- تفاصيلك باتت ترهقني جداً ولا أريد معرفة المزيد عن عالمك أرحل ودع لي قلبي ارجوك
🍃🍒🍃🍒🍃🍒🍃
غاتن ... يمة وعد صدك السمعتة يمة
وعد ... سمعتي عيون وعد
غاتن ... بداية الشهر جاي هم عدكم دورة ماترتاح
يايمة ضروري ترحون انت ولد عمك
وعد .. اي حبوبة صحيح ياالغالية راحتي من راحتج
لاتهتمين وهل مرة هم بس انا و رعد رايحين
وفهد راح يظل وي ابوي بالديوان وفيصل راح
يكون بالمركز
غاتن ... وهل مرة بيا محافظة ترحون
وعد ... لا هل مرة باقين بالبصرة دورة راح تكون بيها
غاتن ... الحمد لله يمة
وعد ... ترخصت من حبوبة وطلعت للديوان رعد
وفيصل بالمركز هسة وفهد وياي بالديوان خبرتهم
البارحة على دورة بداية شهر جاي لازم اني ورعد
نروح بس الي شاغلني عملية وسام شلون فهد وفيصل وشباب راح يتواجدون وياه بس وجودي
اني ورعد ضروري هذا ابنة لهسة اذكر قبل
اربع سنين من داهمنا بيت العصابة وجان اكثر من عشر اطفال مخطوفين اعمارهم ماتتجاوز العشر سنين واصغر واحد وسام 3 سنين كدرنا نوصل
لاهالي كل لاطفال بس وسام لوحيد ماليكنة ولاتوصلنة لاهلة جان مصدوم او خايف وحكة طفل
وبهيج عمر نخطف كوة عرفنة منة اسمة من كال وثام بذيج سنة مدة شهرين واحنا ندور على اهلة
وهو تعلق بية وبرعد فهد وفيصل لان جان يبقى
يمنة اكثر من غيرنا لحد ماايسنا انو نلكة اهلة
واول مرة اني ورعد نسوي شي يخالف مبادئنا
وزورنا اوراقة وطلعنة الة جنسية وهو هسة يتيم
ولكل يعرف بهل شي بس محد يكدر يحجي لان
اعتبرتة ابني وخبرت لكل بهذا شي وهو صار يكلي
يابة وعد مو بس اني بمرور لوكت حتى رعد وفيصل وفهد هم يكللهم يابة كبر بعيونة وهو ابن النة
اربعتنة بس صار بوكت الجو المغبر حيل يختنك توقعت عندة ربو بس من اخذتة لدكتور جان عندة التهاب حاد بالقصبات الهوائية ...
🍃🍒🍃🍒😉🍒🍃
نبراس ... ولججج عسل اكعدددي الخط خبص لامة
كووومي
عسل ... ويخبصها ماكوم نعسانةةة والله نعسانة
شوووكت اتخرج واخلص عاد كل يومية دوام دوام
دوام من صباح الله خير مايخلون دوام ساعة 10 او 12 شيصير يعني
نبراس ... لاعيني شيصير يعني يخلو علمود ب12 واذا تردين ب2 هم كووومي ولج
عسل ... روتين ملل كمت من جرباية سحلت نفسي
للحمام اسبح واولي للكلية خفت عاد لو نصبح باسمر
حليووو ماكووو سبحت على راحتي وكشخت
الكشخة زينة وطلعت بس ابن لوادم عايفني
هسة واذا تاخرنا يعني شيصير لخاطر الله تمشيت
لحد ما وكفت على رصيف اتاني تكسي تجي بس
هو ليوم من اولى مبين خربان اشرت لابو كية وصعدت جانت مقبطة الا شوية كعدت وكبالي
كاعدين شباب ثنين كدامهم جنط اتوقع منتسبين
بالجيش وهل شي تاكدت منة من حجيهم حيل
جذبني حجيهم وركزت حيل وياهم وخطرت
بالي فكرة جهنمية 😈😈😈 وصلت للكلية
متاخرة بس قابل افوت للمحاضرة على لحم بطني
طفرت للكفتريا اجيب شي الية اكلة 😄😄
🍃🍒🍃🍒🍃
شهد ... ياويليي تاخرت ماما تاخرت لية مكعدتيني
اليوم ليث يطردني والله 😭😭😭
طفرت بسرعة للحمام وطلعت ركض حتى شعري
شلون ماهي شسورتة ركض واختاريت لبس
بسرعة وطلعت من البيت بس بملزمة ليث بيدي
وجنطة احتركوو نسيت تلفون رجعت ركض
للبيت اخذت تلفوني وطلعت ركض
وبسبب لازدحام هم تاخرت لايالله 😭😭😭نطردت
والحمزة هسة يخليني وي اي واحد بالبحث
اووف اوف من لحظ زفت وصلت للكلية والله ماامشي كل خكوة اطفر طفر عبالك عندي سباق بس عوزني اركض طبيت للقسم وللقاعة ركض بس
تفاجءت بهاي عسل واكفة كدام باب القاعة وتحجي
وي نفسها انو تضرب المحاضرة او لا كتلها
... نضربها احسن
🍃🍒🍃🍒🍃🍒🍃
دلال ... ميسووون شسوي غدا
ميسون ... يايايا ولج ليةةة تخليني اهفج بالنعال
لعد عمة وين شني ميسووون ولج اخيتج صغيرة
اني
دلال ... والله ليشوفج يكول اختي جبيرة اشو
جسمج يخبل بنت ال38 مو اربعين
ميسون ... عوذةة مخلية عيونج عليةة اكوول لية
رجلية يوجعني وماكدر اكووم اكيد عينج ماتوكع بكاع
دلال ... غير عجزتي وماتكدرين دكومين
ميسون ... ولج شني انتي كل شوي براي ثبتي
على راي لو بنت 38 لو عجزت
دلال ... لا اثبت على بنت ل38 ماريد اكير لمعرس
اذا اجة عليج
ميسون ... والكعبة ماتجين الا بنعال
دلال ... اااه ادري قناااص مو ايد والعباس زين
زين شسوي غدا
ميسون ... بكيفج
دلال ... راح اسوي بريااني اي بس عندي نقص
بالمواد راح اروح اجيبهن ميسونووو
ميسون ... واني اكووول شعجب اليووم ماطلعتي
هاي راح اطلعين ولج اكعدي بالبيت
دلال ... شيكعدني يلا باي اجيب لغراض واجي
... رحت اجيب لغراض من ابو محمد هو بالفرع ثاني
عندة محل اشوف لمواد لاريدهن موجودات عندة
او لا بس من شفت اخت سهى صغيرة اذكرت
اريد اشوفها سوت بخصوص لبلاغ لقدمتة على جلب
ابن خالتها مدري ابن خالها لمتحارش بيها كلت
باجر اروح لها ورحت سوكت ورجعت للبيت اسوي
غدا بس قابلت لعكرة مهند لزكةةة هذا اثول عاشك
ولهان مراهق
🍃🍒🍃🍒🍃
❤❤
😍😍
طعَم ضحكة طفل طعمَك❤
# عشك الأسمر
أنت تقرأ
❤ عشك الاسمر
Roman d'amourالمرأة الجميله قد تغري جيشآ من الرجال اما القويه يقع في غرامها قائدهم ❤ الروايه والشخصيات خياليه 😻Mear_98
