الشيبرز الي احبهم الي انآ شيبر لهم(:

تعريف عني😅

اسمي لارين
عمري 14سنة
من السعودية تحديداً مكة
اطلع صف ثالث متوسط
امم بصراحة معرف ايش اقلكم عني غير ذي الأشياء
بِسَ بقلكم عن الفرق الي انا فان لها
او عن بداياتي بالكيبوب لأن انآ مو جديدة بالكيبوب بالعكس يعني لعمري اعتبر عجوزة😅
انآ لي بالكيبوب5سنين بديته كيدراما بالبداية كنت اشوف بنات عماتي يسمعون اغاني الكيبوب ويرقصون عليها فكنت ارقص معاهم ومعرف ذولي ايش او مين الكوريين كنت سنة ثالث ابتدائي فلما وروني مين هما الكوريين وسمعت كيف ان العرب يقولون عنهم عيون مشخطة ومن ذا الكلام فصرت اقول لبنات عماتي يع كيف تحبونهم اصلاً مو حلوين كنهم بنات الزبدة اني كنت كريهة وناشبتلهم😂😂
بِسَ جت فترة كنت احب اغاني البنات واحب اسمع اغاني اي بينك وسنسد وسوبر جونير بِسَ معرف ايش يعني فان ولا شي ف ايامها ام بي سي دراما كانت تجيب مسلسلات كورية مدبلجة🌚
فكنت انزل عند جدتي ونتابع انآ وهيا ركزو معي اني كنت سنة رابع طيب🌚😂
فكنت اتابع قبلة مرحة تخيلو اخواتي رابع ابتدائي وقبلة مرحة هو المسلسل ماكان فيه شي بِسَ الأسم وبرضو اني كنت صغيرة فأنا طفشت من التلفزيون اقعد استنى كل يوم حلقة فقلت بتابعه عالأيباد فجيت عند امي وقتها امي كانت مشغولة قلتلها امي بتابع مسلسل كوري عالايباد اسمه قبلة مرحة امي ماسمعتني لين قبلة مرحة فقالتي طِيبَ روحي مر كم يوم وانا بِسَ عالأيباد اتا بع المسلسل ولا فجأة تجي امي تسألني انتي ايش عندك بِسَ عالأيباد قلتلها يا امي انآ قلتلك اتابع مسلسل كورية هنا كانت الصدمة لأمي قالتي ايش قلتلها ايوا ترا قلتلك قامت سألتني وايش اسمع(:؟هنا كانت الخرشة بصراحة لأني استوعبت الأسم بِسَ ماكذبت وقلتلها اسمه امي هنا جاتها جلطة وقعدت تقولي لساتك بزرة وتتابعين مسلسلات زي كذا وقعدت تخاصم قمت جبت مدافعين وقالولها ان المسلسل عادي
المهم مدري ليش قلتلكم سالفتي مع امي بِسَ بصراحة تضحك
فكانت بدايتي كيدراما الترم الثاني بسنة رابع شفت اكسو ومعليش قلبي طلع مو بِسَ خفيف الا الي بعده المهم اني حبيتهم وقلت لآ لازم اتعرف عليهم فتعرفت عليهم وحبيتهم وانجلطت اني وقتها كانو لوهان وكريس طالعين ما مداني احبهم ولا لعدها بمدة سبرايز تاو طلع اتز اوكي يادمعة دونت تطيحي🌚💔
فصرت اكسوالز وليومكم هذا مقدرت اختار البايس من اكسو كل شوي بايس،فبعدها بفترة بدأو يظهروا بي تي اس وكانت فيه تحليلات واختبارات شوي انتي تنتمين لأي فاندوم اكسو ولا بي تي اس عاليوتيوب فوقتها قلت بدخل وهه اكيد اطلع اكسوالز فلما دخلت الاختبار ۆ آلله اختكم بالله لاهي عارفة تجاوب  علـّۓ اكسو ولا بي تي اس😂فوقتها خلاص ارتفع ضغطي وكرهت بِي تي اس ولا تسألوني ليش🌚 فبرضو بعدها بفترة شفت مقطع عاليوتيوب الي شوي ايتها الفتاة العربية ماذا يقول الرجل الكوري عنك-ايام الملحجة🌚💔-انآ مدخلت عشان الكلام دخلت عشان صورة جونغكوك كانت محطوطة عالمقطع بأيام اغنية فاير فخرفني شكله موة وحبيته فدخلت عشانة ابغا اعرف مين ذا و ۆ آلله عاد دخلت المقطع وخلص المقطع والنتظر ما طلع وعصبت وقتها ليش ماطلع وخاب املي فبعدها بكم يوم اشوف الناس هابين بفاير وبي تي اس فقمت دخلت الأغنية وانا اسمعها ومندمجة وكل شي فجأة الاقي جونغكوك يطلعلي بنفس ذيك الصورة وقتها عقلب بغا يطير وقعدت اصارخ وخلاص انتا حبيبي ومدري ايش وصرت اقول انآ احب بتس ركزو اني احب بتس وار ام ماكاني يعجبني وتاي كنت اقول عنه غثيث وثقيل دم وجيمين كنت اقول عنه مدلع وجين عشانه يحب اللون الوردي كنت اقول بنت-كنت وصخة وربي-وبعدين بقدرة قادر  مدري وش صار صرت اعشقهم مرة وصرت ارمي بعدها بفترة بدأت تطلع الحروب بي الطيزوال والخراميز فرقتي احلا وفرقتي احلا وقتها وربي مرة انقهرت يعني خير ايش في ليش تكرهونهن وش سو لكم والمصيبة الثانية ان الفرقتين مابينهم عداوة
.
.
.
.
فلو تذكرون كنت احب اي بينك وسنسد لما تعرفت  علـّۓ فرق العيال سحبت  علـّۓ اهل اهلهم وما صرت احبهم😂😂💔
اي فرقة بنات ماكانت تعجبني وماكنت ابغا فرق العيال يقربون من البنات وكنت اغااار- علـّۓ اساس بيجون يواعدوني😂🌚💔-
ذي القصص بالنسبة ل اكسوتان
.
.
.
فا الفرق الي انآ فان لها:
تكست
ستراي كيدز
مونستا اكس
قوت سفن
ذا بويز
السوجو
شايني
ايكون
وينر
سفنتين
وانوان-سابقاً☹️💔-
انفنيت
بي توب
ترا مو محلتي لهم بِسَ كذا عشانهم فرق عيال لآ اعرفهم واعرف اساميهم وكل شي واي فرقة بتطلع بالمستقبل انآ احبها وانا فان لها(:
واي فرقة عيال تبغون تعرفوني عليها عادي بحبهم من الحين اقلكم(:
.
.
.
.
اما بالنسبة لفرق البنات حتى الي مو فان لها مو معناتها اني هيترز واجحد مواهبم لآ عادي واسمع اغانيهم وكل شي بِسَ فرق بنات فان لها احب اكسايد ومامامو وكارد ذي بالنسبة للفرق
واحب الفنانات المنفردات زي:
سونمي
تشونقها
هيونا
جيسي
.
.
وشوفو بالنسبة لسندسد ما اكرهم بالعكس انآ سوان مرت فترة ما احبهم بِسَ بعدين لما تعمقت فيهم حبيتهم
ويما نسيت بناتي فلافل-ريد فيلفت-
احبهم كلهم بأستثناء ييري بصراحة ما اطيقها ابداً ومرة انقهرت لما دخلوها الفرقة ولاتسألوني ليش ما احبها وخلاص
احب جيسو من بلاك بينك مرة مرة احبها تقريباً بِسَ هي
وجيهيو وجونغيون ومينا وداهيون وتشايونغ من توايس

وبس ذا الي كان عندي لليوم وفرق البنات الي اسثنيت الي احبهم مو معناتها احب الفرقة ولا اكرها وانتهيت

كانت معكم صديقتكم نانا💛💛-اسم دلعي(:-