#بقلمي زينب علي
...🌹🌹🌹🌹🌹🌹🌹🌹🌹
اسمي نور عمري ٢٧ سنه متزوجه ..مرحله ثانيه وتاركه اداب انكليزي ....زوجي اسمه يحيى مر على زواجنا خمس سنوات ولم املك اطفالا لحد الان .....انا من عائله فقيره الحال دخلها محدود املك اخ واحد اسمه محمود يدرس هندسه مرحله٢ مع اخوات اثنان فاتن في الصف السادس اعدادي و سمر.في الصف الثالث متوسط .والدي متوفي وامي تسعى للحصول على لقمه العيش في سبيل ان يكملوا اخواني دراستهم ........
نور..
زوجي من النوع الذي لايبالي للامور....بالعاميه(لايحل ولا يربط)وعنده اخوان ثلاثه امجد واحمد ومحمد. امجد ومحمد متزوجين من بنات عمهم ..واحمد غير متزوج لحد الان . .امجد عنده ثلاثه اولاد ومحمد ثلاث بنات وولدان ....
طبعا عمتي ام زوجي مااسولفلكم على تعاملها معايا عيشه الفصليه ارحم بهواي من عيشتي معاها واكيد راح تكولون شنو السبب الذي خلاها ماتقبل اتزوج ابنها لحد الان . اول شي لان اني بيدي مهنه خياطه تگطع فضه وذهب والدخل كله انطيها الها وهيه تصرف عالبيت وثانيا شغل البيت كله واگع براسي يلله اخلص من الخياطه انوب ارجع على شغل البيت ....سلفاتي مريم زوجه امجدوايمان زوجه محمد مايقصرون يعاونوني بس هم الهم اولادهم ومسؤلياتهم وعمتي مرات تشوفهن يساعدني هيه تصيحهن بحجه محتاجتهن بشغله وتكللهن اكعدن ميحتاج هيه تكمل لا جاهل ولا ولد ولاتلد معليجن التهن بجهالجن...اني ابقى احرگ بروحي وابجي بس مع كل هذا عمري مرحت زعلانه لأهلي ..احاجي زوجي يكول معليه انتن نسوان وحلن الامور بيناتجن مرات افكر اروح لاهلي بس اكول امي مريضه ومناقصه حزن وهيه يادوب تعيش اخواني وبعدين افوض امري لله.
يوم جديد (بغداد)الساعه 11والنصف صباحا
عمتي..نووور!!ولج نووور!!خايبه جاوبي
نور .گاعده اشتغل ما احس الا باب غرفتي اندفع عليه..
عمتي ..انتي ليش تثوليها من اناديج !!تسمعين وتسوين روحج طرشه !! هااا جاوبي يالمالج حظ من حقدج حتى الله مانطاج جهال يعرفج كلش زين يالحيه !!
نور..شنو هالحجي عمه ولله ماسمعتج من صوت المكينه وبعدين ماله داعي هالكلام مو والله حفظته مثل اسمي هذا من عند الله ليش هيج تعايريني؟
ام يحيى..اني مااعايرج بس تستاهلين صارلي ساعه انادي ومتردين وهسه يلا تعالي بلا كثر كلام كومي ساعديني اليوم امجد عازم اصدقائه عالغده ومريم متكدر تساعدني جهالها على ايدها ..فعاد عوفي كلشي من ايدج وامشي للمطبخ انتظرج!!
نور...بس عمه ولله عندي كومه خياطه مالحك عليها بس اخلص البيدي واجي تدللين""
ام يحيى.. انتي ثوله لو شنو لتخلين صوتنا يطلع گومي اكلج يلا ...
نور..افف ..كايمه وامري لله ..رحت للمطبخ واشوف ماباقي ماعون بالكاونتر ممطلعته والمطبخ مكلوب راسا على عقب حجيت!!
نور .. هذا شنو ! شدعوه ادري عزيمه بس مو هيج حتى الله مايقبلها ؟
ام يحيى. شنو قصدج! قصدج اني مطلعهن الج عالقصد لو شنو !
نور.. ترى مايصير هالظلم ادري اتورطت صرت حرمه يحيى لو شنو !!كلت هيج ما احس الا واحد جرني من شعري ..ادبسز تعلين صوتج بالبيت !'شتريدين حظره جنابج امي تغسلهن الج وتصعدلج الغده لغرفتج بت الكلب ساقطه انعل ابوج لابو الخلفج فوگ ماساكت عنج لحد الان !! وانتي راعيه المانيه كلبه صوتج ماسمعه لا ولله ادفنج هنا..
نور.. شنو انتو ماعدكم رحمه ولا ضمير هذا من لله كل كلمه والثانيه تعايرون بيه بالخلفه وكعدت ابجي واشهك بالمطبخ ..
..................................
#بقلمي زينب علي .
. تصويتاتكم مع التعليقات حتى اكمل تنزيل تكمله البارت..😍
