الساعة 7:30 صباحا
في أحد شوارع بغداد في أحد الأحياء البسيطة
واني بملابس المدرسة داسمع اغنية واسوي الريوك واغني وياها اجة الغثيث الي اكرهة سكتت
ليش سكتي صوتج حلو خزرتة بطرف عين ورجعت أكمل بالريوك
كولي صباح الخير شبيج
صباح الخير كلتها بس حتى اخلص منة
فتحت الكاونتر الطابق الفوك حتى أطلع غراض اجة لزك بضهري وخلي ادية على الكاونتر صارت مسافة قليلة بينة متت من الخوف احس الدم جمد بجسمي كلت بصوت يرجف
كمال خوية شسوي وخر
لا تخافين امج نايمة ما تكعد هسة
كمال عليك الله وخر كافي وخر وهنا اني كلي ارجف من الخوف
ادفع بي واحجي كمال حباب وخر
ليش اوخر هسة من نطلع للشارع عبالهم حبيبين يحجي واني ادفع بي
وخر شبيك كمال وخر من يمي
راسن وخر واجت مامة بس شافتة قريب علية
حجة بنتي وين الجدر
وخرت من يمة بس مامة عيونها قلقة
شاف مامة كال كعدتي يروحي تعالي تعالي
كعدها على الكرسي ويحب بطنها يمة فدوة لام ابني روحي انتي
واني جسمي بعدة لهسة بي الرجفة والخوفة ومامة نضراتها الي قلقة
حجت مامة شجنتو تحجون مساع اكو شي
حجة كمال بخوف لا ماكو شي بس كلتلها تسوي الريوك بنتج بيضتين متعرف داعلمها والله ولا تشبة امها ابد هسة اني راح اسوي ريوك لمرتي الحلوة وأحط بي زبدة حبيبتي الحلوة تحبها
باوعتلة شون جذاب ومنافق كلت لماما
راح اكعد نور وطلعت من المطبخ صعدت فوك لرحت لغرفتنا مختنكة كلش كعدت على الكرسي ردت ابجي بس خفت لا تكعد نور اباوعلها شون تخبلل ملاك ونايم جيت يم راسها
نور حبيبتي يلة تكعدين للمدرسة كعدت تفرك عيونها وتحرك بايدها واني احضر جنطتي كالت
فرح تمشطين شعري
لا ما اكدر اليوم
ليش شعندج
ولا شي
ليش حبابة
اريد اروح للمدرسة من وكت اليوم
بس اني ما اعرف امشط شعري
صيحت عليها كتلج مو اليوم نزلت رأسها مقهورة جيت يمها
نورة حبيبتي مو اليوم غير يوم امشطلج اوك هزت راسها موافقة
نزلت أركض بالدرج بس اريد أطلع من البيت وصلت للطارمة اريد ألبس حذائي صاحت مامة
فرح وطلعت من المطبخ
وين رايحة اليوم من وكت
مامة اليوم السايق ما يجي
انطيج فلوس تكسي
لا مامة
إجت وكفت يمي كمشت وجهي بايدها بيج شي مامة
باوعت بعيونها وميلت راسي ردت اكللها رجلج يتحرش بية بس عفتها وطلعت من البيت من دون ما احجي ولا كلمة ودموعي على خدي بديت امشي بالشارع وابجي متحملت صرت أركض وابجي بحركة والجنطة على كتفي وشعري الي يطير لورى والناس والجيران الي يتنوعولي ما ما همني شي بس أركض وابجي بحركة وبصوت
واني كاعدة بالصف مدرسة الأحياء تردد أشياء مهمة للامتحان واني صافنة وين راح توصل حياتي اني هسة صف خامس اعدادي واني صافنة صديقتي الي كاعدة بصفي كالت
والله ولا أكتب شي هسة ما بية حيل انتي كتبتي شي
جنت صافنة بس هية فززتني
بيج شي رأسا دك الجرس وطلع كل الي بالصف
كالت شبيج ضايجة
ولج ضايجة كلش جاي اموت شوية شوية أتمنى هسة اموت
موت شنو هاذا الخريطي شنو تعاركتي وية امج
هزيت راسي لا بس الدموع بعيوني
بس رجل مامة يضوجني كلش
شون يعني يضوجج
كلت والكلمة بالكوة تطلع مني مثثثللل همست يم اذانها مثل التحرش هية فزت شنو شنو هاي ولج اشس لا يسمعن البنات اشش لا تفضحيني
كالت تعالي نطلع برى نحجي
طلعنا ورى المدرسة بالساحة كالت يلة احجيلي كلشي
مامة قبل سنة تزوجت من كمال بالبداية ما عبالي اكو شي بعدين بدت نضراتة الي مقززة مرة دخل الي للحمام
ياا سوالج شي
لا بس هوا يدري اني بالحمام الضوة جان مشتغل دخل وكال أسف ما ادري بس بقى واكف يباوعلي استحيت كلش
طايح الحظ اجة للمدرسة أكثر من مرة
يجي بين فترة يكلي خلي اخذج منتزه للمول
اكلج كولي لامج
شون اكللها وإذا ما صدكتني
شون ما تصدكج غير امج اكيد تصدك
تعتقدين تصدكني
ايي طبعا وشوفي راح تطلك من رجلها وتعيشن بسعادة سوى
راح اكللها واشوف
صار الليل اني كاعدة على الطبلة اقرا واكتب و مامة وكمال كاعدين على التخم يباوعون لمسلسل وكمال يضحك يربي شكد ضحكتة مقززة وتعلب روحي منة حجة كمال
راح انام اني
مامة حجت يلة راح اشيل الكلاصات واجي
لا حبيبتي اني اشيهلن
ليش تشيلهن اكو بعض الناس شيسون بالبيت
باوعلي كمال وحجة خليها طفلة تدرس يلة اني راح إغسل هذني وأنام
طلع كمال من الصالة سديت كتبي وجيت يم مامة
مامة احجي واني عيوني بيهن القلق والخوف كلة كلتلها
مامة اريد احجي وياج
ها يمة شكو بيج شي
مامة كمال و بدت دموعي تجري
كمال يتح... ما كملت كالت مامة
اسكتي لا تكملين فهمت لا تحجين هيج كلمات
مامة بالبداية ما فهمت كلت ما يسويها بس سواها مامة طردي من البيت حطت ايدها على رأسي
اوك انتي روحي ونامي واني أفكر بشئ اسوي
فرحت كلش وحبيت ايد مامة حسيت روحي ملكت الدنيا بهاي اللحظة الحمد الله سمعت كلام صديقتي جنت بهذيج اللحظة ميتة من الفرح صعدت فرحانة للغرفة لكيت نور نايمة على السرير جيت يمها
نورة حبيبتي راح نرجع مثل قبل
شنو يعني مفهمت
راح نعيش بسعادة
تعالي نامي يمي
اوك
جانت اختي نور صغيرة أصغر مني بهواي وما تدري من شنو أعاني شبكت اختي ونمت فرحانة متاملة انو الجاي احلى طبعا اني ونور ابونة مات ومامة مجانت تحبة ف ورى سنين بقت تربي بينا وصارت علاقة حب بينها وبين كمال وتزوجو وهسة هية حامل طبعا احنة كاعدين بيت ايجار وكمال هوا الي يصرف على البيت
صباحا
الساعة ب 7:30
لابسة ملابس المدرسة وانتضر من الشباك الي بغرفتي على الشارع شوكت يطلع كمال حتى انزل
يلة فرح شمنتضرة
شبيج نور اصبري ثواني
شفت كمال طلع
يلة ننزل
بس شعري ما سويتي
اوك بديت اسوي بشعر نور إجت مامة دخلت للغرفة
فرح مامة اليوم ما ترحين للمدرسة
ليش
بعدين تعرفين بس هسة اخذي وياج جنسيتج
ليش مامة وين نروح
خلصت شعر نور مامة حجت وياها كالتلها اليوم
نور اليوم ترحين للمدرسة وي صديقاتج
هزت راسها نور بالموافقة وطلعت من الغرفة
يلة امشي
طلعنا اني مامة نمشي بالشارع مامة شايلة مثل الجنطة الجبيرة
كلتلها اشيلة اني
لا مو ثكيل
ليش شكو بي ما جاوبت مامة وين رايحين بس لا للشرطة والله استحي احجي الهم ما جاوبتني
وكفنا على الشارع ننتضر الفورتات اكو يمة مطعم دخل أحد كال الكل يطلع هوياتهم
طلعت بنية من المطعم شكلها بملابس المدرسة وكفها الشرطي
كالتلة ليش توكفني ما مسوية شي
هويتج بدون زحمة
مو عندي بالبيت
وين بيتكم
بقت ساكتة كال الشرطي جيب قائمة المفقودين خلي نشوفها
بقت البنية تتنوعلي وتحجي وي الشرطي شعلية بقائمة المفقودين اني
إجت الفورتات صعدنا مشت بينا السيارة ونزلنا بمكان مثل الشئ الحكومي وهنا صدمتي جانت ......
يتبع
الكاتبة: روجين علي
تابعوني على الانستا : rogaine Ali
كلشي تابع الي انشرة على الانستا
لا أحد يتابع القصة والمسلسل تخرب علية القصة ❤❤❤
