فصليتي حنطاويه 😍
بقلم الكاتبه وهج السلطان ✍
البارت الثاني والعشرون
سوزان * عرفت من بابا انو احنه معزومين ابيت عموو اووف هم راح اشوفه ماصدكت انسا
غفران * وصلت سوزان بنيه حلوه ومبينه حبابه
ام أفت *يابعد روحي يمه هله بيج شلونج
ام كيان * ياهله ابنيتي الله شاهد كلش مشتاقيلج
سوزان * هله بيجن ماماتي والله اني كلش مشتاقتلجن
ابو كيان * هله بويه شلونج
سوزان * هله بيك عموو الحمد لله مشتاقتلك
شفت البنيه واكفه اباب المطبخ اجت سلمت عليه
غفران * السلام عليكم شلونج سوزان
سوزان * وعليكم السلام تمام 😒
غفران * ياا اكيد تكهرهني اوووف
ام كيان * يالله تفضلو عل غده
سوزان * لعد وين كيان عمه
ام كيان * ماتدرين كيان صارله ثلاثه سنوات من سافر للخارج فتحله مشروع
سوزان * محد كلي اووف حسيت بذنب تجاه هاي لبنيه خطيه شنو ذنبهه
انتي شمخلصه
غفران * ادرس طب مرحله ثالثه
سوزان * يااا خوش تلهين نفسج واي شي تحتاجينه كوليلي
غفران * متقصرين كلبي
اتغدينه وكملنه شلت المواعين اغسلهم اجت سوزان
سوزان * اساعدج
غفران * لا روحي ارتاحي اكيد تعبانه من السفر
سوزان * لا وين اتعب هيه طياره بلمحه بصر توصلين خل اساعدج
اعتبريني صديقتج واحجيلي كول شي يمكن اساعدج
غفران * اكيد انتي كرهتيني لان الي سووا اخويه مو شويه
سوزان * يمعوده صارلهه السالفه كم سنه والي صار قضاء وقدر
غفران * شوفي سوزان اعرف انو انتي كنتي تحبين كيان ويمكن لحد الان تحبي بس تره اكولج هوه زوجي بس عل ورق اصلا اني محاجيه وياه ولا مره وصارلي ثلاثه سنوات ماشايفته ولاسامعه صوته اصلا نسيت شكله
سوزان * منو الي كلج اني كنت احب كيان صح اني كنت احبه وسافرت علمود انسا ونسيته وهسه هوه الج
غفران * هههه الي داكولج نسيت حتى شكله
سوزان * اني حبيتج واوعدج اخليكم تكونون لبعض
غفران * ماريد هلشي بلغصب ياعمري واني ماناقصني شي علمود ارمي نفسي عليه
سوزان * ولو لازم علاقتكم تقوه نسيتو انو انتو متزوجين ولا شنو
غفران * الله كريم
خلصنه مواعين سوينه الجاي ورحنه كعدنه يمهم ضلينه نسولف ونضحك للعصر راحو بيت عمو ابو رأفت
اكيد مستغربين شلون عرفت بحب سوزان لكيان
لان فد يوم من الايام سمعت خاله ام رأفت تحجي لام كيان على سوزان وليش سافرت لان كانت تريد تنسى كيان لان ميحبهه ويعتبرهه اخته
🌺🌺🌺🌺🌺🌺
سوزان * صارت الدنيا غروب سويت عشى وصليت اتعشينه اني واهلي وضلينه ندك سوالف ل 12:00 صعدت لغرفتي افيييش مشتاقتلج
دك عليه فؤاد 📲📲📲
الووو هله فؤاد حبيبي شلونك
اكيد استغربتوا راح اخلي يعرف عن نفسه
السلام عليكم اني فؤاد من البصره عايش بتركيا من سنين وادرس بنفس الجامعه الي تدرس بيهه سوزان حبيتهه كولش بس ماعرفت شلون اعبرلهه
فؤاد * سلام
سوزان * وعليكم السلام اكيد عراقي😁
فؤاد * اي والله عراقي وعايش هنانه
سوزان * ها تشرفنه تفضل
فؤاد * فدو صارلي سنتين بهذي المرحله وكلشي مامفتهم عادي نصير اصدقاء وتدرسيني لان سمعت انتي ذكيه
سوزان *☺️☺️☺️اي ذكيه وغبيه بنفس الوقت والله عادي نصير اصدقاء مو مشكله
فؤاد * قرت علاقتي بسوزان ضلينه واحد يدرس الثاني واحد يسأل الثاني
لمده سنتين ماتحملت كلت لازم افاتحهه بلموضوع
سوزان * ضليت وي فؤاد تقريب السنتين حبيت طبعه كلش حباب وعنده غيره هذي الصفه الي مشهورين بيهه اهل الجنوب اتعودت عليه وانعجبت بس
فؤاد*** شلونج سوزان
سوزان *** تمام بخير وانته
وللحكايه بقيه 🌺
أنت تقرأ
فصليتي حنطاويه
Randomفصليتي حنطاويه 😍 بقلم الكاتبه وهج السلطان ✍ قصتي تتكلم عن الفصليه الي كانت دائما تصير بلفصول العشائريه بس هلقصه تختلف عن كل قصص الفصليات اتمنى انو تنال اعجابكم حبايب قلبي🌺😘
