طيور كمت مشيتها على وجهه خشمه رجليه كعد سحبني عليه وحظني واني مثل هذا 😮مامصدكه
مرتضى وتالي وياج متخليني انام يعني حفظتها لسوالفج ☺
هند ردت بس اكعدك لحتى الم لفراش
مرتضى اي هو ضل عليا شوفي لكاع مليانه جيتي تركضين عليا
هند 🤗 اتركني لاحد يجي
مرتضى كايم 😏

هند لميت لفرش وكملت ونزلت
مرتضى تعاي هنوده اتريكي وياي
هند😐
ام هند وجع شبيج امشي تزقنبي دنروح
هند اي يمه رايحه😣
رحت يمه ضحك كعدت اكل ماكدرت اول مرة اكعد ويااحد اكل وشون واحد احبه موت اكلت شويه
وسحبت نفسي لزم ايدي 😮
مرتضى كملي اكلج هند
هند شبعت والله دكوم اغسل واروح
مرتضى شبيها امج وياج ليش هيج تعاملج
هند😢خجلت منه كتله معرف يمكن لان تأخرنا
كمت بدلت ورحنا علبيتنا وصار لدوام تعرفت علبنيه تخبل اسمها بسمه حلوة كولش وطيبوبه حبيتها كعدت يمي وحجيتلهاكلشي عني ونصحتني وبلصدفه بيتها يم بيتي تطلع بس اني قبل بيتهم بفرع جانت تجي عليا انتظرها انروح ونرجع سواصارت وياروحي اجى يوم الخميس ابويا هم مراح يجي امي كالت راح انروح لبيت جدتكم اوووف اشبع بهادل هناك امي تتغير 180°
كالعادة لكل هناك خالاتي ولحب طبعا
صديقتي سومه كالت ابتعد عنه لحتى أعرفه يحبني لو لا
فعلا جان ليوم كله شغل ونسيته لان بنت خالتي خطبها خالي لابنه ولبسو حلقات حجزها يعني لابنه سوولهم حفله لبنات على كدهم همه يركصون ويهوسون ولديجي عالي واني امي تكلي تعاي طلعي علسطح نشري لهدوم اوف منج يمه لا ترحم ولاتخلي رحمه الله تنزل