عايشه بقت تبكي عبد الله وضحي سمعو صوت البكا جو جارين
ياامي مالك في شنو ....حصل شنو ....
مدثر اخوكم ياعبدالله عمل حادث ماعارفه الحصل ليهو شنو
عبدالله ....لاحوله الله دقيقه خليني اتصل بي سلمي اشوف الكلام دا شنو
عليك الله
ياامي ماتبكي ابوي يقوم يسمع البكا دا ويجي يسمعنا وانتي. عارفه حالتو الدكتور مانع عنو اي توتر
احي ياولدي انا حسا قلبي فيهو غلايه ياولدي اتصل سرعه واديني اختك
عبدالله اتصل لي سلمي .....الووو سلمي كيفك
مدثر كيف ياسلمي
بجد الكلام السمعنا دا مدثر عمل حادث
سلمي انتو منو الكلمكم ...ايوا عمل حادثه بس هسي هو كويس ماعندو الحمد لله طلب مني ما اكلم ناس ابوي
لاحوله الله ان شاء الله سليمه حصل اي شي
عندو كسرو عملو ليه عمليه في الحوض واليد
هسي كويس انا جيب البيت خالي صلاح موجود معاهو هناك حماني اقعد
خلاص هاكي امي عايزاك
ووواب علي ياسلمي 😭😭😭مالو مدثر الحصل ليهو شنو
امي😭😭😭مدثر كويس هسي الحمد لله انا جيت منو قبل مسافه
اتصلو علي خالي صلاح علشان تتكلمي معاه
امي عليك الله ابوي مايعرف مدثر محزرني ابوي مايعرف بي الحادث دا
خلاص ان شاء الله مابنجيب ليهو سيره
امي انتي الكلمكم منو
اتصلت علي سلوي هسي كلمتني بيهو قالت قالو ليهم مات في البدايه
قالت ليها فعلا مفتكرينو اتوفي بس الحمد لله ربنا نجا والله قالو الحادث حقو كبير خلاص العربيه انتهت اتعجنت كلو كلو
لاحوله الله 😭😭😭 احي ياحشاشه جوفي الحمد لله ربنا نجاهو انا والله من الصباح زهجان كنت قلبي دا ماكلني ماطبيعي
اتاري ولدي حبيبي قساي عامل حادث ما جايبه خبرو😩😩
خلاص ياامي ربنا قدر ولطف ادعي ليه ربنا يقوم بي السلامه
اميين يابتي ربنا يقومو بي السلامه
خلاص بنتصل لي خالك هسي
قفلو من سلمي حولو علي الخال اتكلمو معاه وادها مدثر عايشه 😭😭😭😭😭بكت زين معاهو سلامتك ياولدي حمد لله علي سلامتك
ربنا يتم عافيتك
مدثر الله يسلمك ياامي ابوي كيف صحتو ان شاء الله مابكون عرف برضو
لا ياولدي اطمن مافي زول جاب ليهو سيره قوم لينا بي السلامه تعال طمنو براك
ان شاء الله انا كويس ياامي ماتبكي عليك الله
سلمي ....قاعده تفكر عمي محي الدين وخالتو سلوي مالهم ماتصلو اتطمانو علي مدثر
خالتي سلوي ليه اتصلت لي امي كلمتها انا حزرت محمد مايكلمهم
