ووصلنا لي الحوش وكان عباره عن فيلا مش حوش كان يتكون من جناح خارجي للبوابين وجناح للسواقين وجناح للخدم وكان في مكتب بابا وجامع ومدرسه لتحفيظ القرأن كانو يجو كل جمعه وسبت الصغار الغانين يحفظو ف القرأن
واحلا حاجه كان في مساحه كبيره خلف الحوش تهبل
اول ماوصلنا استقبلتنا *حفصه*كانت تخدم غادي
حفصه:اهلا وسهلا شرفتو وهي طبعا كانت تتكلم ليبي لي ان كانت في ليبيا لي مدة 4سنين وتعرف كل شي تتكلم ليبي وتطبخ ليبي يعني تقول ليبيه
ماما :اهلين بيك يزيدك شرف
حفصه:تفضلو اكيد تعبانين من السفر تفضلو نوريكم غرفكم
وامشينا كل واحد لي حجرته كان عباره عن غرفه تهبل بي كل شي كان فيها زوز اسره تهبل وكانت كبيره وفيها روشن كبير حلو وممر وكان في نهاية الممر حمام
وامشينا فيها نوم لصبح نضنا علي صوت حفصه وهي تقول
هي نوضو لو سمحتو الفطور جاهز المدام تستنا فيكم في طابق لوطي
