😁😁😁😁
زهراء كانت أول واحده واصلة للمدرسه من الشلة بعدها وصلو ميار و بلقيس ووراهم رنا يلي وصلت بنومها 🤣😪
وقبل الجرس بتلات دقايق وصلت عائشة و خولة و رهف جت متأخرة
وفي الطابور"" "" ""
رنا و خولة مقعمزين علي الارض و زهراء و بلقيس يهدرزو وميار تشبح في الابلات لو في وحده غايبة. 😶
بلقيس : بالله امتي بيتم الطابور 😑
رنا : بنات بنات المديرة غايبة 🤩
خولة : تفكرو في يلي نفكر فيه
عائشة لفتلهم : نهربو؟
زهراء : لالا اليوم عندنا اختبار
ميار : اي خلونا قاعدين في الصف احسن
عائشة : تي غير هيا علي اساس انتم بتسكرو الدرجه
رنا: اي معناها بعد الطابور نمشو لرهف و ناخدوها معانا ونمشو اي مكان
بلقيس : بتطلعو من المدرسة 😯😮
خولة : تي لا يا غبية بنمشو لابلة الرياضة هذه وحدة هبلة ونقولو لها نساعدوك ونقعدو معاها لنهايه الحصص شن رايكم 🤔😉
البنات من غير ميار و زهراء: تم
بعد الطابور مشو البنات لرهف"" ""
رهف باستغراب : خيركم جايين الطابور؟
عائشة : تي غير تعالي بسرعة
مشتلهم 🤙
رهف : خيركم؟
خولة : توا احني كيف بنشرحولك😑غير خودي شنطتك والحقينا
خدت رهف شنطتها و مشو لحجرة الابلات ""
رهف بعياط : ممكن تقولو خيركم لاني نحس في روحي مزهرية بينكم 😑
بلقيس وهيا تضرب في رهف : نقصي صوتك يا بقرة
عائشة : بنهربو من الحصص
رهف شهقت : تي مش عندنا اختبار عربي اليوم😮
رنا : بتهربي معانا ولا بترجعي الصف ساد زهراء و ميار رجعو 😶
عائشة : توا انتي علي الأساس ضامنه درجة كاملة
بلقيس : فوتيها يا عائشة هده وحدة مختشة
رهف : به خلاص خلاص
خولة وقفت قدام باب حجرة الابلات ""
بلقيس : خولة خيرك و قفتي
خولة : اصبرو خلي نطق الباب مش يقولو مؤدبات و هكي 🤗
عائشة : راهي ملفنا الأسود كله عندهم تي بري خشي 😑
خشو البنات بشناطيهم 🎒🎒
ابله الرياضه : شن اديرو هني؟
خولة : ااا
بلقيس : احني اا
رنا : جينا نساعدوك 😊
الابلة : وراكم قرايه برو لفصلكم
عائشة : اصلا ماعندنا شي و نص ابلاتنا غايبات
رهف : اي اي هما يعاودو في الدروس وحني فاهمين
الابلة : به برو للمسرح ومنبيش نسمع صوت باهي
البنات : به
خشو البنات للمسرح و حطو شناطيهم علي الارض'
رهف : رنا افتحي المكيف نًوْ⛅🌞
رنا وهيا تاكل : وعلاش بطولك متفتحيشي انتي؟
خولة : خلاص تو نفتحه اني 🙄
بلقيس : اسمعو نبو نتلاقو في حوش وحدة منا لينا هلباا مدرناهاش 😏🤔
عائشة : لالا نبو نطلعو
رهف : بناااااات سكوت بللليز 😒🤐
رنا : به به
وبعدها خشت ابلة الرياضة "" ""
الابلة : نبي وحدة تمشي لتاني/ب تنادي بنيه
البنات : انااا
الابلة : وحدة
خولة : اني نمشي
رنا : تعالي تعالي
خولة : خيرك
رنا : جيبيلي كتكات 🍫في طريقك
خولة : انتلللفي 😒
بلقيس : استغفر الله ياسرك ماكلة وليتي دبة
رنا : عفوا اختي تتكلمي علي روحك 😏
عائشة : بسسسس اسكتوووو 😠😡
رهف : يا بنات
البنات : خيرك؟
رهف : نوضو خلي ندورو في المدرسه
بلقيس : خلي نستنو خولة
رنا : اهي جت 😶
خولة : متقولوش كنتو تقرمو فيا
عائشة : انقرمو فيك 😐 لا ياعبد الواتق
بعدها طلعو البنات في الساحه يتمشو "" ""
رنا : توا يا بنات اتقولو المقصف مفتوح ولا لا 🤔
بلقيس : استغفر الله وانتي ماتدري غير في بطنك
رنا : لا اني مش قصدي علي الاكل
عائشة : علي الأساس المقصف يبيع في حوايج👕👖تي ميبيع غير الاكل
خولة وهي شادة بطنها : يا بنات كليتي توجع فيا
رهف : تبي نرفعوك للمسعفه
رنا : اي برو نرفعوها
عائشة : لحظظظة خولة وين كليتك انتي
خولة:وهي تاشر علي بطنها : اهني 👉
عائشة : هده بطنك يا غبيه 😑
بلقيس : بري تعلمي أعضاء جسمك الأول حبيبتي 😶
يتبع....
🌸Please Vote and comment🌸
Aisu ATK
أنت تقرأ
🤣🤓هبل بنات 😜🤡
Randomالقصه تحكي عن مجموعه بنات ديما يديرو في مشاكل و تجي علي روسهم 😂😶 الروايه باللهجه الليبية 👌✌️
