الحكيمة المجنونة

الااااڤن

                                              # لوك ماي فايڤورت درييم  #  

London

#الهدرة بلونجلي تبعا عمبالي ماتفهموهاش علابيها طرجمتلكم طووول مغشي شكغا عفوا #

ليث : كيفااااااااااااااااااااااااااااااه تقوللييييي هكذا برك عمبالك قداه تعبت على لبروجي هاداااااااااااااا. خمس سنين ، من للي كنت نقرا و درك يجيني السيد بكل برودة أوب الغي المشروع و كلفوك بواحد جديد اوفففففففففف واش ندير درك ااه😡😡😡

جاك : بالعقل برك خمم فيه مليح بالاك كي شاف خدمتك حب يمدلك مشروع تستاهلو و ما علابالك لاعوش يكون فيها خير

ليث : هههههه هاد لهدرة قولها لطفل صغير مي نورمال يعني تعبي اوكل راح كادو للمدلل تاع بنو

ايييه وي هادي هي الدنيا يا يكون عندك كلش ولا والو 😞

جاك : لاه الهدرة هادي اصلا..

ليث : برا

جاك : شنهي😧

ليث : اخرج تعيش مانيش حاب نتفازدو و مانيش في طبسيا بليز

جاك : سيير

ليث : وي

خرج جاك و قلبو ميش مهنيه على صاحبو سمع ليث سكر الباب و الدنيا كالم ييب هادا هدوء قبل العاصفة مي في رايكم درك ليث يكسر الحالة لالا

ليث عندو طريقتو يفرغ غضبو بيها هي انو يجيب أوراق و ستيلو يكتب واش في قلبو اووووووكل مبعدا يشعل فيهم نار و مبعدا للصال بوكسينغ مي الخطرة هادي ههه جرنان مايسلكهاش درك تبدلت الحالة اوك نروحو عند ليث و نشوفو

قاعد حاط راسو بين يديه يتفكر في تعبو لي راح حلم حياتو لي تبخر في اقل من ثانية أمنية باباه لي حفزاتو باه لحق لهاد المرحلة و مع اللخر ههه يجي واحد لاعلاقة بدومان هادا يديلو خدمتو اوكل قلبو للزيرو كشغل واحد طيشك من الجبل خانك في ظهرك ، لبروجي هادا و لي هو افتتاح مستشفى جديد في احدى القرى في سويسرا لي تعب عليه ليث حتى وصل لنهايتو و مع اللخر يجيه امر من المدير انو يتخلى على المشروع بسك راح يكلف ابنو بإدارة هاد المستشفى واااي ، بيكوز السيد كي تخرج حب يديرلو ابوه سربرايز على حساب تعب ليث وي هادي هي يكون عندك سند في الدنيا تلقا كلش في يدك ماكانش ههه تلحق للبحر تلقاه ناشف نورمال هو ڤري غاضو تعبو مي لي غاضو اكثر انو ماقدرش يحقق أمنية بويو و لي كان هو بدورو يخدم في الانشاءات و كان حاب يبني اقرب مستشفى لولاد قريتو بسك يعانيو باه يلحقو للمستشفى الأكبر عمبالكم بكري كيفاه كانت الحالة المهم بدا اكرم(أب ليث ) يبني هو و صحابو و لجماعة بعدما اقتنعو بالفكرة و رحبو بيها ليث وقتها كان عمرو خمس سنين في هاداك النهار لي فقد أغلى عبد في حياتو وي أكرم مات في الخدمة بسبة الحديد لي طاح فوقو ميش عرصة و لا زوج 25 سبيكة تاع حديد كل وحدة توزن 5 كغ طاحو على راسو مخو في جيهة يديه لكور تاعو تفرتت الله لايشوفكم في حالتو فاجعة و لي دارت شوك لطفل مزال ماكملش خمس سنين وي كان معاه نهار مات نهار لي وعدو انو يخرجو معاه نهار كامل و يخليه يشوف كيفاه هي خدمة ابوه بسك دا علامة مليحة في لاكريش تاعو