غرفة ٥٠٢ في فندق سانت فيران .. بيقيم في الغرفة شاب اسمه ريجور ، ماسك كتاب وقاعد علي السرير ، بيسمع صوت مزيكا من غرفة ٥٠١ بيلتف ليها ويتجه علي جدار الغرفة عشان يسمع ! .. فعلا في صوت مزيكا ، علي وشه علامات الاستغراب .. بيرجع السرير ويتصل بخدمة الفندق .. -- الو خدمات فندق سانت ؟ - ايوه اتفضل .. -- حضرتك انا ريجور نزيل الغرفة ٥٠٢ ، حضرتكوا في الحجز قولتولي ان في غرفة واحدة بس ال فاضية هي غرفة ٥٠٢ وان غرفة ٥٠١ مقفولة لسياسات الفندق .. - حصل مستر .. اشمعني ! -- اصلي سامع صوت مزيكا من غرفة ٥٠١ .. - ده مستحيل مستر ريجور ! الغرفة فاضية .. -- حضرتك انا بكلمك وانا سامع ..وحاطط ودني علي الجدار .. - اكيد بتهيالك مستر ريجور ، انا مش عارف اساعدك ازاي بس الغرفة فاضية فعلا ..! - تمام .. اشكرك !
ريجور بيقفل السماعة وبيبص في الجدار ، وهو سامع المزيكا .. بيولع سجارة وبيمسك كتابه تاني وميهتمش للامر...
… "" اليلة التانية "" ريجور بيرجع الغرفة بعد يوم متعب من الرحلات مع اصدقائه .. بيدخل غرفته وياخد دش ! .. ريجور المرة دي سامع صوت المزيكا بوضوح .. الماية نازله عليه وهو بيفكر في ال بيحصل في الغرفة المجاورة ! .. بيلبس ويبص للجدار . ريجور اكتشف ان في ثقب في الجدار .. فضل يبص شوية وعلي وشه علامات ذهول .. بيرجع سريره ويمسك الهاتف ..
- الو خدمات فندق سانت ؟ -- معاك اتفضل ! - انت كداب .. -- مش فاهم حضرتك ؟ - امبارح قولتلي ان مفيش حد في غرفة ٥٠١ حصل ؟ -- حصل مستر ريجور .. خير ؟ - طيب انا اكتشفت ثقب في الجدار في غرفتي مطل للغرفة مباشرة .. ومع بداية المزيكا في الساعة ٢:٣٠ دقيقة بصيت ، لقيت فتاه .. في فتاه في الغرفة .. -- حضرتك انا مش هكدب عليك .. لو الغرفة كان فيها حد كنت قولتلك !! بس ممكن توصفلي الفتاه ؟ - فتاه ببشره بيضه صغيرة في السن وبترتدي فستان اسود ، ورقصها جميل كمان .. -- اممم - سكت ليه ؟ -- ممم مش قاصد اخوف حضرتك .. بس ايي .. بس في اسطورة قديمة ، لبنت ماالك الفندق وال بيقولوا ان شبحها بيسكن الغرفة دي ! انا استفسرت امبارح عن مشكلتلك وعرفت المشكلة .. بنت مالك الفندق اتقتلت في الغرفة دي من اكتر من ٢٠ سنة .. و ال عرفته ان علي فترات في ناس بتسكن ٥٠٢ بيشتكوا من المزيكا ! بس بتبقي حالات نادرة في السنة مرة او في السنتين كمان .. -- ... - مستر ريجور انت معايا ؟ -- معاك .. -طيب انا مقدر ال انت بتقوله تحب اغيرلك الغرفة ؟ في غرفة فضيت في الدور الرابع غرفة ٤٠٤ ؟ .. -- لا .. لا انا اصلا مش بامن بالاشباح والارواح .. شكرا !! .. - علي راحتك مستر ريجور ..
بيقفل السماعة وعلي وجهه علامات الدهشه !! وهو بيتامل الجدار .. بيهز راسه وهو بيردد "" تخاريف .. تخاريف ""
... "" اليلة التالته ""
الساعة ٢:٣٠ ريجور بيتكلم مع صديقته في التليفون وبيخطط لخروجة بكره قبل مغادرته البلده بعد يومين .. المزيكا بتشتغل ! بيبص للجدار وبيقفل مع صديقته في التليفون .. بيقرب من الثقب بس شايف كل حاجة حمرة !! .. بيمسك تليفون الفندق -- خدمات فندق سانت - ايوه .. - اممم هو .. هو الموظف ال بيقعد بليل مش موجود ؟ -- عيان شويه ، وانا مسكت الشيفت خير ؟ - حضرتك اصل الغرفة ال جمبي فيها مشكلة نوعا ما .. هل حضراتكوا دهنتوها باللون الاحمر ؟ - لا يافندم محصلش .. اشمعني ؟ -- يعني اصل الغرفة قالي عليها خرافة كده ، وانا مصدقتهاش ؟ - بخصوص المزيكا والبنت ؟ -- تعرفي عن الخرافة دي !! - اكيد .. -- ممكن تحكيلي عنها وتقوليلي موصفات البنت دي .. انا كاتب وممكن تساعدني في كتباتي .. - عظيم .. اشتكوا من الغرفة دي اشخاص قبل كده .. بتشغل مزيكا الساعة ٢:٣٠ بعد منتصف الليل في ميعاد القتل .. بلبس فستان سهرة اسود ، بشرتي بيضه .. اما بنسبة للون الاحمر فدي عيني .. كنت براقبك من الثقب ال في الجدار .. واكيد جمالها لازم يكمل بصوتها .. ايه رايك في ؟؟ .. -- ...
بيقع الهاتف من ريجور وهو بيترعش .. المزيكا بتبقي في غرفته ! .. والنور بيقطع ، بيرتجف ويشغل كشاف موبايله ، خيال بنت بيترسم علي الجدار ..
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
