صباحكم عافية 😊
لارا : ضليت ساكتة ولدمعة واكفة بطرف عيني وهية لاتزال بلتمثيلية مالتهة والمدرسات الي تنصح وتهدي الوضع والي كيفت لكتلهة زلة علية ونطلقت ترزل
واني
اوووووف يا اني
بيومهة كضيت الدوام كلة ابجي
من جنت بعازتهة ومحتاحة حنيتهة مالكيتهة لكيت جفاء وكره من دون ذنب
لكيت بداخلهة كلب قاسي مايعرف طفلة وبريئة مالهة ذنب نخلقت بنية ولا تعرف انو الله هوة الي يوزع الأرزاق ولبنات نعمة حالهن حال الفلوس والأكل
هسة رادتني
هسة عرفت عدهة بنية
امي الي مالكيتهة وكت حاجتي ماريدهة هسة لمن كبرت وعتمدت علة روحي
عدت فترة وماما نفس وضعهة وتصرفاتهة ولوسائل الي تستخدمهن يسوئن يوم عن يوم ماخذة ارقام تلفونات صديقاتي من تلفون بيبي وتخابرهن تكللهن حاجنهة كلنلهة خل تجي يمنة عايفتني و عايشة يم بيبيتها لان بيتهم جبير وحلو و احنه بيتنه صغير و قديم
ويجن لبنات يكللي الي تستهزء والي مصدكة بحجي امي وتجي ترزلني واني بين لوعتي وفشلتي من صديقاتي ماالكة غير السكوت جواب الهم
كملت الاول متوسط و نجحت و عبرت المرحلة و اني كلي فرح انو خلصت مرحلة دراسية جان طموحي انو أكون إعلامية و حلم عمري انو اوصل للإعلام بيبي جانت تفرح بنجاحي اكثر من اَي شخص بالدنيا و جنت كلما انجح تجيبلي هدية تفرحني بيها بوكتها جابتلي موبايل دفتري جان توة نازل و ارقى شي بالسوك و حيل فرحت بي لكن بنفس الوقت كلها ما رضت و ظلت تحجي دا اطلعين عينها دا اطعجيها اذا كبرت بعد متسيطرين عليها بس رغم كل هالحجي بيبي ما سمعت لاحد ابد و كل فتره ثقتها بية تزيد وتكبر و جانت ادزني دورات تنمية بشرية و تعليم فقه و احكام الدين لان جنت منعزلة و ما عندي صديقات بكل مرحلة جان عندي صديقة مؤقته بالرحلة و خلص و ما احب أكون علاقات اضوج من تدخلات الناس و سؤالهم
ليش بيبيتج مربيتج عندي ثقة بنفسي بس اضوج من تدخلات الناس
بدت العطلة و رجعت مشاكل امي الي متخلص و حججها الي متخلص يوم تعالي نظفي البيت يوم اريد اروح للطبيب يوم اريد اروح لاهلي و و و و و و و و
ف بيوم من الايام اجت امي لبيت جدي كالت اريد اروح زيارة لعون اني و صديقاتي تجين كتلها لا
بيبي كالت روحي وياها غيري جو اني ما اكدر اطلعج رجلية مااكدر علفرة والمشي
انتي تونسي و تعالي ما ردت اروح لكن ملحت بيبي و ماما خلتني اروح حتى أغير جو
و لان عطلة و ياريت ما رحت اجة ثاني يوم و صَار الظهر بدلت امي بدلت لأخوية مصطفى حتى نروح
بدلت اني وطلعنه من البيت و ابوية بقة يم اخوتي الصغار طلعنه
اباوع ببابنة طابكة سيارة صغيرة تكسي و بيها مرة و رجال باوعت الهم ما ارتاحيت ابد و جنت طول الطريق خايفة بس محجيت وصلنه عون و عبرناه كتلها ماما عبرنه عون كالت معليج. اني هم سكتت عبالي نلوف ونرجع من غير طريق وصلنه مكان فوك من عون ما اعرف أسمة
نزلنة من السيارة وطبينا بأفرع اني مامطمأنة ابد وخايفة عمري ماحسيت وياهة بأمان
وصلنا يم بيت نزلنا اني خايفة وشابكة ادية وحدة بلثانية
البيت جبير اول مافتنة ممر تقريب 5 مترات و حديقة ع الجانبين و ع الجانب الأيمن مضيف كلش جبير متروس زلم طبينا كعدنه
بالوسط كاعد رجال جبير بلعمر ومشيب بس ماطمأنيت لشكلة ولارتاحيتلة
الرجال ضل يسولف وامي ماخذة راحتهة وتحجي عبالك تعرفهم
ديوان مليان زلم وشباب اني من يمي ستحيت بعدين كال لامي احجي شنوو مشكلتج كلتله اني عندي هذا ابني مريض وهاي بنتي ...............
أنت تقرأ
صديقات على مر الزمان
ChickLitقصة لطيفة عن شلة صديقات كل وحدة من بيئة مختلفه ينجمعون ع الحلوة والمرة ويعانون بحياتهم لَـگِنْ ميفرقهم شي رغم كولشي 💜 اتمنالكم قراءة ممتعة 💚 القصة منقولة "حنين حاتم "
