"الفصل الثانى"
فارس نايم وهو قاعد ف اوضته على كنبه
الباب يخبط كتير لحد مايفوق يتفزع ، ادخل
خلود : فارس ، اونكل اشرف تحت مستنيك
فارس: يبص ف ساعته يلاقيها 7 الصبح يبص لخلود بزهق وخمول ، جاى بدرى كده ليه؟
خلود: معرفش يافارس بس هو شكله ميطمنش خالص
فارس: يمسح وشه ب ايده وينفخ ، طيب نازل وراكى
فارس يلبس بدلته وينزل يقابله ،
اشرف ده المحامي بتاع العيله والشركه وكل حاجه تخصهم ويعرف شجرة العيله كلها
فارس: يبص على وشه وهو نازل يعرف ان فى حاجه مطمنش خالص ، صباح الخير
اشرف:قصير وشعره كله ابيض وملامحه عجوزه لكنه محامى عُقر زة ما بيقولو ، وهيجى منين الخير يافارس طول ما الهم ده ملازمنا
فارس: عارف ان اشرف رغااى بطريقه بشعه ومستحيل يقول الحاجه بسرعه ، يبدأ ينفخ وهو بيسأله ، بص يا استاذ اشرف انا ورايا اجتماع مهم جدا الساعه 9 ودلوقتى 7:30 وحضرتك لحد ماتقولى صميم الموضوع كله هيكون الاجتماع خلص
اشرف: حتى لو كان الموضوع يخص عزه فهد
فارس: يتخض وينزل رجله اللى كان حاطتهم على بعض ويبرء ويبلع ريئه ويبص حواليه ، ايه اللى حصل؟
اشرف: هى جاتلى امبارح البيت
فارس: نعم!
اشرف: ايوه جاتلى البيت يافارس ومعنى انها تظهر تانى وب اسمها القظييم وتحاول تجيلك وتجيلى يبقى قلبها مات ومش باقيه على اى حاجه
فارس: وهى من امتى كان قلبها مش ميت ولا حتى كانت باقيه على حد ، المهم كانت عايزه ايه؟
اشرف: بتقول انها عايزه حقها ف تركة فايز الله يرحمه و عايزه تظهر من تانى
فارس: يقوم يقف وهو بيخبط ب ايده على الكرسى وبيزعق جامد اوى ، قولها مش هيحصل لو فااكره ان ابويا ماااات وهضعف قدامها تبقى بتحلم
اشرف: اهدا بس يا فارس العصبيه دى مش حل
فارس: بص يامتر الموضوع خلص خلاص وياريت توصلها الرساله دى قولها فاارس بيقولك لو قربتى منه تااانى هيأذيكى
اشرف يتخض من الجمله لان دى مش شخصيه فارس خالص ده حد تانى
فارس يخرج من باب الڤيلا وهو متنرفز و روايدا واقفه على السلم مذهوله
اشرف: ازيك يارويدا؟
روايدا: الحمدلله ، هو فى ايه؟؟
اشرف: لا ياحبيبتى ابدا دى مشاكل شغل ماانتى عارفه فارس حامى اوى فالشغل
روايدا: ايوه فارس حامى ف شغله بس مش مؤذى !!!
اشرف : ميعرفش يرد عليها ويمشى من سكات
روايدا تروح الشركه وهى مصممه تعرف ايه اللى حصل ومين دى اللى كان بيحكى عنها
******************
فارس : فى العربيه والسواق ماشى براحه وقلقان ، مالك ياعم جمال ماشى براحه كده ليه ؟
جمال: اصل يافارس باشا العربيه فيها مشكله والمفروض اوديها للميكانيكى بس حضرتك مستعجل
فارس: طب اطلع على الميكانيكى يلا
جمال: وحضرتك هتاخد تاكسى؟
فارس: لا هاجر معاك انا مستعجل جدا لكن مش هبهدل نفسى فى التاكسى يلا ياعم جمال عشان الاجتماع قدامه ساعه ونص
جمال: بس الميكانيكى ده فى منطقه شعبيه اوى وخايف حضرتك تدايق
فارس: لا مفيش مشكله يلا بقي
جمال يوصل بالعربيه عند الميكانيكى اللى قدام بيت ايمان
فارس ينزل من العربيه ويبص للمنطقه وهو بيشيل نضارته من على وشه ومستغرب الناس اوى
ايمان جايه من اول الشارع لابسه بنطلون جينز وتيشرت وشايله شنط من السوق وهو جاله تليفون من روايدا
فارس: لا ماتبدئيش الاجتماع ان جاى ، اسمعى الكلام يا روايدا
ايمان :اتكعبلت ف وبه قدامه راحت واقعه عليه بالشنط ف الارض ، ااااه
فارس : تحت وهى فوق والشنط بينهم ، فا باصص ف عنيها وسرحان بس فاق على غضب ، اوعى كده ايه القرف ده
ايمان : تقوم وهى بتزعق والناس حواليهم ، انا برضو اللى قرف ولا انت بتتكلم ف الفون ومش شايف
فارس: يبص على البدله يلاقيها كلها طماطم ، يانهااار اسووود هحضر الاجتمااع ازااى دلوقتى
ايمان: احسن يارب مديرك يرفدك عشان تتعلم بعد كده تقف على جمب وانت بتتكلم
فارس: لسه هيتكلم لكن جمال خرج من الورشه وقاطعهم
جمال: اهلا ازيك ياايمان يابنتى
ايمان: ازيك ياعم جمال
جمال: انتو اتقابلتم طب كويس عشان تتعرفى على مديرك
فارس وايمان يبصو لبعض ويبصو ل جمال
ايمان: مدير مين؟
جمال: ما هو فارس باشا يبقى ابن فايز باشا الدمنهورى الله يرحمه صاحب الشركه اللى انتى هتقدمى فيها
فارس: يبصلها ويحط ايده ف جيبه وهو متنك اوى وف عينه نظره انتصار
ايمان: تحط ايديها على وشها وتبصله من بين صوابعها وتجرى على فوق
جمال: هو فى ايه؟
فارس : لا ابدا يلا بينا؟
جمال: تحت امرك ياباشا
فارس جاب بدله وهو ماشى ف طريقه وراح الشركه ودخل الاجتماع
فارس : والشغل هيمشى زى ما اتعودنا طبعا وموت بابا المفروض يخلينا نحافظ على الشركه اللى حقق فيها كل انجازاته
روايدا طول الاجتماع مش مركزه غير ف بدله فارس
فارس : الاجتماع خلص ياريت تتفضلو على مكاتبكم
كل الموظفيين مشيوا و روايدا واقفه قدام فارس
روايدا : والله بتهز ف رجليها ورافعه حاجب ومربعه ايديها وبتبصله
فارس: استغفرالله العظيم
روايدا: ترزع الفايل اللى ف ايديها قدامه وتقعد على المرسى ، ماالك شوفت عفريت
فارس: يبتسم ابتسامه غصب غنه ، لا شوفت روايدا بنت عمى اللى بابا بلانى بيها ف الشركه وعمى موصينى عليها ف البيت هى واخواتها
روايدا: عندى سؤالين لا لا تلاته
فارس: اتفضلى صدعينى
روايدا: اولا فين بدلتك اللى نزلت بيها م البيت
فارس: وثانيا وثالثا عشان ننجز عندى شغغل
روايدا: مين الست اللى كانت عندنا من اسبوع ورفضت تدخلها ونبهت على الامن ومين الست اللى كنتو بتتكلمو عليها انت واشرف
فارس: مجرد ما يسمع سيرة الست دى بيتجنن وبيكون شخص تانى خالص ، يقوم يمسك روايدا من ايديها اياااكى تجيبي سيرة اى حاجه من دى تاانى او تقولى ل اى حد انتى فااهمه
روايدا : تزء ايده ، انت متجوزها صح متجوزها من وىايا وبتخونى
فارس: انتى هبله يابنتى والله انتى اختى زى رنااا افهمى بقي وفووقى واعرفى ان احنا اخوااااات مش اكتر
روايدا:___________
السكرتيره تخبط وتدخل معاها اظرف البريد
روايظا تمسكهم وتقرا عناوينهم كلهم تبع الشغل معادا ظروف واحد بس لونه موڤ وعليه فيونكه وبرفبوم تحفه قلب المكتب
فارس: مدى ضهره ل روايدا بس بمجرد ما شم البريفوم برء واتجنن ولفلها بسرعه قبل ماتفتحه
روايدا ماسكه الظرف ومكتوب عليه "ع. ف"
فارس: مسك ايديها قبل ماتفتحه
الى اللقاء ف الفصل الثالث غدا بأذن الله
#بقلم يويو علاء
