نهاية صبري وبداية عشگي

بارت 6

جواد....

البيت هوسه صاير ناس طابه و ناس طالعه والذبايح والجوادر متروسه ناس اني ما شفت دربي حتى مادخلت للبيت بعدين ردنه غراض من البيت دخلت اجيبهن دخلت للمطبخ وأسمع بناتنه يسولفن وين الفصليه نص كالن ماشفناهة زين بسرعه صعدت اني كلت هاي بنت الك.... ليش ما تنزل تساعد امي والبنات فوك ما اخوهة كتل ابن عمي صعدت بسرعه سويت الدرج خطوتين دخلت اغلط واسب بيه بدون ما اشوفه لن زينب كدامه بس وخرت زينب حتى تسولف الي واشوفه الخشم يجري دم والشعر ملش منفوشه نفش خطيه وتبجي كلت زينب شبيه دارين ليش هيج

زينب ....يخوي هذني بنات عمي حميد كتلنه التمن عليه ملخنه خطيه و اجيت اخلصه من بين اديهن رجاء بت عمي كامل  لزمتني ما خلتني  اخلصه منهن السعلوة  لحد ما اجت امي ونسوان خوالي اله خلصنه مسكينه و امي كالت اله اصعدي ارتاحي فوك لحد ماتخلص الفاتحه ونزلي  خاف يكتلنه المسكينه ترى هي ماله ذنب

دارين .... اهي اهي اااا اهي  والله مالي ذنب جواد اني شنو ذنبي اذا اخوي قتل ابن عمك

جواد....
هين بنات عمي يمدن ايدهن على حرمتي اله اربيهن من جديد يراد الهن تربيه و رجاء العوبه اني اله ان ماندمته على هاي عملته اني اعرفه كاتلته الغيرة كومي زينب جيبي ريوك ل دارين و انت كومي اسبحي و اكلي و نامي لا تنزلين ابد

دارين ....
نزلو جواد و زينب كمت كوه سبحت اجر بروحي جر الله لايوفقهن جسمي مكسر تكسر استرخيت شويه لبست برموده او كيمونه و نمت بفراش زينب مابيه انام على الارض بعد ما حسيت بروحي شوقت نمت .

جواد....
نزلت مشعوط ودي الزم رجاء وبنات عمي حميد اكلهن بسنوني من شفت منظر دارين متت قهر محد اله حق يحاجيه غيري بنات الك... اني اعلمهن بسيطه
كلت لزينب تصيح بنات عمي اني ضليت واكف بالصاله اجت رجاء تركض فرحانه عباله ميته على شوفته وراهة اجن بنات عمي حميد عبالك وحوش مو نسوان كلت الهن..
شوفن هاي المرة مديتن ايدجن على حرمتي ما راح احاجيجن شي ولا راح امد ايدي عليجن عاذرجن لن محروك گلبچن على اخوچن و مو بس انتن مقهورات على اخوچن اني هم چان مو بس ابن عمي اله احزام ضهري و اخوي احس روحي راحت وياه بس حرمتي ماله ذنب بموت اخوچن لن قسم بالله وحگ من الحگ اذا انعادت هاي السالفه و مديتن ايديچن عليه لا مايصير طيب الچن انهيچن خلاص فاهمات لو لا وانتي رجاء خانم انتي منو يمج ليش تلزمين زينب و ماتخليه تخلصه اعرف انت ليش هيج سويتي بس وروح حسام اذا مسيتيه بريشه امحيج يا رجاء فاهمات لو اعيد صحت بيهن و طلعت برى حركن روحي حقيرات ..

زينب ....
اباوع على وجوهن دخنن من الحركه حيل يستاهلن السعالوو وحدتهن تكول بلال الحبشي گبر لفهن ولا احبهن خو رجاء الوگيه كاتله روحه على جواد ماتشوف وجه بالمرايه يكولك فرس النهر الگبر مالفه بدل ما لف حسام الورده .. خليتهن يسولفن ويدعن على دارين و مشيت حضرت ريوك لدارين  صعدت لكيته نايمه خطيه شعلت السبلت اله و نزلت عفته تنام تعبانه من وراهن