تزوجت ولم اتزوج

8🌹

السلام عليكم
شلونكم نشالله بخير 
نبدي البارت ثامن

......
سارة دكيت الباب وفتحته جنتهم أم عماد
سلمت عليها ودخلت نصدمت بالمنضر
الي اشوفه كبل طلعت مني ياساتر استر
شكووو عمه جنان احجو
جنان كامت تبجي بهستريه وتلطم 
وتكول والله والله مآ سويت شي  هاي تلي تعبي وياهم 
اااااخ هئ 😭😭
بجيت وي بجيها 
وماعرف شنو سألفه 
وإني دموعي تصب  عمه  (لا تروحون بعيد  اني  كلساع 
أكلها عمه لو خاله ماكو ف فرق  )
كولو شنو السالفه 
فدوة
أم جنان 
...... لا تنسون  جنان مرت جعفر أخو أمير الله يرحمه  ......

يعني مرت حماي 
أم جنان 
والله خاله  هاي أم أمير  كالبه علينه  تريد تطلك بتنه 

سارة نصدمت  تطلك  ليش 

أم جنان   تكول ماريد شرايج ثنين بيتي 
سارة  بصدمه  شرايج  ليش جعفر تزوج مرة ثانيه 
بجت جنان وكالت 
اي تزوج سكتاوي 
وجابها البيت  على عنادي 
سارة على نفس صدمة  على عنادج ليش 
جنان  جا غير عاقر 😭😭😭

سارة  يبووووووو  الإله اله الله 
وهسه  شلون
جنان  شسوي  والله مادري 

سارة بعصبية
شوكت هل حجي

جنان وهيه تناشق 
من خابرتج

سارة بخيبه أمل يمتى تزوج جعفر 

جنان 
قبل سنه  وهسه حامل منه 

سارة  بدهشه
حاملل 

جنان كامت تبجي وامها تهدي بيها  وسكتتها

صراحه نصدمت من موقف صراحه حسيت مصيبتها أكبر من مصيبتي 

بجيت وي بجيها  خطيه خمس سنوات متزوجه منه شنو الي صار وهيج تغيرو بس اني كلتلكم عمتي اذا خبثت الله يستر

حتاريت شلون اواسيها  خطيه كلبي نعصر عليها

سكتتها أمها  ورجعت وهيه عاقدة حواجبها 
جنان 
سارة صدك نخطبتي

سارة  بحزن والله ماعرف حجايه حجوها وسكتو وطاحت دموعي

جنان  سروة 
نصيحه خوة اتزوجي  وخلصي  ترى محد يدوملج 
كبل أم جنان كالت قبل لا رد عليها
أم جنان  سارة خاله  اعتبريني  عابرة سبيل واخذي نصيحه مني
لا أمج تفيد ولا خوتج 
ترى العمر طويل الأمج اذا الله أخذ أمانته 
تضلين مكفخه  وإني شايفه إحسان ماشاءالله عليه أيدة وضرب
خاله يبعد عيوني  اني سمعت هاذا الخاطبج
ابن شيوخ 
ومن أهل البصرة  وعدهم فلوس خير من ألله
خاله وافقي وكعدي بسد رجل أمير  راح
وهايهيه
وايكولون الحي أوله والميت الله يرحمه 
شوفي دربج وانتي بكيفج انتي عزيزة عليه وانصحج

سارة  ماكول كلامها مو منطقي
لا منطقي
بس شسوي
كلبي محد يقنعه 
بقيت ساكته ماعندي جواب  شويه ودخل أبو جنان
أبو جنان  سلام عليكم

جنان أم جنان  سارة 

وعليكم السلام

أبو جنان  جن شمس بيتنه ومادري 
هلا وكل الهلا بيج سروة

سارة وبيك اكثر عمي  ربي يحفظك 
كمت حبيته برأسه 
وبخدة عادي عدنه لأن مثابه ابوي 

كعد مقابيلي  اليوم كلبي كالي  سروة تجينه  واجيت من واكت
نبت  أم جنان  وتحب تغير الجو 
شلك بيها أبو كلب  اكيد جوعان واجيت 
هوة ضحك ضحكه طويله  وكال 
تعرفني  بس ربي شاهد  كلبي حسني شخص عزيز عليه اجه البيتنه واجيت 
رديت عليه 
سارة 
ربي يسلمك عمي   شلون صحتك شغلك
رد عليه  أبو جنان
زين بعد عمج  انتي شلونج صحتج حوالج 
خنكتني العبرة  لأن محد سيئلني شلونج بالبيت
متجنبيني  لأن كتلكم صرت أعصاب
و

دمعن عيوني وبجيت  😭  هوة نتفض وكال
أبو جنان 
افاااا عليج سارة تبجين يبعد عمج  كولي والج حركتي كلبي عمي احجي 
اني بجيت وناشق وشهك من بجي  نبت عمتي

أم جنان 
جا غير يردون يزوجوها 
رجع عينه عليه وكال  بقله حيله  وافقي عمي دنيا مادوم الأحد 
انتي محد دايملج يعمي 
رديت بصوت مبحوح  الله كريم عمي  الله يجيب البي خير

نهضت روحي لأن مر وقت هواي  وإني كاعده يمهم 
كمت  ثلااثتهم  كالو 

أبو جنان  وين عمي  صدك جذب توني شفتج 
رديت  بسرعه  والله عمي تأخرت على أهلي 
وانته اعرف 
نبت أم جنان 
عمه جا أهلج شاردين 
تضلي شويه والله مشتاقيلج
رديت تشتاقلكم العافيه عمه بس انتي اعرف بإحسان وعبدالله
رد أبو جنان 
خلنها على راحتها  واشرلي بثنين أصابعه
عمي حكمي عقلج وعوفي كلبج وحده يقتنع
كلت  الله كريم عمي  ماضل معقودة 

أشرت الجنان  واجت وياي  وهمه بقو ضاهر يردون احجي وياها نفرادي  وكفنه يم الباب 
كلت لها
جنون
خذي نصيحتي  واتطلكي أشرف الج  واحفضي كرامتج 
صدكي  لأن اني اعرف عمتي تريد تهين أهلج  من عرفت انتي عاقر 
احفظي كرامت أهلج 
عوفي  سمعتي عمي كال  حكمي بالعقل والكلب وحدة يقنع 
والعقل
ي

كول الكرامه أوله لو كان يحبج يخليج ومايتزوج
فكري عدل اكيد الله ضاملج واحد بالمستقبل 
كامت تضحك عليه 
كلتلها  والله شبيج تضحكين 
اني انصحج تفكرين وإقرار عايد لج وهسه ترخص لأن تأخرت
طلعت
من لباب ومشيت وحدي بشارع 
ذكرت هاذا الزلمه العسكري 
خل اوصفه الكم  الآن مآ وصفته عدل

طوله اني أوصل الصدرة  وكتافه أعراض يعني هيئه ضباط بعد  عيون رصاصات  وحواجب  مرسومات سبحان الله
شوارب ضخان بس مرتبات  شعره مزين  حفر ومن فوك بي شعر  بس عن الحلال والحرام 
حلوو 

لفت بشارعنه ونصدمت 
..........يتبع

توقعو شنو الي شافته سارة بالشارع 
وياترى توافق على الزواج لو لا
وشكراً لكم على متابعتكم  انطوني رأيكم بالبارت وتوقعاتكم الكاتبه زينب علي الي هيه اني 😂 😂 😂 😘