سلوي فكرت كده جاته فكره جوهنميه قال ليه شوف يامحمد بعدكم يوم نحنا نمشي نتمم الكلام ونشيل ليهم حاجات الشبكه
ونحدد ليهم العرس بعد كم شهر انت اول ماتبقي مرتك بتقدر تتحكم فيها جيبها لينا هنا تسكن معانا بنادبها ليك
امنعه من الجامعه
محمد بس ياامي دا مااتفقنا عليه انتي قلتي لي هي مجرد خطوبه وبس
انا استحاله اتخلي عن غدير
ي ولد انت اهبل منو القال ليك اتخلي عن غدير
انتي بعد تعرس السجمانه دي تاني بعد داك امشي عرس غدير مافي زول حاميك
ماعارفه ياامي خايف غدير ماتوافق بي الكلام دا
انت قول ليها انا ابوي غصبني علي بت عمي
انا ماعايزها حااعرسها ترضيه لي ابوي
بعيدن انا اتزوجك انتي
احسن زاتو تجيب فيها ضره وتقهرها
وتقهره امها
طيب بس لمن اشاور غدير بي الكلام دا لو وافقت انا معاك
ياولد انت بس جيب لي غدير هنا وانا بقنعه بي طريقتي
قلتي كده ياامي مافي مشكله انتي عليك الاوامر وانا. علي التنفيذ من عيوني
طبعا امين متابعهم
من امو هاجت بقت تشتم في سلمي
هو انتهز الفرصه قال بس الكره جات في ملعبي
انا وعدت سلمي اجيب ليها ادله
طوالي فتح جوالو بقا يسجل في كلام محمد وامو
سجلو كلو
اتصل لي سلمي ....حكي ليها القصه كلها الحصلت في البيت والكلام الي اتقال فيها والخطه العملوها محمد وامو
قال ليها اكان جوكم عايزين يعملو خطوبه اوعك توافقي عليها
بس سلمي ماصدقتو
امين ....انا وعدتك بي ادله علشان تصدقي وانا عندي الادله
كلها بس المطلوب تفتحي جوالك والواتس بتلقي كل شي موجود فيهو
اتخذي قرارك بي عقلانيه وماتتبعي قلبك
مع السلامه
سلمي ....فتحت الجوال كانت بتدعي انو مايكون كلام امين صاح
لمن فتحت التسجيلات وسمعت الكلام
اتخلعت وبقت ترجف من قذاره محمد وامو
معقول في بشر بشكل دا
بقت تبكي😭😭😭😭بااعلي صوته
حسبي الله ونعم الوكيل ربنا ينتقم منكم ياخد حقي منكم
انا عملت ليهم شنو ياربي علشان يعملو فيني كده
امها سمعت صوت بكاها جات
سلمي مالك يابت الحصل ليك شنو بسم الله
سلمي تبكي ماقادره تتكلم من الزعل
