تكبرت عليه وعندما أحببته وتعلقت بيه رحل

البارت ٢

جنا كاعدين بيت جدي وعيون الكل على جني  مسويه شي غلط اندك الباب

طلع مرتضى فتحه ابويا اجى 😲
سلمو عليه كلهم
ابو مرتضى ابو هند شلونك شخبارك ليش مادنشوفك
ابو هند هلا وغلا والله مشغول بلدوام تدري انت وضعي

ابو مرتضى معذور ابو هند بس طالبك واتمنى توافق
ابو هند والله يا ابو مرتضى انتو أهل واحسن منكم مانلكي اذا علمود لخطبه هيانها يمكم وانتو اسالوها

هند😑هذا بابا معقوله
مرتضى كام ركض باس بابا من رأسه وكله والله  احبها واهتم بيها ولايام تكشف

ابو هند روح أسألها اذا وافقت خليها يمكم بعد هيه بنتكم

هند باوعت على مرتضى فرحانه والفرحه تارسه دنيته همه ديحجون واني شردت اصفن بيه تخايلته اجى عليا ديبوسني كبل صيحت صوت لا مرتضى 😖😫😓🙁

باوعت لكل صافن وهو واكف
ابو هند سمعتو ردها من سألها وكالت لكم لا عدكم بعد شي

هند باوعت لمرتضى ادموعه تجري 😭😢ياربي اني شسويت 😓😖😢

طلعنا وهمه كلهم ساكتين مرتضى عيوني مشافته بعد

ام هند شبيج ولج شصار لج تخبلتي
هند يمه تخايلت غير شي والله صرت جني بغير عالم 😭

طبعا امي من عرفت ابن اختها يحبني تغير أسلوبها وياي مدري ليش جنت اعتقد لان ابن اختها الجبيرة

يحبني ما عرفت السبب كعدت حظنتني وتبجي وياي كالت دروح اخابرهم وارد الهم جوابج

يمه وين رايحه وبابا شتكليله
ام هند ماعليج بيه اني أقنعه

هند بجيت هواي لحد مانمت كعدت لكل عدنا اجت امي كالت بدلي وغسلي وانزلي

فرحت هواي لبست فستان ماروني ورفعت شعري ونزلت ماخليت مكياج لان اني اخبل بدونه 😍🤗فديتني

نزلت جان الكل فرحان بينا ولبسناحلقات ومرتضى عيونه تحجي من فرحته

بعدها اجى لدوام والتهيت بقينا على اتصال اني ومرتضى ولكل جان حاسدنا

مراسبوع على حفله الحلقات مالنا ومرتضى لو طلبت منه روحه ديقدملي ياها واني جنت اكابر واتحجج

جان كل همه اكله احبك 😢
صار لنا ٩ايام احنا سوا كلت كافي راح اعترفله اني احبه من زمان بس جنت اكابر عليه

اتصلت عليه مجاوب 😕
هو جان ٢٤ ساعه يخابرني بس مدري حسيت اكو شي بهل يوم مو طبيعي ضليت اتصل عليه هو ماكو

ضل بالي عليه مانمت واني الوب روحي مدري شبيها تريده حسيت جنه صاير بيه شي صار الصبح واني اتصل

كعدت امي شافتني كالت لي شبيج كتلها يمه مرتضى ماكو صارلي من لبارحه اني اتصل عليه

خبريه اختج وساليها ابنها وينه امي ادموعهانزلت بس ما عرفت شنو السبب

اجت أمي  كالت لي ما تدري ابنها وينه
كتلها هايمه شفتي ابن اختج شسوه بيا اني عنده مثل اي وحده يخابرهاشويا ويتركها

هيه كعدت تبجي عبالي دتبجي على حظي
روحي تلوب اريد اعرف شي عنه وينه هو

بيه شي صاير وياه شي بطل يحبني نساني
معقوله غروري وتكبري عليه خلاه يحب غيري  بقيت كاعده يومين انتضره

جنت كاعده ابجي بل٣ونص اتصل عليه بلبدايه كلت مجاوبه بس روحي  ردت لي من شفته يتصل جاوبته وكلي 
الو

الو وينك انت صارلي يومين اني اخابرك مجاوب ليش نسيتي لكيت غيري

حبيتها بعدين كلي اكلت شربت انت وين نايم لو بعدك بعدين شكعدك بهل ليل لو جنت تخابر ويا ست الحسن

بعدين امي خبرت امك وكالت لها ما تدري انت وين

هند اسكتي وسمعيني

لا مااسكت وين جنت كلي ويامنو

هند اسكتي واسمعي انطيني مجال احجي نزلتي بيا حدرة سكتي شويا دفهمج وين جنت بعدين شنو هل خرابيط حبيت غيرج مجنونه انتي روحي انتي اشلون أتخلى عنج واحب غيرج بهل سهوله بلموت يلا صرتي الي دحب غيرج

هند طبعا يحجي بتعب واحلى شي من صيح عليا وسكتني حسسني بلامان بكلامه بس مدري اكو شي كلبي دياذيني

كتله احبك مرتضى فدوة لا تتركني وتغيب والله متت لا اكل ولا نوم وبالي يودي ويجيب

كلي اويلااااااااااااخ والله جان كل همي اسمعها يروحي والله احبج رجع كلي صليتي كتله اي كلي اسد لاتصال وتكومين تاكلين وتنامين

كتله لا كلي وين جنت

كال جنت يم صديقي مسوي عمليه وجهازي نسيته
☺🙂كتله اي لا تغيب عني بعد

كال هنوده تعاي نسوي تحدي ماخذهايضحك كتله

شنو هو كلي ٣ايام لا اخابرج ولا تخابريني ولا رساله ولاشي دشوف منو يحب الثاني اكثر  عجبني الموضوع كتله اي حتى ما فكرت لمده ٣ ايام فقط

ردت اشوفه يحبني صدوك وشكدحبه الي
مرت ل٣ايام واني عيوني علموبايل اكول شويه ويتصل او يدزلي رساله اشتاقيتله اطلع رقمه دخابره وارجع اسده

كلت ويا نفسي اني شكد ثوله اشلون وافقت على هل تحدي
ليله الي صار لنا ٣ ايام مامتحاجين قررت اني اخابره

اتصل اتصل اتصل اكثر من ١٠ مرات او اكثر ماكو رد
وامي بس تبجي

كلت يمكن بعد يم صديقه 😕
رجعت اتصل هو ماكو رحت لامي كتلها يوم باجر انروح بيت جدو اريد اشوف مرتضى شبيه

هزت رأسها وهيه تبجي ودتسبح وكدامها لقران
اول مره اشوفها هيج

كعدت حتى مارحت علدوام فرحانه دروح اشوفه واعترفله بكل شي

بدلت وترتبت كتلها لامي يلا يوم تأخرنا امي كالت اكلي بلاول كتلها لا امشي يلا

وصلنا بيتهم امي لبست عباتها لسودة ماهتميت الها
نزلت من لسيارة 😢😲😭😦 انصدمت بيتهم

انتظرونا بجزء لاخير ان شاءالله تعجبكم
A__B___A2000