وصلنا للمطار وبعد ساعه ركبنا ف طياره
المضيفه :اهلا وسهلا بيكم ارقام الكراسي لو سمحتو
اعطينا الارقام ماما واسماء وميرا ومحمد مع بعض في نفس صف الكراسي
واحمد وخالي وعلي وريتال مع بعض
وانا من حظي الجميل ان جيت بروحي بيني وبينهم 5صفات كراسي 🤦♀️
امشيت لي مكاني وكان جنب روشن طياره المنظر كان يهبل والاحساس انك بتمشي لي دوله جديده تعيش فيها احساس خوف علي حزن علي فرح هكي مجموعة احاسيس مع بعض
وقعمزت بعد شوي جي قعمز جنبي ولد انا وهوا نفس رقم الكراسي
الولد :السلام عليكم
انا:وعليكم السلام
الولد :معليشي بنقعمز هنا مكاني لو مفيش مانع
انا :لا عادي تفضل مفيش مشكله
الولد :تمام وقعمز
شوي وسمعنا صوت كبتن الطياره وهوا يقول اهلا وسهلا بيكم علي متن الخطوط الجويه ليبيه ترحب بكم الرجاء وضع احزمت الأمان للأقلاع
وصارت الطياره فوق في السحاب حلو شعور هذا 💕
وبدت الرحله علي متن الخطوط الجويه ليبيه لي دامت 6ساعات من ليبيا لي غانا
الولد :معليشي الرحله طويله وبنقعدو مع بعض 6ساعات
انا :اي صح طويله هلبا
الولد :غريبه شكلك مش خايفه من طياره والأقلاع
انا :اي مش خايفه عادي مش اول مره
الولد :اي واضح صح 👌
انا :اي
الولد :ممكن نتعرفو انا اسمي طه من طرابلس مواليد 1991
انا :تشرفنا وبطول عمرك
الولد :سلمك وعمرك وانتي ماعرفتينيش اعليك
انا :اسمي شيماء من صبراته مواليد 2000
الولد :بطول عمرك
