مشاعر خارج دائره الصمت
البارت 32
ايهم:لا مو بالعمر ايسر اني اكبر منك ولو استعصت علية اشير سعد واخابر احمد واخابر امي مو كلشي احلة وحدي
ايسر:هذا طبعي ايهم مااحب اسولف بخصوصياتي لان محد يعرف ظروفي بكدي
ايهم:،بس ايسر انتة غلطت من ما سالتنة وبنيت كل اساس زواجك من رغد على وهم انه امي بس بمسؤليتك لا لو مستشارنة جان كلنالك بابة هي امنة مثل ماهي امك وكلنا مسؤلين يمكن جان حافظت على زواجك وبيتك وامي ارتاحت مثل مامرتاحة يمنة هسة
ايسر:لاتعتقد اني ندمان على هذا قراري لا بالعكس مرتاح مية بالمية لان ما شفت مثل هالبنية ابد ومرات اشكر ربي الخلاهة بطريقي وصدك قرار انفصالي عن سهى مالة اي دخل بزواجي الثاني مجرد الصار كشفلي معدن سهى وعرفتهة وحدة مو كفو واحد يكمل حياتة وياهة لان الانسان المصلحجي وية اقرب ناسة مايعتمد عليه وهسة اني اترخص ارجع لان تاخرت والحجي الصار بيناتنة ديربالك تسمع بي امي ترة كوة بالعتني هالفترة
ايهم:من سوالفك والله😏
ايسر:خو انتة ما تريحلك واحد ابد
ايهم:احسن حتى هالواحد يعرف الله حق ويخاف ربة ببنات العالم
ايسر:ولك كاافي والله طيحت حظي بس مو صوجك صوجي اني السولفتلك😡
ايهم:ههههه اي منو كالك تسولفلي مو تدري مااحب سوالفك العوج
ايسر:خلف الله عليك عمي خل اطلع كافي بسامير مزنجرة في امان الله
ايهم:وين يمعود اتشاقى ظل للعشا
ايسر:شوون شقى ماصخ 😒مشكوور عندي بيت اتعشى بي
ايهم:احسن يلا اتدعبل لبيتك لعد🤭
ايسر:خاااب مو صوجك والله يمةةةة وينج
ام ايسر:هايمة هنا بغرفتي
ايسر:هاحجية اني طالع عود مو تطولين و كعدنة وطابلنة الكعود وتظلين هواي
ايهم:ليش ما يطيبلهة الكعدة اشو حتى لكيتلهة شايب قابل ياخذهة وهاليومين تاخذهة مرتي تجهزلهة وتاخذهة للصالون
ام ايسر:انجببب يا سوالفك الماصخة هو بعد ابوك هم يحلة بعيني رجال منو بهيبتة ومنصبة
ايسر:مبين الحجية تحب المناصب عندي شلووون مفوض خوش رجال ومرتة ماتت قبل فترة وهم يشتغل بالسلك
ام ايسر:ديلا عود هذا العاقل
ايهم:ههههه حجية وداعتج محد بينة عاقل عدا سعد وهذا خطية من كدما كبرن بناتة بسرعةصار يحس روحة عمرة ٥٠
ايسر:ايهم دير بالك على الحجية وانتي حجية دير بالج على ضغطج وعلاجج
ايهم:شنو القصة ترة هي امي قبلك يلا ووولي😏😒
ايسر:يرضيج يمة كلساع طاردني وماخذج بس انتي هذا شلون اخوو عود هذا الجبير عشتوا
ايهم:يمةة صيحي بي يحجي علية ويقلد بصوتة عود مثل من جنة اطفال
ايسر:هههههههه خررررب بيومك والله ذكرتني من جنت اني اصغر منك واسحلك وتروح لامي تشكي وتكلهة يمة صيحي بي
