"الفصل الخامس"
ايمان رايحه الشركه وهى متردده توافق ولا لاء لحد ماوصلت وطلعت للمكتب بتاعه
فارس: قاعد ف اجتماع ، خلاص احنا على معادنا ف الاستلام وبنعتذر عن اى غلط حصل وياريت ميكونش اخر تعامل بينا
ايمان برا متردده وخايفه تقعد لحد ما تلاقى السكيرتيره خارجه من جوه ووراها ناس كتير
كاميليا: ازيك ياايمان
ايمان: بخير
كاميليا : انتى هنا من بدرى
ايمان: يعني شويه
كاميليا: اه اصل كنا ف اجتماع مهم ، بنلم اللى عملته روايدا بنت عم فارس باشا
ايمان: ااه ، طب انا هدخل
كاميليا: اتفضلى فارس باشا مستنيكى
ايمان:تستغرب ان فارس مستنيها رغم انها مجاتش الشركه بقالها يومين
فارس : بيتكلم فى الموبايل ، ازيك ياادهم
ادهم: الحمدلله
فارس: مش هتجيب الست الوالده ونتكلم ف موضوع الفرح بقى ولا انت مش عايز تفرح
ادهم:لا مش دلوقتي خالص
فارس: الرد ميعحبوش لان الفرح ومعاده بعد شهر اصلا ، ازاى مش فاهم؟
ايمان تدخل وتقف قدامه ، فارس يشاورلها تقعد
ادهم: اصل انا جالى شغل برا مصر هسافر ولما ارجع نبقى نتكلم ونشوف هنعمل ايه
فارس: شغل فين؟
ادهم: باريس
فارس: باريس!
ادهم: سلام دلوقتي يافارس عشان عندى شغل مهم جدا سلام
ادهم يقفل الخط وهو قاعد مع اتنين صحابه هيثم وفادى
فادى: انت بتهرب منه ليه ياعم
ادهم: مش طالبه العيله دى بصراحه
فادى: سبحان الله كنت هتموت وتناسبهم واول ما ناسبتهم عايز تبعد عنهم
هيثم: ينفخ دخان الحشيش ، قصدك اول ما خد اللى هو عايزو من غزال
فادى: اييه ؟😲😲
هيثم : امال انت فاكر ايه ياعم ادهم ده شيطااااان
ادهم: خلاااص بقى اقفلو السيرة دى عشان بتطيرو المزاج اللى ف الدماغ ده
فادى: انت كنت تطول تتجوز غزال الدمنهورى ياادهم ؟ البت كانت بتحبك اوى
ادهم: ياعم محدش قالها تثق فيا زى ما هيثم قالك انا شيطاان
فادى: ميعجبوش الكلام ويقوم يمشى وهو زعلان على غزال جداً
***********
فارس : قاعد باصص ع الفون بتاعه ومستغرب كلام ادهم وناسى ايمان خالص
ايمان: ااححم
فارس: يبص ل ايمان ، ازيك ياايمان
ايمان: انا جيت ف وقت مش مناسب؟
فارس: لا ابداً انا خلاص مروح دلوقتي
ايمان: طيب انا عايزه اقولك ان انا وافقت على العرض بتاعك
فارس: يبتسم ابتسامه عريضه ويفرح ، طيب تمام اوى
ايمان: تستغرب الفرح ده ، ايوه بس انا مش خدامه
فارس: مين قال انك هتشتغلى خدامه ، انتى هتبقى زى المعالجه النفسيه كده خصوصا انك متفاهمه
ايمان: انا هروح امتى؟
فارس: انا مروح دلوقتى تحبى تيجي معايا ؟
ايمان: ايوه بس والدتى؟
فارس: انا بقترح انك تجيبي والدتك وتعيشو معانا لحد ما وضع رنا يستقر
ايمان: بس!
فارس: مفيش بس ، الڤيلا كبيره وكلها بنات انا يدوب بروح انام
ايمان: ________
فارس: انتى بتثقى ف عم جمال؟
ايمان: اكيد ده اللى مربيني
فارس: خلاص هو اللى هيوصلنا وبالمره اشرحلك ظروف رنا اي ف الطريق وبعد كده عم جمال يروح يجيب والدتك ويجي
ايمان: ماشى بس انا مش خدامه ها
فارس: يخرج ايد واحده من جيبه يمشيها على شعره وبيحاول يمكس اعصابه ، ماانا فاهم
ايمان: تمام
***************
فى العربيه
فارس: انا عندى 26 سنه ورنا 21 رنا اتخرجت السنه دى من كليه تربيه فنيه هى كانت مخطوبه من سنه بس خطيبها اتوفى ف حادثه جامده ومن ساعتها وهى رافضه الارتباط بابا لسه متوفى ، ماما اتوفت وهى عندها 3 سنين ، كانت متعلقه جدا ب بابا لحد دلوقتي مش مقتنعه انه اتوفى
عايش معانا ف البيت 3 بنات دول بنات عمى الله يرحمه
اكبرهم خلود وبعد كده غزال وروايدا
غزال مخطوبه بس متاخديش على كلامهم او تصرفاتهم ، هتلاقى هناك داده كريمه دى مربيانه كلنا
العربيه وقفت قدام الڤيلا
ايمان نزلت من العربيه وقفت قدام الڤيلا وهى قلبها مقبوض
فارس: دخل جوه ووراه ايمان ، متجمعين عند النبي ، ايه ده كلكو قاعدين كده ليه
رنا: مفيش يافارس انا زهقت من القاعده لوحدى جمعتهم بالعافيه عشان نقعد سوا
فارس: ههههه من النهارده مفيش زهقت وقاعده لوحدى ، دى ايمان
رنا: تبصلهاوتستغرب!! ، ايمان مين
فارس: ايمان تبقى قريبه عم جمال من بعيد
روايدا: تقف مربعه ايديها ، وانت بقى حد قالك ان احنا عايزين حد يساعد داده كريمه
فارس: بس دى مش حايه تساعد داده كريمه ياروايدا دى جايه تساعد رنا
رنا: بجد يافارس هى هتعيش معانا ؟
فارس: اه ياحبيبتي هى هتقعد معانا هى ووالدتها
رنا:يااه اخيرا هلاقى حد اقعد معاه ، تقف قدام ايمان
ايمان: ازيك عامله ايه؟
رنا: الحمدلله تعالى معايا شكانا هنبقى صحاب اوى
ايمان : ماشى يلا بينا تعالى
فارس : ايه ياروايدا مش عايز قلق مع البنت دى بنت ناس ومحترمه
روايدا: لا ما هو باين على لبسها
فارس: يبص ل غزال ، ايه ياغزال ادهم هيرجع امتي من السفر
غزال: تتخض ، هو مسافر؟
فارس: معقول مقالكيش انه هيأجل الفرح وهيسافر باريس ف شغل
غزال: لا قالى قالى بس انا نسيت
فارس:انا برضو قولت كويس انه اتأجل يكون غازى اخوكى رجع بالسلامه ويحضر الفرح
خلود: هو هيرجع امتى؟
فارس: هو كلمنى لما عرف ان بابا اتوفى وقال قدامه شهر
خلود: يارب يرجع بالسلامه
فارس: خلود انتى ليه من ساعة ما غازى سافر وانتى قافله على نفسك
خلود: عشان غازى هو اللى كان بيدينى امل ف الحياه من غيره احنا منسواش حاجه
فارس: ليه ياخلود مش انا اخوكم الكبير
خلود:بصاله و ساكته وسابته ومشيت من غير كلام
**********************
عزه فهد قاعده ف اوضه نوم كبيره شعرها اسود اوى ولحد كتفها وفى حته بيضه من قدام ، شت ليها هيبه عندها وحمه ف كتفها هى بشرتها بيضه جدا وملامحها تخوف اوى للميعرفهاش لكن لليعرفها يشوف ملامح ست بمعني الست ماسكه سيجاره ف ايديها وبتتكلم ف الفون ، الو
** : ايوه ياعزه هانم فارس جاب واحده معاه البيت اسمها ايمان وهيقعدها هى ووالدتها
عزه: واحده ايه يعني خطيبته؟
** : لا واحده تقعد مع رنا وتتكلم معاها تعوضها عن عدم وجوده معاها
عزه: اممممم
عزه تقفل الفون وتشرب السيجااره وهى بتتمشى ف الاوضه وبتفكر هتعمل ايه
***********************
بعد اسبوع
ايمان طالعه من حمام الضيوف اللى تحت ودخلت وراها روايدا
قاعدين كلهم على الفطار
وايمان بتبص ف وش كل واحد فيهم
رنا وشها نور اكتر وفارس نظراته ليها بقت كتير واحلى وخلود مبتتكلمش معاها اصلا زى ماهى وغزال بهتانه ووشها اصفر ووالدتها مش عاجبها انهم قاعدين ف بيت حد غريب
فارس: بصى ياامى انا عارف انك مش حابه وجودكم هنا
الام: انا مرضتش اقف قدام ايمان وازعلها لكن بصراحه انا شايفه انه مينفعش اصلا
فارس: انا عارف كل الكلام ده بس صدقيني احنا محتاجين انكم تقعدو معانا
الام: تبص ل ايمان وتستغرب تمسك فارس بيهم
رنا:اه ياطنط عشان خاطرى خليكم قاعدين انا حبيت ايمان اوى
روايدا :تخرج من الحمام وهى متنرفزه وتيجى عند السفره ، مش تبقى تتأكد من الناس اللى انت جايبهم الاول يافااارس
فارس: مش فاهم قصدك! انتى اتجننتى؟
كلهم بيبصو ل روايدا ومخضوضين
روايدا: تفتح ايديها وتطلع تحليل حمل ، انا دخلت الحمام ورا الست ايمان ولاقيت ده
ايمان: اييييه ده والله مش بتاعى ومعرفش عنه حاجه
فارس: يبص ل ايمان ويبرء وهومصدوم
رنا: اكيد فى حاجه غلط انتى اتجننتي يا روايدا؟؟
غزال: تاخد نفسها بسرعه جداً ويغم عليها وام ايمان تمسك قلبها وتقع
فارس يطلب الاسعاف وينقلوهم المستشفى
كلهم واقفين برا ف الطرئه فارس مصدوم وخايف وايمان قلقانه على والدتها ورنا معاها وروايدا وخلود ماسكين ايد بعض
الدكتور : يخرج وياخد فارس على جمب بس كلهم يروحو وراه ويسمعوا
فارس: طمنى يادكتور
الدكتور: بص هى حاله غزال ارهاق وتعب وقلة اكل ولازم ترتاح كويس جدا لان الجنين وضعه مش مستقر خالص
خلود وروايدا يحطو ايديهم على بوئهم ويبرئو
فارس: جنيين!!!
الدكتور: ايوه جنين هى حامل بس تعبانه جدا ة كانت قعدت اكتر من كده كنا هنضطر نعمل اجهاض
ايمان ورنا بيبصو لبعض ومخضوضين
ايمان: طب وماما يادكتور؟
الدكتور: يبص ف الارض ، احنا عملنا اللى علينا لكن قلبها كان تعبان جدا ومقدرناش نتصرف هى جات وهى بتموت ، البقاء لله
ايمان: مااامااااااا مااااماااااا
فارس: يحضنها جامد ويبكى
ايمان بتحاول تخرج من حضنه وتدخل ل امها بس فارس حاضنها جامد
كانت اول مره تحضن فارس وهى اصلا مش حاسه بحاجه غير وجع فراق امها
ايمان: بتبكى وتصرخ ، ماااااماااااا
ايمان يغم عليها ف حضن فارس
الى اللقاء فالفصل السادس غداً ان شاءالله
#بقلم يويو علاء
