رواية صندوق الامانى

القصة كامله

مقدمة (صندوق الامانى) 🌹

ياترى الاحتياج بيخلى الشخص يعمل المستحيل عشان يوصل للحاجه اللى بيتمناها

طيب ياترى فى حد ممكن يخاطر بنفسه عشان يحقق امنيه لحد بيحبه

مش اى حاجه تتقال تبقى هى الحقيقه

مش دايما اللى بنشوفه بيكون الحقيقه اوقات الحقيقه بتكون مستخبيه وراء حجات تانيه كتير

ليه بنفسر الحجات على مزاجنا ابحث عن الحقيقه بعقلك وماتمشيش وراء كلام الناس والاشاعات

القصه دى من اجمل القصص اللى عندى فكرتها جديده وغريبه

هتكون خيال وغموووووض وتشويق وشويه رعب على خفيف ودراما ورومااانسى

الفكره مش هتلاقوها اتعملت قبل كده بنتمنى تعجبكم 💕💞💔

الابطال 🌹

البطله :امانى

البطل : حاتم

ام حاتم : الحجه كوثر

اخت الحجه كوثر :الحجه سعاد

شخصيات ثانويه 🌹

الحج متولى

تامر

رحاب

باهر

بقلم حكايات سومو (s,m)

((القصة))

(امنية البيت)

الحج متولى موظف فقير عنده 7 اولاد عايش فى شقة صغيرة جدا اوضة وصالة مكنش بيعرف يتحرك فى الشقة ولا هو ولا مراته ولا اولاده كان بيتمنى يقدر يشترى شقة بس مكنش معاه فلوس لان مرتبه صغير يادوب بيقدر يعيش بيه وفى يوم وهو قاعد فى الشغل بيشتغل سمع زميله فى الشغل بيتكلم وبيقول سمعتو عن صندوق الامانى ده حد فيكم سمع عنه فكلهم قالو طبعا ده بقى مشهور جدا فالحج متولى قال هو ايه صندوق الامانى ده فقاله هو فى حد ميعرفهوش ده صندوق فى الصحراء وبيقولو الى بيروح هناك ويكتب امنيته ويسبها فى الصندوق ده الامنية دى بتتحقق على طول فالحج متولى قال وهو الصندوق ده فين

فزميله طلع خريطة من جيبه وقاله الخريطة دى فيها مكان الصندوق دى بقت منتشرة فى كل مكان الحج متولى اخذ الخريطة وفضل سرحان وبيفكر وبعدين رجع البيت ومراته عملتله شاى وهو بيشرب الشاى طلع الخريطة وفضل سرحان فيها فمراته قعدت جانبه وقالتله ايه الى فى ايدك ده يامتولى فقالها دى خريطة الى هتوصلنى لصندوق الامانى فقالتله ايه صندوق الامانى ده فحكلها فقالتله استغفر ربنا مافيش حاجة ممكن تحقق الامانى فقالها انا قررت انى هروح واطلب شقة فقالتله انت اتجننت اطلب من ربنا مش من صندوق فقالها انا هروح واجرب حظى مش ممكن يطلع بجد ويبقى عندنا شقة بدل ماحنا قاعدين هنا عملين شبه علبةالسردين والفجر قام ولبس هدومه فمراته صحت وبصتله وقالتله انت ناوى تروح بجد يامتولى انا كنت بحسبك بتهزر فقالها طبعا هروح انا بتمنى الشقة من زمان لازم اروح فقالتله طب والشغل فقالها مش مهم هاخد النهاردة اجازة ونزل وركب قطر ووصل لمكان الصندوق الى فى الخريطة الصندوق ده كان فى مكان بعيد مافيهوش ناس مكان صعب الوصول ليه واول لما الحج فوزى وصل للصندوق قال اخيرا وصلت فبص للصندوق وكان الصندوق ده من الحديد وكان عليه صدى وتراب كان شكله مخيف جدا وكان الصندوق ضخم جدا فقرب من الصندوق لقى مكتوب عليه سيب اسمك وعنوانك واكتب الامنيه الى بتتمناها فالحج متولى كتب بيناته على ورقة وكتب