#🕒ساعاتنا في الحب لها أجنحة🕊،، ولها في الفراق مخالب💔
🍃🍒🍃🍒🍃🍒🍃
فرح ... فرح فرح فرح الله ماياخذ فرح ادري اناا
الف مرة اكول مكتوب على كصتي بنغلادش وهلكد
اسمي بلسانكم كل نهار فرح تعالي فرح سوي هيج
روحي هيج جيبي هيج ادري ترى والعباس انا
لحم ودم مو حديد على كيفيكم وياي
هاجر ... ولج تسكتين ودكومين لابالنعال على راسج كومي لاسمعيني صوتج لو بس شاطرة تصفنين بابو غمازات
فرح ... ايباااه بس طاريه يبرد نار كلبي ابو غمازات
بعد شاروخان كلبي وعشكي وم اااه خلص خلص رايحة
هاجر ... ماتجين الا بالعين الحمرة ربي فدوات عينك
المن طالعة هل بنت
فرح ... مو اكلج خل نسوي تحليل جوز اطلع مو بنتج
ومغييريني وي بنتج بالمستشفى
غاتن ... ولج فريخةةة انتي حتى مانولدتي بالمستشفى يم القابلة ام عباس هي جيبت امج
فرح ... عزاءءء من مايكول هي بدلتني وي وحدة ثانية واطلع مو بنتكم 😢😢😭
غاتن ... لا يالحمزة بنتج مسودنة هاجر تحوك القصة
وصدكها بخت لياخذج يامكرود
هاجر ... والله يعمة اتحسر على لحظ لعندة خطية
فرح ... فدوة ونذر الي جااا غير حلاة وبنت شيوخ يلكة مثلي فرح عكاب ال قاسم
غاتن ... والنعم بس ناقصة عقل وطكة خبال ولسان
اطول من طولها شبر مووو ولج ان ماكسرت هل عوجية على ظهرج مااسمة غاتن
فرح ... حبوبة عليج العباس ماسالتي اهلج لية سموج غاتن شني معناتة عود
غاتن ... خايب هو انا شفتهم من جنت صغيرة ماتو وراحوا الرحمتة لواسعة
هاجر ... الله يرحمهم
فرح ... الله يرحمهم اي حبوبة اكووم على شغلي لاهاجر هسة تشكيني لابنج وتسويها قصة قيس وليلى
هاجر ... يايايايا ولج صرت هاجر ياطايحة الحظ
فرح ... افلتتتتت
... ركضت للمطبخ يم نسوان اخوتي خطية رشا جانت سوي الغدا وزينة راحت ودت جاي لامي ولحبوبة كعدت يم رشا وين اولي هسة كملت شغل
وكعدت لاشغل ولا مشغلة وصخلة نور ماكو هل يومين مختفية ثولة شوية وسمعت صوت كليبي
اوف يمةةة فديت الصوت والله
رشا ... فروحة حبيبتي شوفي فهد واسئلي عن وسام اروحلج سبع فدوات
فرح ... اي خية هسة اسئلة
... طلعت من المطبخ ورحت للصالة جان واكف ويحجي وي حبوبة وامي و حسن واكف بصفة
فهد ... لاحبوبة اجيت اسلم عليج وارجع للديوان وي
عمي
غاتن ... الله وياك يمة بس كلي وسام شلون صار هسة
أنت تقرأ
❤ عشك الاسمر
Romanceالمرأة الجميله قد تغري جيشآ من الرجال اما القويه يقع في غرامها قائدهم ❤ الروايه والشخصيات خياليه 😻Mear_98
