فصليتي حنطاويه

البارت العشرون

:
فصليتي حنطاويه 😍

بقلم الكاتبه وهج السلطان ✍

البارت العشرون

غفران*** صار العصر بدل وطلعت وي الماما للسوك واشتريت هواي شغلات وشربنه عصير  كلش تونست لان غيرت جوو رجعنه رجعنه ب 7:00 كلش تعبت شفت سيارت كيان مااهتمين دخلنه جوه سلمت عليهم ورحت للمطبخ اسوي عشى

كيان*** ماما بابا اني راح افاتحكم بموضوع واريد دعمكم ماديا وتشجيعيا

ابو كيان*** غير يحجي المهندس😒

كيان*** بابا اني وصديقي راح نسافر للخارج ونسوي مشروع صغير

ابو كيان*** وليش ماتسوي مشروعك هنانه لو تريد تشرد من البنيه

كيان*** بابا ارجوك تفهم قراري اني اريد اكون نفسي ومحتاج دعمكم دصديقي عنده عرف هناك نسوي مشروع للاقمشه بتركيا

ابو كيان*** اووف منك ولبنيه

كيان*** خليهه هنانه على راحتهه وانتو تعرفوني مااحب النسوان خلوني على راحتي

ام كيان*** ماعرف شكلك يايمه والله غفران خطيه

غفران*** سمعت حجيهم كله حسيت نفسي عاله عليهم وبلطكاك ياكيان على اساس اني ميته عليك

كيان*** اني قررت يايمه والسبوع الجاي اسافر

ابو كيان * ماشي

غفران* كملت عشه وصحت لعمتي

ام كيان*** تعبناج يمه

غفران * تعبكم راحه يووم

ام كيان* يله تعالي نتعشه

غفران*** جايه
كعدت اتعشه على راحتي ومامهته لحضره الاستاذ كيان

كيان*** اباوعلهه تاكل ومامهتمه والله نسوان عينهن صلفه😒😒

ابو كيان * بابا انتي شمخلصه

غفران*خامس علمي بابا

كيان*** هاي تكول بابا شبسرعه اخذت ميانه

ابو كيان * لعد ليش مكملته

غفران *بابا اني معدلي بلخامس 90 بس ماردت اكمل تعبت مم الدراسه

ابو كيان * صارلج شكد من تركتي

غفران * سنه

ابو كيان*** لعد راح اخليج ترجعين تكملين دراسه وتكونين مستقبلج

غفران * بكيفك بابا ☺️

ابو كيان * مابقه شي وتخلص هلسنه
واخليج ترجعين بس اريدج تجيبين بلسادس معدل طبيه

غفران*** سهله

ام كيان*** شكد تمنيت كيان يصير دكتور بس ماصار

كيان *😒😒خوش والله اجت عل جاهز واخذت مكاني

غفران * ادللي يوم اني احققلج حلمج انشاء الله

ابو كيان * انشاء الله

غفران * خلصنه عشى غسلت المواعين وسويتلهم جاي خلصت كل شي

تصبحون على خير صاعده انام ☺️

ام كيان * وانتي من اهل الخير ابنيتي

ابو كيان * وانتي بألف خير باباتي

اوووف ياام كيان ابنج مايعرف وين مصلحته هاي لبنيه ذهب شلون شنسوي هسه

ام كيان * بس اريد اعرف ليش هوه كاره النسوان لابد اكو شي
اووف منك ياكيان

كيان * دصبرولي شوي شوي وراح تعرفون ليش اني اكره النسوان
هوا اني موواكرهن وانما ماريد وحده تدخل كلبي وراح تعرفون السبب 👍

غفران * كعدت الصبح نزلت جوه صبحت عليهم وسويت ريوك كعدنه ناكل

ابو كيان* بابا احنه مانريد تنقطع علاقتج بأهلج  اليوم راح اشتريلج موبايل تتواصلين وياهم

غفران * صدك تحجي بابا

ام كيان * يمه تره احنه ناس نخاف الله ورسوله ومانريد علاقتج بأهلج تنقطع

غفران * ماعرف شلون اجازيكم ماقصرتو ويايه ربي ينطكم السعاده وطولت البال

ابو كيان * احنه راح نكون سعدين بس اذا صرتي انتي وكيان على كلب واحد وتجيبيلنه مياار

غفران * هههه ميار

ام كيان* ههههه اي ميارر جنت اتمنه يصير عندي بنت واسميهه ميار

غفران * الله كريم ماما ❤️
شتردون اسويلكم غده اليووم 🤔🤔🤔

ابو كيان* دولمه

ام كيان * لا مطبك لحم

غفران *😂😂 انتو دوم هيج تتناكرون

وللحكايه بقيه 🌺🌺

ياترى شنو السبب الي خله كيان مايريد اي بنت تدخل كلبه
اكو اسرار لحد الان ماحجيت عنهه
وحتى غفران تره مو خاليه 👍 ترقبو البارت الي جاي
........انشاءالله باجر اختم القصه