فصلية لابن شيوخ

البارت الرابع والعشرون

فصليه لابن شيوخ

محمد خوفتيني عليج حبيبتي شبيج

نور مابيه شي بس تعبت اليوم

محمد ارتاحي حبيبي بعد لتنزلين

نور ماشي 😬

محمد اني هسة لازم انزل لان الناس جوا تنتضر عيب

نور اوك
نزل محمد وما ادري شگد مر وقت بس اسمع البنات يگولن يلا نصب العشاء گلت فشله خلي انزل وياهم اساعدهم نزلت

ام محمد ها يمة شلون صرتي

نور زينه ماما لتخافين بس شويه تعبت

ام محمد گعدي ارتاحي يمه

نور لا ماما اروح اساعد البنات كوتلها بگلبي اذا اضل گاعده اطگ

ام محمد براحتج يمه

نور رحت يم البنات صبينه عشاء وبدو الولد ياخذون الاكل اسمعهم برا يتشاقون ويه محمد يگولوله عريسنه لتعب نفسك احنه ناخذهن وهو يضحك اني لا اراديا ابتسمت على ضحكت محمد

محمد دخلت للمطبخ اخذ الاكل اشوف نور ويه البنات كوتلها ها نورة شلونج شلون صرتي

نور زينه 😒

محمد ليش نزلتي ما ضليتي نايمة

نور لا اگوم احسن
خلصنه العشاء والماعين ونظفنه البيت وصلنة للفراش دا نفرش للناس البقت يمنه حاجتني ام محمد

ام محمد يمة نور بقت فرشت العرسان نريد نفرشها

نور اي ماما لعد متفرشوها

ام محمد روحي يمة فرشيها

نور 😱 ضليت مصدومة شنو اني افرشها

ام محمد اي يمة روحي

نور ماشي 😔
احس نفسي امشي جسد بلا روح يا ربي شلون حفرش الفرشه مالت عرسه يا ربي شلون امشي ودموعي تنزل وحدها صعدت ليفوگ فتحت باب الغرفه وطبيت طلعت الفرشه وبديت افرش بيها

محمد خلصت هوسة الزلم وبقت بس الناس المقربه النا فرشنه للزلم بالمضيف واني هم وياهم كوتلهم اروح اغير ملابسي وواجي دخلت للبيت هوسة النسوان واصله لوين بس نور نو بيناتهن كلت يجوز نامت صعدت للغرفه فتحتها واشوف نور گاعده على الجربايه تفاجئت

نور فرشت الفرشه واني ابجي 😭 گلت شييصير لو هذا عرسي شيصير لو اني ويا بالغرفه ايييي ينور ماضل بس هاي الليله وباجر هو وياها بهاي الغرفه گعدت على الجربايه لان ما عندي طاقه اوگف بعد نفتحت الباب وطب محمد

محمد شسوين هنا

نور ضحكت بستهزاء 😏 يعني شسوي دا افرش فرشت عرس رجلي

محمد وليش انتي تفرشيها

نور امك هيج تريد انت شتسوي جاي لهنا