🤣🤓هبل بنات 😜🤡

Part💠7

خالد : به والمهم طلعت السيارة و الحساب 💵 فوق 50 دينار

البنات كلهم قعدو يشبحو لبعضهم 👀 👀

خالد (مد يده) :يالله طلعو 👇
رهف : الله يعطينا و نعطيك
خالد : شنووو يعني!!
خولة : ماعندنا شي 🌚
زهراء : ابدا
بلقيس : مفلسين
رنا : منتفين
خالد : لهني وبس يلا امشو معاي لمركز الشرطة😑
ميار : يلهوي
عائشة : اي يا بنات شوفو شن بندير و ديرو زيي😉
الكل : اووكي
عائشة : يالهووووووي يا ناس يا عالم شوفو هدا الولد بيخطفنا
رنا : ويقول ادفعوووووا وهوا يلي خانب فلوسنا 💵
بلقيس : اي اهئ اهئ 🌝
خولة : يتهمنا بالسرقة....
رهف : الحقو علينا يا عرب 🌝

الرجال تجمعوا علي الولد و طاحو عليه ضرب 😂
و البنات هربوووو 🌝
ولما يبو يرجعو ضاعو 🌝

رهف : حسبي الله عليه وين حني توا 😫
خولة : ههه انشاء الله ميصيرلنا شي بس 🙂
ميار : ماااااماااااا
زهراء : يالهوي هدا عقابنا
عائشة : يا ام عائشة الحقيني 🌚
الكل (رغم خوفة) :😂😂😂😂😂

المهم مشو ولقو روحهم في جاهة كلها استراحات شباب خافو وهربو عند أقرب شي

بلقيس : ياربي شني بنديرو

وهما ماشيين لقو استراحه مفتوح بابها 🚪
و طلعلهم عرق الفضول ومن الفضول الزايد يلي فيهم خشو يشوفو شن في دخل الاستراحه 🌚

رنا : يمكن فيها حاجة.. هكي ولا هكي
مش نبلغو عليهم
وقعدت تضحك الضحكة الشيطانية ههههههههههاي

وكل وحدة منهم خشو ونصدمو بالي شافوه 👀
شافو السيارة الي ضربتها عائشة ولقو خالد صاحب السيارة 🚙
شاد راسه من الوجع ويتحسب عليهم وعلي الساعه ⌚ يلي عرفهم فيها
وبعدين التفت وياريت مالتفت.....
وفتح عيونه علي الاخير 👀

عائشة(والابتسامة شاقة فمها) : هاه تصلحت سيارتك؟! انشاء الله مكلفاتكش هلبا وكان المبلغ يلي عطيناهولك 🤜 مسدكش ولو تبي زيادة احنا حاضرين 🙂🙂🙂..

وهوا انصدم و تعصصصب و صحابة طايحين ضحك
المهم رفع كمامه وجاهم معصب وناوي عليهم
هما كل وحدة جهزت شنطتها لأي حدت طارئ 😂.
لزززوم الدفاع عن النفس 😂😂

رهف قعدت تدير حركات برجلها زي أمتع الكراتيه وشكلها طالع غبي مدايرة روحها تعرف

رهف : هيه انت لاتقرب ادا قربت ف ترحم علي نفسك لان هديك المرة كسرت رجل ولد خالتي
خالد : لا أحلفي يمه خفت 🌚
رهف : اي اي من حقك تخاف انا شرسة و شريرة

وصحاب الولد ميتين ضحك..
وخالد رغم تعصبه بس فيه الضحكة حاول يخفيها

البنات : خلاص خلاص ارفعنا لمدرستنا حنعطوك فلوس بس غير ارفعنا
خالد(حن قلبه) : اوف خلاص خلاص بس شنو يلي يضمنلي؟؟؟
ميار : ولا يهمك وعد الرجالة كأنه جبل 🌚
خالد : ايه هلبا يلا بسرعة للسيارة 🚙
عائشة : اصبر يا ابو الشباب خلي نشرب شاهي قهوه
رنا : كيكة عصير
خولة : حلويات🍰 تمر
خالد : تي هيا نمشو

المهم هوا شكل الولد طيب وفي حاله وميحبش المشاكل وصلهم للمدرسة ولما نزلو 👐

خالد : مد يده يلا اطلعو
عائشة (مرة تانية) : الله يعطينا و يعطيك 🙂

وكلهم شدو شناطيهم و جررري 🏃‍♀️
وهم يجرو لحياشهم ومن حظهم ان حياشهم جنب بعض 🌝🌚

رنا : يلا باي 👋
الكل : باي 👋

والكل خش علي حوشة وعلي السرير طول
وكل وحدة منهم عارفة الروتين اليومي ل التانية
يعني امتي تنوض و ترقد وامتي تاكل

عالتلفون كانت عائشة قاعدة وتكلم في رهف
عائشة :
هلااا رهف
رهف :
هلااا عائشة
عائشة :
اما اليوم صراحه مغامرة روووعة 
رهف :
هههه لاكن يناري علي اسمه خالد
عائشة :
هههه مسكين

وخشو باقي البنات في المحادثة 💌

بلقيس :
هلا هلا
عائشة و رهف :
اهلين اهلين
رنا :
هلا كيف حالكم بعد اليوم 😂
خولة :
ههههههه مسكين كل منتدكرة نبدأ نضحك
زهراء :
ههههه شوية يلي درناه فيه 😁
عائشة :
هاه شن ناويين تديرو اليوم
بلقيس :
والله اني مكسدة بروحي 😶
رهف :
وحتي اني في الحوش بروحي 😬
خولة :
بنااااااااااااااااااااااااااااااااااااااااااااااااااااات
البنات :
هاه
خولة :
بنات فاتكم امس هربت من الحصة الرابعه شفت بنية من الصف التاني آمنة ال...... عرفتوها؟؟
البنات :
اي خيرها؟
خولة :
تخيلو ضربت كتفي بكتفها وقعدت تقولي فكلام و اني نقوللها
رنا :
قوووية 😁
خولة :
المهم الزبدة في الموضوع انها تحدتني نتلاقو في سوق...... .
بلقيس :
الله سوق جو مليح
عائشة :
تي اسكتي كانك اول مرة تسمعي بسوق 😒
رهف :
به يمكن البنية تكدب علينا نمشو السوق ومنلقو حد 😕
خولة :
لالا هيا اكدتلي
بلقيس :
وااااا جو مليح من بيجيب السواق اليوم؟
الكل :
انتييييييييي
بلقيس :
هههههه به خليكم جاهزين 👍
الكل :
به 👍

وكل وحدة جهزت روحها
ويتبع.....

🌸Please vote and comment🌸

Aisu ATK