....خرجات ضحكة حزينة على محياها خلاتها تراجع كل كلمة كان كيقولها....كتكول مع راسها يكون تزوج واش تغير...باقي شعرو الأشقر كيف ما هو و شفايفو باقين حمرين....باقين افكارو....و لا بدل منطق حياتو على ودي.....مسحات قطرات العرق من جبينها و خرجات زفرة قوية من أعماقها ما كتبين غير على شدة آلامها و حزنها.
غمضات عينيها الى ان صورتو كتختارق أفكارها...بوقفتو المعتادة و ملامحو الحادة....شعرو الأشقر الحريري طايح على وجهو....و حجبانو معقودين...شفايفو شبه مبتسمين....و عينيه مغمضين...عروقو بارزين...
^^^فلاش باك^^^
واقف قدام البحر وحيد عاقد حجبانو و باين عليه أثار الحزن..الضعف....الألم....عينيه دامعين و الأحاسيس مختلطة عليه قلبو مقدرش الا ان عقلو خايف من المستقبل و المجهول..حرب بين العقل و القلب راها منافسة ما عدلاش و بلا تفكير العقل هو الفائز و المتحكم حط النقط على الحروف و قرر... كالسة في قهوة شبه فارغة.....حاسة براسها ماشي طبيعية حاسة بلي شي واقعة خايبة غادي تهدم كلشي....دخل بمشيتو المعتادة إلى أن هنا لاحظات بعض الجدية بملامحو حولات تمالك راسها و ما تبين و الو....حيدات بعض الخصلات السوداء بينو لينا من بعد قمر مضيء فاتن.....حطات إديها على طاولة...و هو كل خطوة كيديرها كتحس بقلبها هو الأرض ...غمضات عينيها و حلاتهم بمحاولة التناسي...كلس و يديه و رجليه ماهداوش من التحراك عينيه في الارض كيحاول ما يشوفش في عينيها لي كيفشلوه كيحاول يخرج الكلمات إلا أنهم تحبسو عقلو تشوش و قلبو شوية بشوية كتمشي منو روح .
عينيها عليه و كدقق فكل حركة كيديرها جوهرة: شنو عندك
سعد: والو ...غير بغيت نشوفك
جوهرة: لا غير هضر عرفاك بغيتي تنهي شي حاجة هز عينيه فيها و عارف بلي غادي تكون آخر مرة...عاود حفظ ملامحها بتدقيق و خدا صورة في عقلو لعينيها المجريتين....خرج نفس عميقة و استنشق عطرها لي مثناتر في الأرجاء...
سعد: كنت كنتمنى نتلقاو في ظروف حسن في حياة اخرى في عمر آخر في جسم آخر الى أن الروح و القلب كيبقاو هما هما...شحال من مرة تغزلت بعينيك لي الشوفة فيهم كتفشلني و كترجعني ضعيف...و شعرك لي اللمسة فيه تغرقك...حوراتك لي عمرني نمل منهم...قلبك الكبير لي قدر يدخل غير أنا...نتي قدرتي تروديني و ترجعيني طفل بين أحضانك...رجعتي ليا الطفولة لي قدرت نعيشها غير معاك...أنا كنبغيك و غادي نبقى نبغيك لآخر نفس غادي نتنفسها...سمحي ليا واخا هاد الكلمات غادي يهرسو قلبي الا أنا علاقتنا غادي تسالي هنا سمحي ليا.... خرج من القهوة بزربة و عينيه كيقطرو بالدموع...حط راسو جنب شجرة و طاح على رجليه. عينيها خارجين في الفراغ و حسات براسها فوضع الغباء عينيها محجرين فيهم الدموع و قلبها مكروز عليها كتحس بالخنقة و الدموع محبوسين ما بغاوش يخرجو....شفايفها حمارو و نيفها كذلك...كتحاول تستوعب كلماتو لي ما بغاوش يخرجو من راسها كيدور بحال شي سيناريو ما بغاوش يوقفوو...
^^^نهاية الفلاش باك^^^
كالسة في الارض و الدموع كينزلو بحال الشتاء ما هداوش كل كلمة خرجها من فمو كتحس بها بحال شي رمح كيختارق جسدها...نفس الصدمة تلقاتها دابت إلى أن هاد المرة كانت الحدة اكتر...عنقات رجليها و حطات راسها على الارض الدموع نازلين و سيناريوهات أخرى كتحاول تمحيهم عضات على شفايفها حتى سال منهم دم وقفات بضعف و تجهات للدوش...هزات راسها في المراية.
عينين ذابلين تبخرات منهم مجريتهم....محيط بهم هالات سوداء...شفايف مجروحين...عروق بارزين خرجات ضحكة حزينة على محياها. جوهرة:هههه عايش حياتو و نتي شكون تصوق ليك...فسخ علاقتو بيك إلا و خدا شنو بغى...تخسري عمرك على ودو..اه كتبغيه و باقة كتبغيه ما تنكريهاش غير حاولي تعايشي مع الوضع...نساك حولي تنسايه .
غمضات عينيها و خرجات ضحكة تدل على التفاؤل و رجعات لفرلشها باش تحاول تبني حياة جديدة و التعايش مع ذكريات الماضي..
•••لا تتحمسي كثيرا لمحادثاتنا الجميلة...لا تعتادي على حديثنا الليلي الطويل...و لا تدعي كلماتي الرائعة تغريك...و الأهم!!حاولي قدر الإمكان ألا تتعلقي بي....ففي النهاية أنا مجرد كاتب.....التلاعب بالكلمات •••
...خرج من المطار بلباسو الأسود شديد التناسق شعرو الأشقر و عينيه الباهتين....الضحكة المصطنعة خارجة و كيحاول يتفتادى نظرات الناس.
وقف طاكسي و هو خايف ....كالس في الخلف و جبينو متعرق...حواجبو مقرونين..و شوفاتو حادين ...شفايفو زرقين و حط بناتهم سجارة كيتناتر منها دخان قارنو بماضيه الا أنه هو كيختفى و ماضيه لا باقي عايش فيه و هو لي رجعو لمسقط رئسو...نزل في البحر
...ظلام حالك ما كاين حتى منبع ديال الضوء ما فيها لا نجوم و لا حتى القمر.....للبرهة دمعة طاحت دمعة وحدة لي غادي تمهد الكمية الهائلة من الدموع و دوك الدموع عبارة عن كلمات محبوسة.
أنت تقرأ
°°°شظايا أنثى°°°💙مكتملة💙
Paranormal♡♡مقطع تشويقي♡♡ سرحات في عينيه و شيء من الرغبة الدافئة تملكتها كانت كدمية مخدرة بعيونو و هو تايه وسط عالمها لدمنو و عطاه الحنان و الموطن....كانت بنسبة ليه الأم الحنونة و الطفولة المسلوبة و هو بنسبة ليها الجنة و الموطن و السند و نصف الروح بل الرو...
