#اختطاف 8
صقر:طق علي باب سمر اكتر من مره.....افتحي نبيك في كلمتين
سمر:فختحت الباب وهيا مبتسمه
صقر:قعد ساكت ويشوفلها
كانت سمر لابسه سروال اسود مع فانيليا رقبه صوف عنابيه وقايمه شعرها
سمر:مش هكي احسن😊
صقر:احسن اي مهم انا ب....
سمر:انت شنو😊
صقر:به علاش الابتسامات الزايده هيا خير متاخذي كف يعوجلك فمك حركات البنات منحبهمش
سمر:😂😂😂به خلاص شنو كنت بتقول
صقر:عندي عرس اختي الاسبوع الجاي لازم نروح
سمر:تغيرت ملامحها..به؟!!
صقر:رح نمر عليك كل يومين نشوف شنو ناقصك
سمر:بلعت ريقها....بتخليني؟
صقر:امالا بنرفعك؟؟؟؟وين عقلك انتي
سمر:بتوتر...تت تمام امتى بتمشي
صقر:بكرا مع الضهر
سمر:تمام وربي يستر اختك ويهنيها
صقر:تنهد...ان شاء الله ...وطلع من الدار
سمر:سكرت الباب وهيا تفكر كيف تقعد بروحها بذات الحوش جاي في وسط مزرعه ومفيش هلبا ناس جنبها
منال:حطت سفرة العشي ....هيا بابا لازم تاكل عشان الدوا
ميلود:يشوف لسفره...ليش وليد مكلمنيش ونهي الخطبه معاي؟
منال:تنهدت...منعرفش بس يلي نعرفه ان خطب نيروز بنت عمه فتحي وموعد العرس مغيراش
ميلود:بغيض....لو كان بوه حي راهو مرضاش بي الشي يلي صار
منال:ع راحته يابابا المهم توا عندي صحتك بدنيا كلها
ميلود:الله غالب يا بنتي الجمل وين يطيح يكثرو سكاكينه
منال:بي ثقه....مفيش حد طاح رح نسافرو وترجع خدمتك زي قبل واحسن ورح تنكشف الحقيقه كلها
ميلود:حقيقة شنو؟
منال:ان س....
ترن ترن ترن
منال:شافت لي الرقم...لحضات ونجيك
ميلود:مسك الكاشيك وبدي يتعشى
منال؛الوو
قيس:اهلين كيف الحال
منال:بخير الحمد الله شنو وصلتها الشنطه؟!
قيس:اي تمام
منال:كيف حالها ؟اكيد شفتها صح كيف وضعها؟
قيس:والله تبي الحق؟
منال:بخوف...اي😨
قيس:الصقر يلي مخليها عنده مخلانيش نشوفها خايف عليها من خوه😂
منال:ضحكت... به الحمد الله 😅
قيس:بس حسب مشفتك اليوم الباين انك تاعبه وحزينه ان شاء الله احسن توا؟
منال:سكتت
قيس:اسف الباين ادخلت في شي ميخصنيش بس حبيت نطمن
منال:بارك الله فيك ربي يفتح عليك
قيس:يالله متبي شي؟
منال:سلامتك
قيس:تمام سلام
منال:سلام
قيس:راهو حتى انا صحتي كويسه ومنبي شي😅
منال:نحرجت وقعدت تضحك
قيس:هي سلامات نتلاقو
منال:ان شاء الله ....سكرت الخط ورجعت تتعشى مع بوها
🔥روايات بنووتة الشيخ،اروى الطاهر المسلاتي🔥
سمر:خشت للمطبخ وشافت صقر واقف ع الغاز وقفت جنبه...شنو ادير؟
صقر:نطيب في العشي طبعا وحده مش قادره تشغل غساله كيف بنعبى عليها اطيب؟
سمر:عادي نتعلم
صقر:لاهي يطيب
سمر:به شنو هاذي ؟اسم الاكله يعني؟
صقر:امممم الاكله الصقريه هيا
سمر:هههههه يعني انت اخترعتها؟
صقر:حاجه زي هكي ....وطلع البطاطا من الفرن وقعد يرفس فيها مع الطماطم
سمر:بانت علي وجها علامات التقزز....خيرك هكي اديرلها
صقر:بتقعدي واقفه اسكتي خير منعفجك زيها
سمر:به خلاص 🙊
صقر:طلع توابل وحطهم مع البطاطا والطماطم وفاحت منها ريحه حلوه
