فصلية لابن شيوخ

البارت الثاني والعشرون

فصليه لابن شيوخ

البارت 22

حوراء قبل اسبوعين متحمسه وتردين تشترين ملابس شغير رأيج

نور عندي هواي ملابس البس منهم

حوراء حتى اني ما اشتري اذا انتي متشترين 😕

نور انتي شعليج بيه عرس اخوج اشتري ولبسي وفرحي بي

حوراء بس مجان هيج كلامج جنتي متحمسه لزواج محمد وتردين تشترين ملابس

نور اوووو اني اليوم ماخلص منج اوك اروح اشتري ملابس بس فوتي حالي

حوراء يممه فدوة لمرت اخوية 😘😘

نور كمت من يمهم صعدت لغرفه مالتي متت من البچي كولش انقهرت بس هذا الواقع ولازم اتحمل محمد حيتزوج اوووف ياربي اوووف ليش كل الاحبة يرووح من ايدي ياااارربي دفنت راسي بالمخدة واني ابچي لحد منمت

محمد صعدت لغرفتي ردت اروح لغرفتي كلت خلي اشوف نور دكيت الباب ماكو مردت فتحتها وطبيت شفت نور نايمه وشهرها على وجهها وخرته من وجهها اشوف وجهها مگلوب گلاب شبيها شو چنها باچيه مسحت وجهها وغطيتها وطلعت ضليت افكر شبيهاشبيها وليش ضايجة وتبجي معقولة لان راح اتزوج بس هية جانت تحضر لعرسي معقولة تغيرت مشاعرها اتجاهي وكامت تحبني ضليت افكر افكر لحد متعبت من التفكيير ونمت فزيت الصبح على صوت حوراء

حوراء عريسنه اكعد اليوم نريد نقطك نريد نشتري ملابس شو اكعد يلااا

محمد اوووو حوراء فوتي حالي عوفيني اريد انام ماعندي فلوس

حوراء افى شيخ وماعندك فلوس شلك بيهاي الچذبة😉

محمد ولج منو اليجذب 😠

حوراء انت

محمد شمرت المخدة على حوراء وكوتلها جايج يا ادبسز

حوراء شردت شردت من غرفة محمد واني اضحك نزلت جووا لكيت ام حيدر ونور يحضرن بالريوگ بس نور وضعها معاجبني مو على بعضها گوتله مرت اخوية الغالية شبيج حبيبه ضايجه من الموضوجج اليوم اصلخه

نور لا ماكوشي بس يمكن من الشهرية الهرمونات تتضارب عندي البارحة اجتني واني من تجيني كولش اضوج اعصابي تخرب

حوراء بررا تلعب النفس

نور جذبت على نور وكوتلها هيج بس اني جذب ضايجه لان محمد حيتزوج ودينه الريوگ ونزل محمد وحسن يتريگون اني ما اشتهي اكل اكلت شوية وكمت

محمد يلا حضرن نفسچن اخذجن تشترن ملابس

حوراء اي هسة شوية

محمد المفروض انتي ما اخذج اشتريلج ام الفواين

حوراء ههههه هاي كلها لان گعدتك من النوم