مشاعر خارج دائره الصمت
البارت 45
طفة الضوة وغطاني وطلع اني شبية اتخبلت شأريد اريدة هو اي اعرف اريدة بس ليش ماجاي احاول اكسبة ليش جاي ابعدة شنو هاي جنطتة وين يرووح صرت اروح وارجع لل٢ واني كاعدة وهو ماكو نزلت عالدرج على كيفي لكيتة محضر غراضة كلهن وملابسة عالتخم بالصالة وهو ماكو فتحت باب غرفة الحجية لكيتة نايم يمهة اول مرة يعووفني وينام جوة كامت دموعي تجري وحدهة وصعدت ابجي بحركة شنو ذنبي ما بيدي شي ليش الحياة مجاي تخليني افرح ليش جاي يعذبني هوة ادري غلطت وياه بالكلام ادري جان يحاول وياية بكل الطرق بس مو بيدي افهموني ياعالم شصار وهالكد نافرني مطلعني من حياتة كلش اكرهك ايسر اكرهك وامووت منك كوون الله يحرك كلبك مثل ما خليتني افرفح انوووب رجعت استغفر ربي ماقصدي ادعي عليه والله ماقصدي يارب تحفظة محد الي غيرة اصلا مااتخيل حياتي بدونة صرت كمت صليت شوية ارتاحيت ونمت بتعب فزيت الساعة خمسة عبالي الباب انطبك واجة هو بس محد بالغرفة كلت صدك خبلني صرت اتهيأ بالتسعة ونص نزلت كوة لان مانايمة وجنت ابجي كلت صباح الخير ماما
ام ايسر:صباح النور بنتي
رغد:تتريكين ماما
ام ايسر:لا يمة عافيات سبقتج ،،اكوول يمة رغد صاير بينج وبين ايسر شي
رغد:هاااا😳لا ماما ماكو ليش
ام ايسر:مااعرف وضعكم ماعاجبني هالايام هو يطلع من الصبح يرجع تالي الليل
رغد:مو لان اترقة يكول زاد الشغل حتى اني ضجت من دوامة سامحني ربي على هالجذب😔
ام ايسر:اي سودة عليه هستوة اترقى المفروض يرتاح دزوهم اليوم تدريب لغير محافظة شنو هالترقية هم بالعكس
رغد:😢شنووو وين راح لغير محافظة شنو ليش ماكاللي اني هنا شنوو احجي بيني وبين نفسي كوة لازمة روحي
ام ايسر:اعذريني يمة اذا سالت بس اني من شفتة نزل بالليل نام يمي كلت بس لا رجع لزعلاتة وية سهى ومن سالتة كال لان اطلع بالخمسة مااريد اكعدهة خطية هي جاي تتعب وحامل حتى ماقبل يتريك
رغد:اي ماما صح مااتحملت طلعت للطرمة وصرت اهفي على وجهي مااريد ابجي كدام الحجية بس احس غصة ببلعومي ليش ما كلي راح اروح ليش ماصالحني وراح يعني متلذذ بعذابي شيريد مني تعبت بالقران اتذكرت من انطبك الباب بالخمسة معقولة صعد ودعني واني نايمة لا يجوز صعد يريد شغلة نساهة اااه منك خبلتني صرت احجي وية روحي من وراك جنت اتصل عليه بس ابد ما سالتة انتة وين شدااتسوي مو ماكالي هو رايح خلي يحس مامهتمة مر اسبوع وجنت دااراسل بريام الصارت صديقتي مو حماتي مالي غيرهة احجيلة حجيتلهة كل البكلبي شلون دااتعذب شلون دااتدمر ببعدة شلون هاملني ومزاعلني ببرود واني تعبت ومااعرف شاريد كالتلي
ريام: هو طبعة لو زعل صعب بس ترة هو يحبج وكلش وماحب غيرج وانتي هم زودتيهة بزعلج ميخالف مرات نقدم تنزلات حتى المراكب تمشي وهو ايسر مامنقص عليج شي شتردين تتطلكين
