حلقات خاصة لابطال"ماضي العشاق"

حلقة بمناسبة عيد الحب 💞 "الجزء الاول"

عدة سنين و تمارا و حورية و اسر بقو 12 سنة و في أولي اعدادي
و حمزة بقا 14 سنة تانيه اعدادي و مليكة بنت بيسان و سامر  5 سنين و في كي چي 2 و يغيث ابن أميرة و كرم عنده 7 في تانية ابتدائي .. العيلة كانت هادية و جميلة و مافيش مشاكل غير بس دوشة الولاد و كده....

في قصر الحديدي
اشرقت الشمس كل عادة لاكن كان القصر ظلمه برضو لأنه كان الستاير منزوله الكل صحي علي صوت المنبه
في اوضة البنات
تمارا صحيت بنشاط و راحت تصحي اختها حورية
تمارا: بت حورية اصحي
حورية بتتمتع: هاا
تمارا: اصحي ورانا مدرسة
حورية: مش قدرة
تمارا: براحتك هخلي ماما تصحيكي بالشبشب
حورية قامت فجأة: خلاص يا تيمو خلي قلبك ابيض
تمارا: طيب ياختي قومي بقا
حورية: قومت اهو
تمارا راحت لمليكة
تمارا: مليكة كوكي يلا اصحي
مليكة بنعاس: صباح الخير يا تيمو ( وبستها من خدها)
تمارا: حبيبه تيمو ياناس يلا قومي عشان باس المدرسة
مليكة قامت: حاضر قمت اهو
في اوضة الاولاد
حمزة صحي و راح للتواليت و يغيث قلق
يغيث: اسر يلا قوم
اسر بنعاس: اشش سبني انام
يغيث: يا خويا قوم بقا
اسر فتح نص عين: نعم
يغيث: نعم الله عليك قوم ورانا مدرسة
حمزة خرج: لسه نايمين
يغيث: انا صحيت من زمان اسر الي مش راضي يقوم
اسر: سبوني اناام
حمزة غمز ليغيث و يغيث فهمه وقام جاب الازازة و رمها علي اسر
اسر بخضة قام: الحقوني بغرق
حمزة و يغيث ميتين من الضحك: هههههههههههههههههههه مش قااادر
اسر: والله لاقول لماما و لخالتو أميرة و أسيل
حمزة: بس يلا
في اوضة اميرة و كرم
أميرة صحيت قبل كرم و دخلت خدت شور و خرجت كانت لابسه الروب و شعرها مبلول
أميرة في سرها: لسه كرومه مش صحي..اممم عندي فكرة ( و راحت قعدت جمبه و حطت شعرها علي وشه )
كرم بضحك بنعاس: هه صباح الياسمين علي حبيبه قلبي
أميرة بصته من خدها: صباح الفل علي حبيب عمري
كرم قربها منه و بسها
أميرة: هههه ايه الرومنسيه دي ياحبيبي
كرم: ما انا رومنسي كده علي طول
أميرة: امم .. طب يلا قوم بقا عندك اجتماع انهاردة
كرم: ماشي
كرم ظبط نفسه و راح لها و كانت أميرة بتلبس
كرم حضانها من ظهرها: قمر يا ناس متجوز قمر
أميرة: ههه يلا اجهز انت كمان
كرم بضيق: ماشي
كرم بسره: مالها دي كل ما اقرب بتبعد ماشي يا اميرة
في اوضة بيسان و سامر
بيسان كانت نايمة و سامر لسه طالع من الشور
سامر: بيسان كل ده نوم
بيسان نايمه لسه
سامر راح لها و بسها من خدها: حبي يلا اصحي
بيسان بدائت تصحي: اممم
سامر: يلا يا حبيبتي اصحي
بيسان: الساعه كام
سامر: ٨:٣٠
بيسان قامت مخضوضة: ايه أنا اتاخرت انهاردة
سامر غمز لها: شفتي انا انهاردة قمت قبلك ازاي
بيسان: المفروض اكون اكتر من كده من العمايل الي بتعملها فيا بليل دي
سامر ببراءة: بعمل ايه يعني
بيسان: انت جرئ اوي
سامر بخبث: حد يكون معاه الجمال ده و مايكونش جريئ
بيسان: ههه طب اوعي بقا خليني اشوف البنات صحيو ولا لسه
سامر بغيرة: هتنزلي كده بالروب لاحمر
بيسان: فيها ايه و كمان مافيش حد غريب
سامر بضيق: في كرم و زياد و بابا
بيسان: اولا كرم و زياد مراتتهم ماليين عنيهم و انكل شادي بيعتبرني زي بنته
سامر: لا البسي حاجه عدله
بيسان: خلاص هقوم اهو
عند اوضة أسيل و زياد
أسيل صحيت و صحت زياد
أسيل: يلا قوم
زياد قام بس لسه علي السرير: نفسي اناام
أسيل: ما انت نايم من الفجر
زياد: شوفي قولتي ايه من الفجر
أسيل: ههه طيب قوم
زياد: والله قومت اهو
أسيل: اقصد ادخل التواليت و البس و ظبط يلا
زياد: طب تعالي معايا
أسيل قرصته: قليل الادب
زياد: الكل عارف
أسيل: طب قووم يلا يلاا ( وبتزقه)
*********
الكل صحي و نزل تحت عشان يفطر
سامر: هقوم انا بقا كرم و زياد خلصو
كرم: طب براحه علينا انت مستعجل احنا مش مستعجلين
شادي: سامر عنده حق خلصو الاجتماع مهم اوي
زياد: انا خلصت
أميرة بتهمس لاسيل: بيقولوا أن في الاجتماع بت كده حلوة و مزة و بشعر احمر
أسيل: و زياد هيبقي موجود
أميرة: اكيد
أسيل بغيرة: طب عاوزة امنعه
أميرة: احسن لك تروحي بعد الاجتماع تشوفي البت معاه ولا ايه
أسيل بغيرة : طب
بيسان: بس يا رخمه بتقوليلها كده ليه
أميرة: برد لها الي عملته فيا
بيسان: انتي عارفه عقلها لسه بيبي خلفت ولسه طفله اهي
أميرة بضحك: ههههه هموت هههه
بيسان: اسكت ياختي
عشق: انا هروح عند مروة شوية
أميرة: اوك سلمي لي عليها
كرم: انا ماشي سلام
أميرة: سلام يا روحي
كرم بصلها بعتاب: سلام
أسيل: بيبص لك كده ليه
أميرة: تلاقيه زعل بس انا عاوزة اعملهاله مفاجأة خلاص ابقي اروح الشركة
بيسان: مفاجأة ايه هاه
أميرة: انهاردة الفلانتين و حبيت اعمل له مفاجأة
أسيل: اه صحيح فكرتينا
_______________________________
الكل راح لشغله و في نص اليوم عند أميرة
أميرة: بيسان انا خلصت كل حاجه هروح بقا للشركة زمنهم خلصو صح ؟
بيسان: اه لسه قفله مع سامر بيقولي أنهم خلصو
أميرة: تمام هروح بقا
بعد ما مشيت أميرة
بيسان: انجي انا برضو خلصت كل حاجه انا همشي هاه
انجي: مالكم يا كنات الحديدي ريحين فين
بيسان: ابقي اقولك بعدين
عند أسيل
أسيل كانت بتشتغل بعدم تركيز و كل الي في دمغها الي قالته أميرة
أسيل: لا انا هقوم احسن
يارا صحبه اسيل: رايحه فين انتي مالك انهاردة مش مركزة ليه
أسيل: هحكيلك لما ارجع
و الكل انطلق علي الشركة
أميرة وهي بتسوق العربية: الو تمارا انتي خلصتي
تمارا: اه يا ماما في حاجه ؟
أميرة: بصي يا حبيبتي روحي علي اوضي هتلاقي علبه كبيرة مش تفتحيها انا عارفه فضولك هاه .. تعالي و جبيها علي شركة كرم
تمارا وهي بتوقف تكسي: تكسي لحظه... طيب يا ماما
أميرة: خلي حمزة يوصلك الكلام الي قولته يتسمع باي
تمارا: حمزة ايه دلوقتي اوفف
أميرة وصلت علي الشركة و في نفس الوقت الي وصلت لقت الاتنين وراها
أميرة: انتو
أسيل: بتعملي ايه هنا
أميرة: انا كنت رايحه لكرم
أسيل: طيب هروح انا
أميرة: وانتو
بيسان: كنت جايبه اكل ليامر عشان مش كل حلو
أسيل: انتي عارفه عماله تقولي بنت و شعر احمر و اصفر
بيسان: ههه تمام يلا كل واحد يروح لحبيبه
تمارا جت: اهو يا ماما العلبه
أميرة: تمام
حمزة: ماما انتي هنا
تمارا: العصابة هنا
أميرة: بس يابت اسكتي
بيسان: ههه اه انا رايحه لابوك هتيجي معايا
حمزة: ماشي كنت عاوز اسئله علي حاجه يلا
بيسان و حمزة راحو للمكتب بتاع سامر واول ما فتحت الباب اتصدمو ....
عند أميرة
أميرة دخلت: كرومه انا جيت .....هاااه انت مين......
عند أسيل
أسيل فتحت الباب باندفاع: قفشتك .. هااه يعني بدل بنت الاقيك مع شاب
زياد: يا بنت الكلب مخك ده محتاجك تنضيف والله
الرجل صوب المسدس عليها: مين انتي
أسيل: يالهوي
عند تمارا
تمارا: انا لازم اعرف العلبه فيها ايه اه اعرف ايه يعني ما انا جبتلها العلبه يلا اروح
تمارا راحت براحه تشوف أميرة و كرم و اتفجأت.....
_______________________________

البارت خلص يا حلوين
و فلانتين سعيد
و يا سناجل تعالو نسهر مع بعض😂😂
اشوفكم بكرة في تكمله الجزء
بحبكم ❤🌸

#اميرة_الشربيني
#ميرا_نوفيل
#حلقات_خاصه_لابطال_ماضي_العشاق
#ڤلانتين