.... عينيها لمعو بالفرحة و الضحكة مسيطرة على ملامحها رموشها كيرفرفو و يديها كيترعدو خدودها سيطرات عليهم الحمرة شعرها كيطير مع البرد و عقلها كذلك .
قربات ليه و نفسو سخونة قريبة لوجهها حطات إديها على قلبو و خدى قلبها السيطرة في التكلم جوهرة:ههه انا ماشي بغيتك انا عشقتك وصلت لمرحلة الهوس صورتك في بالي و افكاري كيتمحورو غير عليك أحلامي تبناو على ودك تفاصيلك جبذوني ليك ... رجولتك المسيطرة...غرورك و كبريائك الشرقي....ملامحك الرجالية الطفولية في نفس الوقت ...أفكارك سبسيال لي كتبززها عليا...عينيك الغامضة لي كنتيه فيها...إختلافك عن بني جنسك .....عالمك الخاص...شفايفك...خصلات شعرك الأشقر لي كيشبه لشمس الخريف..انت نهاري الخيالي...عشقتك أ مغروري. قرب وجهو لوجهها وعينيه كيشوفو فيها غير هي طبع قبلتو الاولى لي كتعبر على مدى صدقو و حبو عشقو لهاد المتمردة الوقحة... بادلتو لقبلة و هي بدورها كتوصل ليه فكرة انه ديالها بوحدها.
^^^نهاية فلاش باك^^^
حطات راسها على النافدة و الدموع نزلو كيف العادة القوة و التمرد ولات ضعف.... الأنوثة تبخرات بحال شي سجارة محترقة حرقها حبها و طعنها طعنة ما كانتش على البال و بحال أي إمرأة حساسة حنونة مسيطرين عليها أحاسيسها غادي يرجع و غادي تسامح ليه حيت الانثى تتعلق بكل ما يسبب لها الألم . ناضت من كرسيها المهترء و مشات كتجر في رجليها لملذها الوحيد لي هو النوم كتحاول توقف السيناريو ديال الماضي الى أن هنا اللاوعي بغاها ترجع لشراستها القديمة حطات راسها على المخدة و غمضات عينيها .
^^^فلاش باك^^^
إديها في إديه و كيتمشاو و ما ممصوقينش لنظرة الناس لي كتختارق أجسامهم عينيهم كيلمعو بالفرحة و كيعبرو على أحاسيسهم . جوهرة: دابا علاش المرأة ما خصهاش تخدم اش هاد التناقد نتوما حلال عليكم و حنا لا. سعد: ههه بدينا تاني في سلسلة المهاجمات و الحرب الباردة
جوهرة: بطبيعة الحال هاد شي لي مطيحك فيا .
سعد: ههه اوك اوك جوهرة: يا الله جاوب سعد:من وجهة النظر ديالي و كأي رجل شرقي و كنعود نسطر على هاد جوج كلمات لخرين ما نبغيش مرآتي يتحكم فيها شي راجل من غيري انا مع أن الأنثى تحقق أحلامها و لكن باش يجي شي واحد آخر يحل ليا فومو على مراتي ما نرضاش و من ناحية المنطق ما يمكنش للمرأة توازن بين الخدمة و تربية الأولاد و الدار غادي تهمل ولدها و غادي يطلع جيل ناقص من بزاف ديال النواحي بحال نقص في الحنان و التربية ما ماموزناش عاد غادي تهمل راجالها .
كلماتو كيتعودو في مسامعها و كتحلل فيهم جوهرة: هضرتك صحيحة قنعتيني ولكن بعض الرجال ديال هاد الزمان كيعتابور المرأة بحال شي مكينة تربي دراري ..دار تكون نقية...تهتم براجلها...طيب و تجمع ....كل شي بالوقت ...تهتم بكلشي و لكن هي شكون لغادي يهتم بيها شكون لغادي يهتم لأحلامها لي تخلات عليهم . سعد:هانتي بديتي كتعممي...كاين اختلاف بين كل شخص في هاد الكون ذكر و لا أنثى ماشي كلشي بحال بحال كل واحد و عقليتو و كل واحد و المحيط لي ترعرع فيه و الظروف لي مر منها عاد شخصيتو و تأنيب ضميرو.
جوهرة:وي عارفة هاد شي كامل و لكن بعد المرات من مورا الزواج لعقليات كتغير و كيتحول لشخص لا علاقة بالأول أما كينضج و كيولي شخص عاقل و لا كيولي شهوتو متحكمة فيه
. سعد: نقدرو نعتابرو هضرتك شيء ما صحيحة و لكن زواج ما شي بضرورة هو لي كيغير الشخص كاين بزاف ديال العوامل اخرى. جوهرة:بدل هاد الموضوع ندمت لاش سولتك.
سعد:ماكلت والو انا شافت فيه و عقدات حجبانها و هو كيضحك بقات مخرجة فيه عينيها باش يسكت و لكن هو ما كينش هنا هزات رجليها و خبطاتها حتى دار شافت فيه و هزات كسوتها و سبقاتو.
بقى واقف مصدوم و عينيه خارجين فيها و هي كتبعد جمع صدمتو و تبعها بدور. معنقها من لور.....شعرها طاير مع نسمات البرد ريحتها منتشرة في الأجواء الظلام حالك إلى أن القمر مضيء و كسر السواد حاط راسو على كتفها و مخشي فيها بحال الطفل في حضن ماماه....عينيها مغرغرين زادو المجرية لمعة
جوهرة: سعد.....فين غادي نوصلو بهاد العلاقة.
سعد: ما عرفتش...ماكرهتش يحبس زمان هنا....ما بغتش نكبر ما بغتش نتخلى عليك...نتي راك ستوطنتي قلبي و لعبتي بمنطقي....فتكتي بيا....كنبغيك لكن واش غادي نبقا.....بغيت نبقى مراهق....بغيتك تولي جزء مني....منعت راسي من الوقوع في الفخ ديال قلبي....و لكن كان اقوى مني....نتي أول حب و آخر حب.....كنبغيك و غادي نبقى نبغيك حتى النهاية....ما بغتش نتخلى ما بغيتش تحكم عليا الظروف و نفرط فيك...انا..أنا سعد بارد القلب لي مكيحس بحتى واحد طحت...واش فهمتي شنو هي طحت....درتي إنجاز عظيم....تمردك......قوتك.......شراستك..دموعك..انتي اه بكل تفاصيلك صغيرة كتخدريني...شنو زعما سعد ولا ملكك....اه أ جوهرتي وليت ملكك و نتي ملكي و ما عمرك ما غادي تكوني ملك شي واحد من غيري.... ^^^نهاية فلاش باك^^^
أنت تقرأ
°°°شظايا أنثى°°°💙مكتملة💙
Paranormal♡♡مقطع تشويقي♡♡ سرحات في عينيه و شيء من الرغبة الدافئة تملكتها كانت كدمية مخدرة بعيونو و هو تايه وسط عالمها لدمنو و عطاه الحنان و الموطن....كانت بنسبة ليه الأم الحنونة و الطفولة المسلوبة و هو بنسبة ليها الجنة و الموطن و السند و نصف الروح بل الرو...
