أنت تعلم انك ستجدني اهرع إليك راكضا لو علمت انك تحتاجني
متناسيا كل خلاف ابعدنا عن بعض
وأنا أعلم انك لن تقبل لي المضرة
جان مكتوب دار الايتام جنت اصيح مامة مامة شعدنا هنا بس هية ما تجاوبني تمشي سريع واني وراها
...................................
جنت و اكفة على شباك غرفتي الي يطل على الميتم البنو جديد هنا احنة حي راقي وفخم يخلون يمنا ميتم مامة حجت
حبيبتي هذا الجينز حلو هم ما تردي نودي للدار
ايي مامة اصلا صار كصير ما اريدة بعد
خطية هذول الأطفال الي يجون لهنا ما عندهم لا ملابس ولا شي
مامة هذول الأطفال ما عندهم أهل احجي واكلب بالملابس
اكو قسم عدهم بس اهلهم يخلوهم يكولون ميكدرون يهتمون بيهم ما اعرف شنو من كلب عدهم
زين كلهم ينامون بغرفة وحدة أكلب بالملابس واحجي بتساءل
طبعا مامة قابل منين يجيبون غرفة لكل طفل هنا
طلعت سترة لون وردي كلش حلو
هاج مامة هذا هم انطي موديلة راح بعد ما اريدة
اوك براحتج عمري
...................................................................
كاعدة بالكرسي الي كبال مامة وهية تحجي وية مديرة الميتم والمعاونة
أبوها صار 7 سنين ميت وعندي هية واختها وغير الي حامل بي ما اكدر اعيشهم
المعاونة حجت تكدرين تطلبين اعالة وينطوج راتب وتربيهن مامة راسن حجت
لا لا ما اكدر أعيشها امانة هسة هية عدكم
اني ابجي المعاونة كالت
تكدرين تفكرين شوية شوفي البنية بس تبجي
حجت المديرة كالت كملي هاي الاوراق اذا واحد طلبها طفلة تنطيها
لا ما اريد تصيح لوحدة غيري مامة
اصلا منا وجاي انتي مو امي طلعت من الغرفة ابجي كعدت على الدرج ابجي بحركة وشهكة وي كل دمعة معقولة مامة تعوفني تضحي بية لخاطر زوجها معقولة هيج اني رخيصة عدها ابجي واشهك سمعت صوت على الدرج بديت امسح بدموعي شفت مرة جبيرة ونفس البنية الي لكيناها بالشارع يم المطعم المرة تحجي
يمة وين شاردة ما تكليلي وين تنامين وين تاكلين وين تشربين
عوفيني خالة هدى عوفيني احسن الي اكون حرة
خالة حرة وما عندج أكل شيفيدج
شعليكم بية أبرد اجوع لحد يتدخل بيها
صعدت الدرج يمي شافتني ابجي وميتة من البجي
حجت انتي هم ذبوج هنا
ما تحملت أحد يحجي وياي هيج واني منهارة عفتها ونزلت الدرج ابجي بية
ما دام دخلتي حبيبتي هنا بعد ما تطلعين ماكو طلعة منا ابد ابد تصيح
طلعت لبرى الميتم اكو حديقة داير الميتم واكو بيها مسطبات كعدت على مسطبة وابجي واشهك يعني شنو اني راح اكمل حياتي هنا يعني مامة راح تعوفني هنا شون اني راح أعيش ومامة الجانت أغلى من روحي تعوفني تتخلى عني بس علمود زوجها رفعت عيني شفت مامة واكفة شوية بعيد ومقهورة بس شيفيد القهر وهية تخلت عني جت تمشي وكعدت بصفي على المسطبة اني ابجي رادت تخلي ايدها على رأسي ميلت راسي ما خليتها
فرح يمة والله مقهورة كلش هية تحجي واني اباوعلها
والله يمة مجبورة انتي هسة عمرج 17 تكدرين تعيشين بس فكري باخوج الي بطني اذا تطلكت شون راح يعيش
يعني انتي عفتيني هسة لخاطر ابنج ورجلج مامة كمال يتحرش بية من اول يوم اجة بي كمشت ايدها مامة والقرآن ما اجذب هو يتحرش بية
رأسا سحبت ايدها من أيدي
شلون راح أعيش نور شون اعيشكم ثلاثة أفراد
اوك كمت وجفت واشرت إلها بأيدي اطلعي برا يلة
اني يتيمة اب خليني يتيمة ام هم بعد ما اريد اشوف وجهج اطلعي برا
بقيت اصيح اطلعي برا اطلعي برا هية كامت تريد تطلع مشت وصلت لنص الحديقة بعد ما استحمل فكرة انو اني راح أعيش بالميتم واكمل حياتي هنا رحت أركض وكعدت يم رجلها تتوسل
مامة حبابة والله اني بعد ما اداوم واني اشتغل اي شي واصرف على اخواني مامة بس لا تعوفيني هنا
اخذج يمة والله اخذج بس ورى فترة ابقي هنا شوية واني اخذج
مامة عليج الله لا تعوفيني هنا والله اموت عافتني وراحت واني بقيت كاعدة بالكاع واصيح مامة لا تعوفيني شفتها شون طلعت ولا عبالك طلعت من الباب عبالك كلبي طلع من صدري حطيت راسي على الكاع وابجي مامة تعوفني هنا ما اصدك يمكن آلام الي انو امي عافتني أكثر من آلام اني راح أعيش بالميتم واني حاطة راسي على الكاع متت بجي واشهك بعمري ما باجية هيج
